Mark 8:31 - Mofu-Gudur

³¹ Yesu, ta’, aa sərkadata gula aŋga hay, a ləvtar: «Si yah, *Bəz ŋga Ndaw, ya sərey banay la ga ɗagay. Mahura hay ŋga *Jəwif hay, *bay-ray hay ŋga ndəhay ma ka kwakwas ŋga Gazlavay, leŋ *ndəhay maa sərkada kwakwas ŋga Mawiz a rəsmaya la, fa da təɓmara ara Gazlavay ma slərdiwa na, daa ba. A da kəɗmaya vagay, ŋga ɗar maakar a na, ya sləkɗawa la daa meməcey.»

Mark 8:31 Kruisverwysings

Matiye 12:40

Anda Jawnas ma key ɗar maakar taa vaɗ, taa pas da hwaɗ ewet mahura heyey na, ara anda ŋgene may, yah, *Bəz ŋga Ndaw, ma da key ɗar maakar taa vaɗ, taa pas da vəgeɗ.

Matiye 21:42

Yesu ta’, aa guzltar, a ləvtar: «Akwar ta jaŋgamara mey mawuzlalakaya daa ɗerewel ŋga Gazlavay daa ba səlak daw? Mey masa ma ləvey: “Aŋgwa meləmey way masa ndəhay ma ləma way ma kəzlamara ta cakay na, aŋgwa ha na, ta tərey sem ŋga aŋgwa maaya meləmey way ma fənta siya hay jak. Ŋgene na, ara Bay Gazlavay ma ka cek aha, ara cek maaya fa dey aləkwa.”»

Matiye 27:63

a ləvmar: «Bay Mahura, ala fa sərfadamara daa masa ndaw membərzley keɗe aŋga ta dey na, taa guzley la, a ləvey: “Fa dəɓa ŋga ɗar maakar na, ya sləkɗawa la daa meməcey.”

Mark 12:10

Akwar ta jaŋgamara mey ŋga Gazlavay la, ba diya? Mey masa ma ləvey: “Aŋgwa meləmey way masa ndəhay ma ləma way ma kəzlamara ta cakay na, aŋgwa ha na, ta tərey sem ŋga aŋgwa maaya meləmey way ma fənta siya hay jak.

Mey-maaya-mawiya masa Luk ma wuzlala 17:25

Ama teeseɗ na, si ya sərey banay la ga ɗagay. Asaya, ndəhay da bəla wure keɗe a rəsmaya la.

Mey-maaya-mawiya masa Luk ma wuzlala 24:26

Si *Kəriste a sərey banay la ɗagay, fa dəɓa ha, a daw a vaɗ a njey aa slam aŋga meweɗey na, ka sərmara ba daw?»

Mey-maaya-mawiya masa Luk ma wuzlala 24:44

Fa dəɓa ha, a ləvtar: «Daa masa aləkwa bama heyey na, ya ta ləvkwar la, mey tabiya masa mawuzlalakaya daa ɗerewel ŋga *kwakwas ŋga Mawiz, ta daa ɗerewel ŋga ndəhay ma təla mey ŋga Gazlavay, leŋ daa *Pəsam hay na, si mey a tabiya, a key cəma.»

Mey-maaya-mawiya masa Jaŋ ma wuzlala 12:48

Ndaw ma wuɗya ba, asaya, ndaw ma təɓa mey aɗaw ba na, cek ma da kar sariya na, daha: ara mey aɗaw ma da kərza ta sariya ta pas mendəvey ŋga bəla.

Mey-maaya-mawiya masa Jaŋ ma wuzlala 2:19

Yesu a mbəɗdatara, a ləvtar: «Bəzlmara Way-mekey-kwakwas ŋga Gazlavay keɗe, ɗar maakar ya ləma la aa slam a.»

Sləra ŋga Ndəhay Meslərey ŋga Yesu 7:35

«Yaw, Mawiz aha ara ndaw masa zleezle Israyel hay a ma wuɗmara ba, ma ləvmar: “Ma paka ŋga bay ŋga kandar sariya na, wa?” heyey. Ama Mawiz a na, ara ndaw masa Gazlavay ma pa ŋga bay amba a ləhdata Israyel hay daa beke. Gazlavay a pa ŋga bay ŋga ləhdata na, ta fa maslaŋ ma wuzar vaw da wuzlah gwaslaf heyey.

1 Kwarinti hay 15:4

Ta jəhmara la, ŋga ɗar maakar a ta sləkɗawa sem daa meməcey anda mawuzlalakaya daa ɗerewel ŋga Gazlavay.