1 Juan 5:8 - Alacatlatzala Mixtec New Testament

⁸ Ta yóo u̱ni̱ ña ndákuii̱n xa̱ꞌa̱ Jesucristo ñoyívi yóꞌo, ta ñii ña kúu Níma̱ Ndios, ta inka̱ ña kúu takuií tá chi̱chi Jesucristo, ta inka̱ ña kúu ni̱i̱ ña ke̱e yi̱kí ko̱ñu Jesucristo ki̱vi̱ ni̱xiꞌi̱ ra ndaꞌa̱ tón cruz. Ta u̱ni̱ ñayóꞌo ñii yóo yuꞌú ña.

1 Juan 5:8 Kruisverwysings

San Mateo 28:19

Ta saá káꞌa̱n i̱ xíꞌin ndó: Kua̱ꞌa̱n ndó ndiꞌi saá xiiña ñoyívi yóꞌo ta sanáꞌa ndó nani̱vi ndasaá koo kundiko̱n na yichi̱ i̱, ta sakuchu ndó na xíꞌin ki̱vi̱ Yivá yó, xíꞌin ki̱vi̱ yi̱ꞌi̱ ta̱Sa̱ꞌya ra, ta xíꞌin ki̱vi̱ Níma̱ Ndios.

San Marcos 14:56

Chi kua̱ꞌa̱ ní ni̱vi ni̱ka̱ꞌa̱n na to̱ꞌon vatá xa̱ꞌa̱ ra, ta ña ni̱ka̱ꞌa̱n na o̱n vása ní‑nakutáꞌan to̱ꞌon na.

San Juan 15:26

Ta ni̱ka̱ꞌa̱n ka̱ ta̱Jesús xíꞌin naxíka xíꞌin ra, káchí ra saá: ―Va̱xi ki̱vi̱ kixaa̱ Níma̱ Ndios no̱o̱ ndó, ta Níma̱ yóꞌo kúu ña chíkaa̱ ndee̱ ini ni̱vi, ta ndáto̱ꞌon ña ndasaá kuiti ñanda̱a̱ ndinoꞌo xíꞌin ni̱vi. Níma̱ yóꞌo kee ña no̱o̱ Ndios ta kixaa̱ ña no̱o̱ ndó, chi yi̱ꞌi̱ tiꞌví i̱ ña xíꞌin nda̱yí Yivá i̱, ta Níma̱ Ndios yóꞌo ka̱ꞌa̱n ña xíꞌin ndó ndiꞌi ñanda̱a̱ xa̱ꞌa̱ i̱.

San Juan 19:34

Ta ñii ta̱tropa yóꞌo ti̱vi ra tón lanza sii̱n kándíká yi̱kí ko̱ñu ta̱Jesús. Ta ña ke̱ꞌé ra saá, ke̱e kua̱ꞌa̱ ní ni̱i̱ xíꞌin takuií no̱o̱ ti̱vi ra tón lanza yóꞌo.

Hechos 15:15

Ta ña ke̱ꞌé Ndios saá, ñii yóo yuꞌú ña xíꞌin to̱ꞌon ni̱ka̱ꞌa̱n Ndios ña ni̱taa naprofeta kui̱ya̱ xi̱na̱ꞌá, ka̱chí Ndios saá:

Romanos 8:16

Ta Níma̱ Ndios ndáto̱ꞌon ña xíꞌin níma̱ mi̱i yó ndí ndixa kúu yó sa̱ꞌya Ndios, ta xa̱ꞌa̱ ñayóꞌo ndixa ndáa ini yó saá yóo ña.

2 Corintios 1:22

Ta nda̱tán yóo toni̱ ña kómí kiti̱, ña sánáꞌa káxín no̱o̱ ni̱vi yu kúu xitoꞌo rí, saá yóo Níma̱ Ndios xíꞌin yó. Saá chi ña táku̱ Níma̱ Ndios ini yó kúu ña sánáꞌa káxín ndí mi̱i yó kúu yó sa̱ꞌya Ndios. Ta ña táku̱ Níma̱ Ndios ini yó kúu ña kísa nda̱a̱ ndí ndixa nakiꞌin yó ndiꞌi ñava̱ꞌa ña ki̱ndo̱o Ndios taxi ra ndaꞌa̱ sa̱ꞌya ra.

Hebreos 13:12

Ta ñii ki̱ꞌva saá, Jesucristo ni̱xo̱ꞌvi̱ ra ta ni̱xiꞌi̱ ra ñii xiiña ña xíká loꞌo no̱o̱ ñoo Jerusalén. Ta xíꞌin ni̱i̱ ra ña ni̱xi̱ta̱ ndaꞌa̱ tón cruz, Ndios nákata ra kua̱chi ni̱vi.

Hebreos 6:4

Chi ni̱vi na xa ni̱ki̱ꞌvi yichi̱ Ndios, xa̱ꞌa̱ ña kándixa na Jesucristo, nayóꞌo xíka na ta yéꞌe ñoꞌo̱ ra ini na ña sanáꞌa na yu kúu ña va̱ꞌa, ta xíꞌin ñasi̱i̱ ini na nákoni na ñava̱ꞌa táxi Ndios ndaꞌa̱ na, ta ñii káchí xíꞌin ndiꞌi ni̱vi na kándixa Jesucristo, yóo Níma̱ Ndios táku̱ ña ini na.

1 Pedro 3:21

Ta vitin mi̱i yó, xa̱ꞌa̱ ña kándixa yó Jesucristo, chíchi yó ini takuií, ta nda̱tán Ndios sa̱ka̱ku ra ta̱Noé kui̱ya̱ xi̱na̱ꞌá ña o̱n ka̱ꞌa̱ ra ini takuií, saá saka̱ku ra mi̱i yó ña o̱n ndiꞌi xa̱ꞌa̱ yó. Ta ña xa chi̱chi yó saá, o̱n si̱ví xa̱ꞌa̱ ña ndundii yi̱kí ko̱ñu yó xi̱kuu ña. Saá chi ña xa chi̱chi yó kóni kachí ña ndí xa ki̱ndo̱o yó xíꞌin Ndios ña kutaku̱ ndii yó no̱o̱ ra. Ta xa̱ꞌa̱ ña na̱taku̱ Jesucristo, Ndios kúchiño saka̱ku ra mi̱i yó.

1 Juan 5:9

Mi̱i yó kándixa yó to̱ꞌon ña káꞌa̱n ni̱vi xíꞌin yó, ta ña ndáya̱ꞌví ní ka̱ kúu to̱ꞌon ña káꞌa̱n Ndios. Saá chi mi̱i Ndios kúu ta̱a ta̱ ndákuii̱n xa̱ꞌa̱ Sa̱ꞌya ra Jesucristo.