Rm 15:12 - Mofu-Gudur

¹² *Izay, *ndaw ma təla mey ŋga Gazlavay taa guzley la saya, a ləvey: «Ndaw a yawa la daa səkway ŋga Jese, a da key bay ŋga ndəhay masa Jəwif hay ba may. Ndəhay masa Jəwif hay ba na, mewulkey ata aa da ray ndaw aha amba a ləhdata.»

Rm 15:12 Kruisverwysings

Matiye 12:21

Ndəhay tabiya a da pamara ŋga ndaw ata fara fara.»

1 Kwarinti hay 15:19

Da aləkwa fa pakwa Kəriste ŋga ndaw ma da jənndakwar fara fara, ama da a jənndakwar daa masa aləkwa da bəla daada na, ŋgene, anja matəway daa dey aləkwa a fəna ŋga ndəhay mekele la.

Leeter masa Pawl ma wuzlala ŋga dey cew a Timawte 1:12

Da ray ŋgene, ya fa sərey banay daa fərsəne keɗe. Ama hwaray fa kaya maja daa ba, maja ya səra ndaw masa yah ma pa ŋga ndaw aɗaw fara fara. Ya səra fara fara aŋga na, aa ta gədaŋ ŋga jəɗa Mey-maaya-mawiya masa aa ma mbəkdiwa a har aɗaw haa kasl pas masa aa ma da vəhwa.

1 Piyer 1:21

Ka pamara Gazlavay ŋga ndaw akwar fara fara na, ta fa Yesu Kəriste. Ara Gazlavay a ma sləkɗadərwa daa meməcey, asaya, ara aŋga ma həslar ray. Anda keɗe, akwar fa pamara Gazlavay ŋga ndaw akwar fara fara, asaya akwar fa sərmara ara aŋga pal ma da jənkwar.

Leeter masa Jaŋ ma wuzlala ŋgeeme 3:3

Kwa waawa ma pa mewulkey aŋga a ray mey a keɗe na, si a wey vaw, a key mebərey ba anda Yesu Kəriste ma key mebərey ba.

Cek masa Yesu Kəriste ma wuzar a Jaŋ 22:16

«Yah, Yesu, ya ta slərdərwa maslaŋ aɗaw la ŋga wuzdatara mey a keɗe ŋgada ndəhay daa mecəmey-ray hay ŋga ndəhay aɗaw hay. Yah na, ndaw ma yawa daa səkway ŋga Bay *Davit. Yah, batay ma weɗey njuzl a ta slam ŋgaa pərek.»

Cek masa Yesu Kəriste ma wuzar a Jaŋ 5:5

Da ray ŋgene, ndaw pal da wuzlah *bay-ray hay kwakwar cew a ray a məfaɗ heyey aa guzlya, a ləvey: «Ka təway ba. Nəka mabar ŋgene. A bawa daa səkway ŋga Juda. Ara ndaw ma yawa daa səkway ŋga Bay *Davit. Mabar a ŋgene ta fənta cek hay cəpa sem ta gədaŋ. Da ray ŋgene, a gwa ŋga pəslta tebeɗ maslərɓakaya slam maasala ŋgene, a wura ɗerewel e.»