Apocalipsis 10:11 - Alacatlatzala Mixtec New Testament

¹¹ Ta saá tuku ni̱ka̱ꞌa̱n ñaángel xíꞌin i̱, káchí ña saá: ―Xíni̱ ñóꞌó ka̱ꞌa̱n ndoso ún to̱ꞌon ña káꞌa̱n Ndios xa̱ꞌa̱ ña kundoꞌo kua̱ꞌa̱ ní ni̱vi, ta xa̱ꞌa̱ ña kundoꞌo narey na xáꞌnda chiño no̱o̱ na. Ta ni̱vi yóꞌo kúu na táku̱ kua̱ꞌa̱ ní ñoo válí xíꞌin kua̱ꞌa̱ ní ñoo náꞌno, ta káꞌa̱n na kua̱ꞌa̱ ní no̱o̱ to̱ꞌon ―saá ni̱ka̱ꞌa̱n ña xíꞌin i̱.

Apocalipsis 10:11 Kruisverwysings

Apocalipsis 10:10

Ta na̱kiꞌin i̱ nomi tutu loꞌo yóꞌo ndaꞌa̱ ñaángel, ta xa̱xi i̱ ña. Ta visi ní ni̱xi̱yo yuꞌu̱ i̱, ta saá ndu̱u yo̱va̱ ní ti̱xin i̱.

Apocalipsis 11:1

Ta saá Ndios ta̱xi ra ñii yito̱n nda̱kú ndaꞌa̱ i̱, nda̱tán yóo ñii yito̱n tón chóꞌon ki̱ꞌva, saá yóo nó. Ta xi̱ni̱ so̱ꞌo i̱ to̱ꞌon ña káꞌa̱n ra, káchí ra saá xíꞌin i̱: ―Nakundichi ún, ta ko̱ꞌo̱n ún choꞌon ki̱ꞌva ún ndasaá kúu ñaki̱ꞌva kómí veꞌe ño̱ꞌo káꞌno, ta saá tuku choꞌon ki̱ꞌva ún na̱ma̱ yi̱i̱ ña ñíndichi ini veꞌe ño̱ꞌo yóꞌo, ta koto ún ta kaꞌvi ún ndasaá kúu ni̱vi na kísa káꞌno yi̱ꞌi̱ ini veꞌe ño̱ꞌo yóꞌo.

Apocalipsis 11:9

Ta u̱ni̱ ki̱vi̱ sava, ndiꞌi saá no̱o̱ ni̱vi ñoyívi, na ke̱e ndiꞌi saá ñoo válí xíꞌin ñoo náꞌno, na kúu na káꞌa̱n ndiꞌi saá no̱o̱ to̱ꞌon, nayóꞌo kixaa̱ na koto na yi̱kí ko̱ñu ndi̱í na o̱vi̱ ta̱a yóꞌo. Ta nachiño o̱n taxi na nda̱yí ña ndu̱xu̱n yi̱kí ko̱ñu nata̱a yóꞌo.

Apocalipsis 14:6

Ta saá xi̱ni i̱ ñii ñaángel ndáchí ña ma̱ꞌñó ñoyívi ni̱no, ta ñaángel yóꞌo káꞌa̱n ndoso ña to̱ꞌon va̱ꞌa no̱o̱ ndiꞌi saá ni̱vi na táku̱ ndiꞌi saá xiiña ñoyívi no̱o̱ ñoꞌo̱. Ni̱vi yóꞌo kúu ndiꞌi saá no̱o̱ ni̱vi, na káꞌa̱n ndiꞌi saá no̱o̱ to̱ꞌon, ta ki̱xi na ndiꞌi saá ñoo náꞌno xíꞌin ñoo válí ñoyívi. Ta to̱ꞌon va̱ꞌa ña káꞌa̱n ñaángel nda̱ ñii ki̱vi̱ o̱n vása ndiꞌi xa̱ꞌa̱ ña, chi to̱ꞌon ña va̱xi no̱o̱ Ndios kúu ña.

Apocalipsis 17:10

Saá tuku káꞌa̱n ña xa̱ꞌa̱ u̱xa̱ narey. O̱ꞌo̱n narey yóꞌo xa ndi̱ꞌi xa̱ꞌa̱ na, ta ñii ta̱rey ti̱xin na u̱xa̱ yóꞌo xáꞌnda chiño ra vitin. Ta inka̱ ta̱rey o̱n ta̱ꞌán to̱nda̱a ki̱vi̱ kixáꞌá kaꞌnda chiño ra. Tá ki̱vi̱ kixáꞌá kaꞌnda chiño ra, ta saá saloꞌo ní ki̱vi̱ kaꞌnda chiño ra.

Apocalipsis 17:12

’Ta ña u̱xu̱ ndi̱ki̱ tí yi̱yo ní káa, tí xi̱ni ún, káꞌa̱n ña xa̱ꞌa̱ u̱xu̱ narey na o̱n ta̱ꞌán kixáꞌá kaꞌnda chiño. Ta ki̱vi̱ kixáꞌá na kaꞌnda chiño na, ta kukomí na nda̱yí xíꞌin kiti̱ tí yi̱yo ní káa ña kuchiño kaꞌnda chiño na ñii hora kuiti.

Apocalipsis 17:15

Ta ni̱ka̱ꞌa̱n ka̱ ñaángel xíꞌin i̱, káchí ña saá: ―Ta takuií yu̱ta tá xi̱ni ún no̱o̱ yóo ñáñaꞌa̱ ñá o̱n váꞌa, takuií yu̱ta yóꞌo kúu ña káꞌa̱n xa̱ꞌa̱ kua̱ꞌa̱ ní ñoo válí xíꞌin ñoo náꞌno, ta káꞌa̱n ña xa̱ꞌa̱ kua̱ꞌa̱ ní no̱o̱ ni̱vi, xíꞌin kua̱ꞌa̱ ní no̱o̱ to̱ꞌon ña káꞌa̱n na.

Apocalipsis 5:9

Ta saá ña ko̱mi̱ táku̱ xíꞌin ndiꞌi na o̱ko̱ ko̱mi̱ nata̱a naxi̱kua̱ꞌa̱ xi̱ta na yaa yi̱i̱ ña xa̱á ña kísa káꞌno na Ndikachi xíꞌin to̱ꞌon yóꞌo: Yóꞌó kómí ún nda̱yí tiin ún nomi tutu yóꞌo. Yóꞌó kómí ún nda̱yí ña nakoná ún ña ndási̱ tutu yóꞌo. Saá chi ni̱so̱ko̱ xíꞌin mi̱i ún no̱o̱ Ndios, ta sa̱takuéꞌe̱ na yóꞌó, ta ni̱xiꞌi̱ ún. Ta xíꞌin ni̱i̱ ún ña ni̱xi̱ta̱, cha̱ꞌvi ún xa̱ꞌa̱ kua̱chi ndiꞌi ni̱vi, ña kuchiño na nduu na sa̱ꞌya Ndios. Ni̱vi na cha̱ꞌvi ún xa̱ꞌa̱, kúu na ki̱xi ndiꞌi saá ñoo válí án ñoo náꞌno ndiꞌi saá xiiña no̱o̱ ñoꞌo̱. Ta kúu na ndiꞌi saá no̱o̱ ni̱vi ñoyívi, ta káꞌa̱n na ndiꞌi saá no̱o̱ to̱ꞌon.