Rm 6:18 - Mofu-Gudur

¹⁸ Gazlavay ta pəskakwar sem daa beke ŋga mebərey. Anda keɗe, ka da kam cek masa maaya ta cəveɗ e.

Rm 6:18 Kruisverwysings

Mey-maaya-mawiya masa Luk ma wuzlala 4:18

«Mesəfney ŋga Bay Gazlavay aa da ray aɗaw, Bay Gazlavay ta walaya la amba ya wuzdatara *Mey-maaya-mawiya ŋgada masa-viya hay. A slərdiwa amba ya ləvtar a ndəhay majəwtakaya dasi har ŋga bay-malula na, Gazlavay ta pəskata sem. A slərdiwa ŋga wurey dey ŋga wulaf hay, ŋga ləhey ndəhay dasi har ŋga masa-gəra ata hay.

Mey-maaya-mawiya masa Jaŋ ma wuzlala 8:32

Anda keɗe, ka sərmara mey masa fara fara la, mey a, a da pəskakurwa daa beke.»

Mey-maaya-mawiya masa Jaŋ ma wuzlala 8:36

Anda keɗe, da ara yah, Bəzey ŋga Gazlavay, ma pəskakwar daa beke na, ka da njam akwar beke hay saba fara fara.

Rm 6:14

Anda keɗe, ara mebərey ma da wey da ray akwar saba, maja akwar fa səpmara *kwakwas ŋga Mawiz daa saba, ka səpam na, ŋga hətey maaya ŋga Gazlavay.

Rm 6:22

Wure keɗe na, Gazlavay ta pəskakwar sem daa beke ŋga mebərey. Anda keɗe, akwar ndəhay ma ka sləra ŋga Gazlavay. Cek maaya masa akwar ma hətam na, ara menjey akwar maaya ma mbafar a Gazlavay. Asaya, menjey akwar a, a da vəlkwar heter mendəvey ba ŋga sərmataw.

Rm 6:7

maja ndaw masa maməckaya na, mebərey a wa saba.

Rm 8:2

Mebərey fa da hətey gədaŋ ŋga handawa meməcey a ray aləkwa daa saba, maja gədaŋ ŋga *Mesəfney ŋga Gazlavay aa da ray aləkwa. Gədaŋ ŋga Mesəfney ŋga Gazlavay a, a vəlndakwar heter mawiya ta fa Yesu Kəriste.

Leeter masa Pawl ma wuzlalatara a Galat hay 5:1

*Kəriste ta pəskandakurwa sem dasi har ŋga *kwakwas ŋga Mawiz amba ya wakwa ray aləkwa fara fara. Da ray ŋgene, kam gədaŋ, wam ray akwar, ka da vəlmar cəveɗ a ndaw ŋga tərdakwar beke ŋga kwakwas ŋga Mawiz saba.

1 Piyer 2:16

Akwar ndəhay ŋga Yesu na, akwar beke hay ba. Ama ka da ləvam akwar beke ba kaa na, ka kam cek maaya ba anda mevel akwar ma wuɗey na, kəne ba. Sasəkar jak, təram ndəhay ma ka sləra ŋga Gazlavay.