Fìlipì 1:6 - Meta’

⁶ Mə kàŋ kyerɨ ni Ŋwìə̀ we nɨ nyaʼa kɔ ə̀fàʼì ə chɔ̀m zɔ̂ ɨŋga nən bɨrɨ chè ɨmbì mbɨ əzɨ əwən pè əni ze nɨ Kristo Yeso bɨrɨ wɨrɨ yeʼe.

Ikan feg

⁶ Mə kyèri kwàʼ tesiʼ gha, Ŋwiye we ne ya ko àfàʼì chɔm azo̰ ni fàʼ inga ìwən ìtḛ̀, wì biri chè imbìghè ni fàʼ ajìm ghò pè ane aneg ze ne Yeso Kristo biri ywiri yeʼe.

Fìlipì 1:6 Kruisverwysings

Jn 6:29

Yeso nyaʼa wììrɨ̀ əmbɨ mɨ̀mə̌d ni, “Ənû ze nɨ Ŋwìə̀ kəbɨ yɨ ni: mbə̀ ben wə̀d we nɨ wɨ̀ nyaʼa tomɨ.”

Ɨ̀fàʼì 11:18

Ənɨ mbɨ nyaʼa zu ənû zɔ̂, chəi mbɨ nyaʼa wɨrɨ berɨ ənû ə cherə nɨ ghà. Əne mbɨ yiirɨ ə Ŋwiə̀, ghà ni, “Ŋwìə̀ fə bə̀ nàʼ əpan əmbɨ bə̂d mbe nɨ kaʼi mɨ̀Jû ni mbɨ beŋ tə fîŋ jɨg ɨ̀tènɨ̀.”

Ɨ̀fàʼì 16:14

Əyi mɔʼɔ rəbɔʼ mbe nɨ nyaʼa zu ɨnû mbe nɨ tɨ̀ nyaʼə ghàə̀ yɨə Lidià. Wɨ̀ yɨə nyaʼa rɨ ə Tìatirà. Ɨ wɨə nyaʼə fènə̀ ngywɨ̌ əka ɨnun. Ɨ wɨə nyaʼə bə̀ wumnɨ ə Ŋwiə̀. Ə̀nùŋɨ̀sɨg nyaʼa fiʼ fîŋ məd ni wɨ̀ zɨ ətu ənɨ ənû ze nɨ Pɔ̂l nyaʼə ghàə̀.

1 Kɔrèn 1:8

Məd bɨrɨ ghɨ ni mbə̀ təm kàànɨ̀ wò pè ənɨ ɨnwǐ, ɨmbə̀ʼ tɨ wɨ̀ zə i ənû rɨbɔ̀ŋ ə mɔʼɔ ɨgwɨ nən əni ze nɨ a Ə̀nùŋɨ̀sɨg Yeso Kristo bɨrɨ wɨrɨ yeʼe.

2 Kɔrèn 1:15

Ənɨ mə̀ nyaʼa kyerɨ əne, mə nyaʼa kə̀b ni mə bɨrɨ be yeʼe əsɨ nən ɨmbə̀ʼ mbə̀ berɨ əbɔrəbɔd ɨghəm be.

2 Kɔrèn 2:3

Mə nyaʼa ŋwaʼnɨ ə̀ŋwàʼnɨ̀ ze ɨchî nɨ mə̀ nyaʼa ŋwaʼnɨ, ɨmbə̀ʼ mə mɨ yeʼe, tɨ bə̂d mbe nɨ kəʼ berɨ ghɨ ni ɨghaʼi swi ɨŋga mɨ fîŋ wɨrɨ bèŋ ə tɔɔnɨ mɨ fîŋ. Mə kyerɨ rəsìʼ ɨmbə̀ʼ mbə̀n mɨjìm ni ɨghaʼi mɨ swi ɨŋga mɨ fîŋ, wɨ bɨrɨ bɨ swi ɨŋga tən.

2 Kɔrèn 7:16

Mə kaŋ ghaʼ əku ɨmbə̀ʼ ɨghəm nɨ mə we tɨ̀ mə nùŋ mɨ fîŋ ɨgwɨ nən ənɨ ɨnû jìm!

2 Kɔrèn 9:4

À mɨ yeʼ nɨ chəi mbə̀ kɨrɨ tekɨ ɨnyod, njɨ bə̂d mɔʼɔ rɨ ə Màsèdonià mɨ yeʼe mbɨ num pè zə ni chəi mbə̀ kɨrɨ tekɨ ɨnyod, mba ɨtu bɨrɨ nìd. Mba ɨtu mɨ nìd, njɨ zɨə kɨə wo yeʼ rɨ ye mbɨ mbə̀n mbe nɨ tɨ̀ nuŋ ta fîŋ ɨgwɨ nən ə?

Gàlesìyà 5:10

Mə wɨə nùŋ mɨ fîŋ ɨgwɨ nən ɨchî nɨ tɨ̀ yeʼ ənɨ ɨfɔtɨ mbɨ Ə̀nùŋɨ̀sɨg ni chəi mbə̀ bɨrɨ nɨŋ ɨkɔndɨ cherə chè rɨ ənɨ we nɨ mə̀ naʼ ɨ nən. Ŋwìə̀ bɨrɨ saʼ wə̀d we nɨə chə əwən, kɨ̀ à kɨə we njiʼ.

Efesùs 4:12

Wɨ̀ nyaʼa ghɨ əne, ɨ tekɨ bə̂d Ŋwiə̀ ni mbɨ faʼ ɨ bɔ, ɨmbə̀ʼ nyamnyod Kristo kwi

Fìlipì 1:10

ɨmbə̀ʼ mbə̀ chɔʼ əze nɨ jeŋgɨ bɔ̀ŋ. Mbə mɨ ghɨ̀ əne, mbə bɨrɨ chub ɨzeŋɨ zeŋɨ fɔrɨ ni chəi bə̂d bɨrɨ gha ɨnû rɨbɔ̀ŋ ɨmbə̀ʼ əwən əni ze nɨ Kristo bɨrɨ wɨrɨ yeʼe.

Fìlipì 1:29

Ŋwìə̀ fə nàʼ əpan ɨ nən ni mbə̀ faʼ əmbɨ Kristo, kaʼ àmei nɨ ben əməd, à yɨ bə̀ nɨ zə ŋgəʼ ɨmbə̀ʼ əməd.

Fìlipì 2:12

Mbɨ bɔŋgɔb nɨ mə̀ ghaʼi kwàʼ rɨŋgəʼ, ɨchî nɨ mbə̀ nyaʼə zuunɨ ə Ŋwiə̀ ɨghəm jìm ənɨ mə̀ nyaʼa mbɨ nən, əne tɨ̀nîn nɨ chəi əmɨ mbɨ nən, mbə̀ jeŋgɨ zuunɨ əməd. Ŋwiə̀ fə chɨ̀ əwən rəŋgəʼ, əne mbə̀ kywɨ ənywɨ màànɨ̀ ɨchî nɨ wɨ̀ chɨ̀ əwən rəŋgəʼ ɨchî nɨ mbə̀ə bɔ əməd bə̀ wumnɨ əməd.

Fìlipì 2:13

Mbə̀ kyerɨ ni Ŋwìə̀ wɨə fàʼ ɨŋga nən ɨ ghɨ ni mbə̀ ghɨ ɨnû chɔ̀m mbe nɨ wɨ̀ kəbɨ, mbɨ ni mbə̀ ghaʼ nɨ ghɨ ɨnû mbe.

Fìlipì 2:16

Mbə̀ yim ɨŋgam we nɨə nàʼ ɨ̀tènɨ̀, ɨmbə̀ʼ mə̀ goŋ ɨgɔ̂ əni ze nɨ Kristo bɨrɨ wɨrɨ yeʼe ni chəi mə̀ nyaʼa notɨ ətu ə̀kǒ kɨ̀ bə̀ fàʼ ətu ə̀kǒ.

Kòlosè 2:12

Mbɨ nyaʼa fə tweŋ əwən mbɨ Kristo ənɨ ə nyùmə̀ we nɨ mbə̀ nyaʼa nɨŋ mɨnib. Ŋwìə̀ fə bə zwemnɨ əwən mbɨ məd ənjìm ɨchî nɨ mbə̀ ben ni məd ə berɨ ɨka nɨ ghɨ əne. À yɨə məd nyaʼa zwemnɨ ə Kristo.

1 Tèsàlonikà 1:3

Ənɨ tɨə kɔŋgɨ Ŋwiə̀ a Mbǎʼ, tɨ̀ wɨə kɔndɨ ɨnû mbe nɨ mbə̀ə ghɨ̀ə̀ ɨchî nɨ mbə̀ nuŋ fîŋ ɨgun ə Yeso. Tɨ̀ wɨə bə̀ kɔndɨ ɨchî nɨ mbə̀ə fàʼə̀ rɨ̀kǎ ɨmbə̀ʼ weerɨ bə̂d ɨmbə̀ʼ ɨghəm nɨ mbə ghaʼ mɨ̀mə̌d. Tɨ̀ wɨə bə̀ kɔndɨ ɨchî nɨ mbə̀ə nyìʼə̀ fîŋ wòm ɨchî nɨ a Ə̀nùŋɨ̀sɨg Yeso Kristo bɨrɨ chɨ əwən rəŋgəʼ.

2 Tès 1:11

Əne tɨ̀ wɨə kɔ̀ŋgɨ̀ a Ŋwiə̀ ɨghəm jìm ni wɨ̀ ghɨ̀ mbə̀ kuʼ nɨ chub ɨchî nɨ wɨ̀ nyaʼa tɔŋ əwən ni mbə̀ chubɨ. Tɨ̀ wɨə bə̀ kɔ̀ŋgɨ̀ə̀ ni ənjìm ɨka məd, mbə mbe tɨ̀ mbə ghɨ̀ ɨ̀chɔ̀m we nɨ mbə̀ kəb nɨ ghɨ, bə̀ màànɨ̀ ə̀fàʼì ze nɨ ɨbenɨ ghɨ ni mbə̀ faʼa.

2 Tès 3:4

Ə̀nùŋɨ̀sɨg ə fə ghɨ̀ ni tɨ̀ nuŋ ta fîŋ ɨgwɨ nən ɨchî nɨ mbə̀ə ghɨ̀ə̀ bə̀ kɨrɨ wò ɨmbì ghɨ̀ ɨnû mbe nɨ tɨ̀ gha ɨ nən.

Filemɔ̀n 1:21

Mə kàŋ kyerɨ ənɨ rəsìʼ ni à bɨrɨ ghɨ ɨnû mbe nɨ mə gha ɨ ne. Mə wɨə ŋwaʼnɨ ɨ ne ni à kyerɨ ni à bɨrɨ ghɨ ɨnû mbe chè ɨchî nɨ mə̀ nyaʼa ghɨ ɨ ne.

Mə̀Hibrù 10:35

Əne tɨ mbə̀ waʼ əwən ənû nɨ nuŋ fîŋ ɨgun Ə̀nùŋɨ̀sɨg, ɨmbə̀ʼ ɨghəm nɨ əze ə bɨrɨ yeʼe mbɨ ɨchɔʼ ə̀fàʼì kyeŋ.

Mə̀Hibrù 12:2

Tɨ̀ neŋ àmei Yeso we nɨ a ɨbenɨ kɔ bə̀ nwìə̀ àmei ɨgwɨ məd. Wɨ̀ nyaʼa nyìʼ əzed ə baʼnɨ ɨmbə̀ʼ ɨghəm nɨ wɨ̀ nyaʼa kyerɨ ɨghaʼi we nɨ nyaʼa ɨmbì ɨ bɔ. Wɨ̀ nyaʼa bə̀ tə̀ə̀nɨ̀ ɨchî nɨ wɨ̀ nyaʼa wo berɨ tɨ̀nìd ətu ənɨ mbɨ nyaʼa kombɨ əməd əzed ə baʼnɨ. Ɨ wɨə sɨ əbɔ ə jɨgɨ ətən ɨfɔ̀n ə Ŋwiə̀.

1 Pità 5:10

Mbə̀ nɨə fə zə ŋgəʼ ənɨ ɨkə nyùmə̀, Ŋwìə̀ we nɨə ghɨ̀ ɨ̀chɔ̀m ənɨ ə wə̀d jìm bɨrɨ wɨrɨ tekɨ ɨghɨjìm ɨ nən. Wɨ̀ bɨrɨ ghɨ ni ə ɨbenɨ wɨrɨ kàànɨ̀ bə̀ ghɨ ni mbə təm kàànɨ̀. À yɨə məd nyaʼa chè ənjìm ə Kristo tɔŋ əwən ni mbə yeʼe nyɨ ɨŋga ɨzeŋɨ zeŋɨ məd we nɨ chəi wɨ bɨrɨ nɔʼ mì.

2 Pità 3:10

Àyɨə əni ze nɨ Ə̀nùŋɨ̀sɨg bɨrɨ wɨrɨ yeʼe ə zɨ ɨghabɨ ɨchî nɨ ɨjɨ ə yeʼe. Əni ze, ɨkaŋ bɨrɨ jùʼ rɨkǎ nim. Ɨwid bɨrɨ tɔn ɨghɨjìm mbe nɨ yeʼ ɨkaŋ, mbɨ sam. Ɨwid bɨrɨ tɔn si bə̀ tɔ̀n ɨghɨjìm mbe nɨ yeʼ ɨgwɨ ə si, mbɨ nim.