1 Juan 4:21 - Alacatlatzala Mixtec New Testament

²¹ Mi̱i Jesucristo xa̱ꞌnda chiño ra no̱o̱ yó, káchí ra saá: “Ndiꞌi ni̱vi na kíꞌvi ini xíni na Ndios, ni̱vi yóꞌo xíni̱ ñóꞌó kukiꞌvi ini na koni na natáꞌan na”, káchí ra.

1 Juan 4:21 Kruisverwysings

San Mateo 5:43

Ta tuku káchí ta̱Jesús saá xíꞌin na: ―Xa xi̱ni̱ so̱ꞌo ndó ña ni̱ka̱ꞌa̱n namaestro xi̱na̱ꞌá, káchí na saá: “Kukiꞌvi ini ndó koni ndó natáꞌan ndó, ta kusaa̱ ini ndó koni ndó na sáa̱ ini xíni ndóꞌó”, káchí namaestro.

San Lucas 10:37

Ta nda̱kuii̱n ra, ni̱ka̱ꞌa̱n ra: ―Ta̱a ta̱ ke̱ꞌé ñava̱ꞌa xíꞌin ra kúu ta̱táꞌan ra ―káchí ra xíꞌin ta̱Jesús. Ta ni̱ka̱ꞌa̱n ta̱Jesús xíꞌin ra: ―Kua̱ꞌa̱n ún, ta nda̱tán ke̱ꞌé ta̱ ku̱ndáꞌví ini xi̱ni ta̱ ta̱kuéꞌe̱ yóꞌo, saá keꞌé ún xíꞌin inka̱ ni̱vi ―káchí ta̱Jesús xíꞌin ra.

San Juan 15:12

Ña xáꞌnda chiño i̱ no̱o̱ ndó kúu ñayóꞌo: Ndixa kukiꞌvi ini ndó koni táꞌan ndó, nda̱tán kíꞌvi ini i̱ xíni i̱ ndóꞌó.

Gálatas 5:14

Saá chi ndiꞌi nda̱yí Ndios ña ni̱taa ta̱Moisés, kundivi ndiꞌi ña xíꞌin nda̱yí ña káchí saá: “Kukiꞌvi ini yó koni táꞌan yó ñii ki̱ꞌva nda̱tán kíꞌvi ini yó xíni yó mi̱i yó.”

Gálatas 5:6

Ta mi̱i yó ni̱vi na táku̱ ini Jesucristo, ta ñii yóo yó xíꞌin ra, ta no̱o̱ yó o̱n vása ndáya̱ꞌví ka̱, án kúu yó ni̱vi na ki̱sa ndivi circuncisión, án kúu yó ni̱vi na o̱n vása ní‑kisa ndivi ña. Chi ñii la̱á ña ndáya̱ꞌví ní no̱o̱ yó kúu ña kándixa yó Jesucristo, ta xíꞌin ña kíꞌvi ini yó xíni táꞌan yó sánáꞌa yó ndí ndinoꞌo kándixa yó ra.

1 Tesalonicenses 4:9

Ta o̱n vása xíni̱ ñóꞌó ka̱ ka̱ꞌa̱n ndi̱ xíꞌin ndó xa̱ꞌa̱ ña kukiꞌvi ini ndó koni táꞌan ndó, chi xa sa̱kuáꞌá ndó no̱o̱ mi̱i Ndios ndasaá ndixa kukiꞌvi ini ndó koni táꞌan ndó.

1 Pedro 3:8

Vitin káꞌa̱n i̱ xíꞌin ndiꞌi ndó. Xíni̱ ñóꞌó vivíi kutaku̱ ndó xíꞌin táꞌan ndó ta koo yuꞌú ndó xíꞌin táꞌan ndó; kundáꞌví ini ndó koni táꞌan ndó; kukiꞌvi ini ndó koni táꞌan ndó nda̱tán kíꞌvi ini ndó xíni ndó ñani mi̱i ndó xíꞌin ki̱ꞌva̱ mi̱i ndó. Chindeé táꞌan ndó xíꞌin ña xíni̱ ñóꞌó ndó; ta káꞌno koo ini ndó xíꞌin táꞌan ndó.

1 Pedro 4:8

Ña káꞌno ka̱ xíni̱ ñóꞌó kasa ndivi ndó kúu ña xíꞌin ndiꞌi níma̱ ndó kukiꞌvi ini ndó koni táꞌan ndó, chi tá va̱ꞌa kísa ndivi ndó ñayóꞌo, ta saá ndixa yóo tiꞌva ndó kasa káꞌno ini ndó xa̱ꞌa̱ ña o̱n váꞌa ke̱ꞌé natáꞌan ndó xíꞌin ndó, vará kua̱ꞌa̱ ní ña o̱n váꞌa ke̱ꞌé nayóꞌo.

1 Juan 2:7

Nañani yó xíꞌin náki̱ꞌva̱ yó, o̱n si̱ví ñii to̱ꞌon ña xa̱á kúu ña xáꞌnda chiño i̱ no̱o̱ ndó vitin, chi to̱ꞌon Ndios ña xa siꞌna yóo nda̱ ki̱vi̱ no̱ó kúu ña. Ta to̱ꞌon yóꞌo ñii kúu ña xíꞌin to̱ꞌon ña yatá ña xa xi̱ni̱ so̱ꞌo ndó.

1 Juan 3:11

Ñayóꞌo kúu to̱ꞌon Ndios ña xi̱ni̱ so̱ꞌo yó nda̱ ki̱vi̱ ki̱xáꞌá yó kándixa yó Jesucristo, to̱ꞌon ña káchí saá: Kukiꞌvi ini yó koni táꞌan yó, káchí ña.

1 Juan 3:14

Ta mi̱i yó, ni̱vi na kándixa Jesucristo, kúu yó ni̱vi na kíꞌvi ini xíni táꞌan. Ta xíꞌin ña kéꞌé yó saá kúnda̱a̱ ini yó ndí ndixa sa̱ndakoo va̱ꞌa yó yichi̱ o̱n váꞌa ña saloꞌo sandiꞌi xa̱ꞌa̱ yó, níkúu, ta vitin kua̱ꞌa̱n yó yichi̱ no̱o̱ ndixa táku̱ ndinoꞌo yó no̱o̱ Ndios. Ta ndiꞌi ni̱vi na o̱n vása kíꞌvi ini xíni natáꞌan na, ni̱vi yóꞌo, vará xíka ka̱ na ñoyívi yóꞌo, o̱n vása táku̱ na no̱o̱ Ndios.

1 Juan 3:18

Nañani yó xíꞌin náki̱ꞌva̱ yó, nda̱tán yóo sa̱ꞌya i̱ yóo ndó, ta ndáto̱ꞌon i̱ xíꞌin ndó ndí o̱n váꞌa kuiti ka̱ꞌa̱n yó kachí yó ndí kíꞌvi ini yó xíni yó natáꞌan yó, chi xíni̱ ñóꞌó kasa ndivi yó chiño ña sánáꞌa ndí ndixa kíꞌvi ini yó xíni yó na.

1 Juan 3:23

Ta ñayóꞌo kúu ña xáꞌnda chiño Ndios no̱o̱ yó: Xíni̱ ñóꞌó kandixa yó Jesucristo, ta̱a ta̱ kúu Sa̱ꞌya Ndios, ta xíni̱ ñóꞌó kukiꞌvi ini yó koni yó natáꞌan yó, ñii ki̱ꞌva nda̱tán mi̱i Jesucristo xa̱ꞌnda chiño ra no̱o̱ yó ki̱vi̱ ni̱xika ra ñoyívi yóꞌo.

1 Juan 4:11

Nañani yó xíꞌin náki̱ꞌva̱ yó, xa̱ꞌa̱ ña kúnda̱a̱ ini yó ndí Ndios kíꞌvi ní ini ra xíni ra mi̱i yó, ta saá mi̱i yó ndixa xíni̱ ñóꞌó kukiꞌvi ní ini yó koni táꞌan yó.