Mey-maaya-mawiya masa Jaŋ ma wuzlala 5:17 - Mofu-Gudur

¹⁷ Yesu ta’, aa guzltar, a ləvtar: «Papay Bay Gazlavay fa key sləra mandaw mandaw, yah may, ya key sləra mandaw mandaw anda aŋga.»

Mey-maaya-mawiya masa Jaŋ ma wuzlala 5:17 Kruisverwysings

Matiye 10:29

Ɗiyaŋ mecəhe mecəhe cew na, a gwa ŋga həɗkedey dala pal daada, ba daw? Ama kwa ɗiyaŋ mecəhe pal fa da kəzlwa a hwayak ŋgaa zəɗey na, daa ba, si Papakw akwar Bay Gazlavay ma vəlda cəveɗ ŋgaa zəɗda.

Mey-maaya-mawiya masa Jaŋ ma wuzlala 10:36

Yah na, Papay ta walaya la, ta slərdiwa la a bəla. Ya ta ləvey la, yah na, Bəzey ŋga Gazlavay, ama ka ləvam a key ya cəɗa Gazlavay a. Kaa, kaa guzlam anda keɗe na, kwara?

Mey-maaya-mawiya masa Jaŋ ma wuzlala 14:10

Yah ta Papay, asaya, Papay aa ta yah na, ka səra ba daw? Mey cəpa masa yah maa guzldakwara tabiya keɗe na, a sawa ta fa yah ba. Ama ara Papay masa aa ta yah heyey ma ka sləra aŋga.

Mey-maaya-mawiya masa Jaŋ ma wuzlala 5:16

Da ray ŋgene, a zlamar ŋga cekeley mey fa Yesu, maja aa ma mbəlda ndaw aha ta pas meməskey-vaw.

Mey-maaya-mawiya masa Jaŋ ma wuzlala 5:18

Mahura hay ŋga Jəwif hay heyey a səpam dabaray ta gədaŋ ta gədaŋ ŋga kəɗmara Yesu vagay maja aa maa guzltar a. Ma catar mevel na, mey da ray pas meməskey-vaw daada saba, ama maja aa ma zəla Gazlavay Papaha. Ŋgene, a key a pa ray aŋga ŋga Gazlavay.

Mey-maaya-mawiya masa Jaŋ ma wuzlala 9:4

Pas, aa daha ɗagay kaa na, maaya na, ya kakwa sləra ŋga ndaw ma slərdiwa, ba na, ya da hətkwa har saba, maja tavaɗ fa da key, kwa ndaw fa da gwa ŋga ka sləra ha daa saba.

Sləra ŋga Ndəhay Meslərey ŋga Yesu 14:17

Ta ŋgene he cəpa, Gazlavay fa wuzdərwa gədaŋ aŋga da wuzlah ata mandaw mandaw cəŋga ta fa maaya aŋga masa aŋga ma ka. Aŋga fa pakwar var, fa vəlkwar cek mezəmey fa mevey a fa mevey a anda akwar ma wuɗam, fa rəhdakwar ta cek mezəmey, faa səmdakwar ga.»

Sləra ŋga Ndəhay Meslərey ŋga Yesu 17:28

«Ara anda mawuzlalakaya, a ləvey: “Ya hətkwa heter ŋga səfney na, maja aŋga. Ya hətkwa gədaŋ ŋga pəkey na, maja aŋga. Aləkwa ta dey na, maja aŋga.” Anda ndəhay siya hay da wuzlah akwar ma zla walay hay ma ləvam: “Aləkwa may, bəz aŋga hay.”

1 Kwarinti hay 12:6

Gazlavay a vəltar gədaŋ wal wal ŋgada ndəhay ŋga key sləra aŋga, ama ara Gazlavay pal ma vəlda gədaŋ ŋga key sləra hay a tabiya.

Leeter masa Pawl ma wuzlalatara a Kwalaws hay 1:16

Aŋga mahura maja ara ta fa aŋga, Gazlavay ma ləmta cek hay tabiya da vaɗ ta cek hay tabiya da hwayak, cek hay tabiya masa aləkwa ma gwakwa ŋga nəktakwa ta dey leŋ cek hay tabiya masa ma hətam ba. Ta fa Bəzey aŋga ha, aa ta ləmtərwa cek hay masa ta gədaŋ la, kwa maslaŋ aŋga hay da vaɗ, kwa bay hay da bəla, ta *bay-ray hay ŋga mesəfney maaya ba hay leŋ kuley hay. Yaw, Gazlavay a ləmtərwa cek hay a tabiya na, ta fa har ŋga Bəzey aŋga ha, asaya, a ləmtərwa ŋgada Bəzey aŋga ha .

1Tes 2:13

Yaw, ala fa kamar suse a Gazlavay mandaw mandaw saya na, maja daa masa ala fa wuzdamakwara mey ŋga Gazlavay na, akwar ta jəkam sləmay la. Akwar ta təɓmara mey a anda mey ŋga ndəhay magədaŋ daa ba, ama ka təɓmara na, anda mey ŋga Gazlavay. Fara fara mey a, ara mey ŋga Gazlavay. Mey a, a vəlkwar gədaŋ ŋgada akwar ndəhay ŋga Gazlavay.

Leeter ŋgada Hebəre hay 1:3

Ma wuzdərwa meweɗey ŋga Gazlavay na, ara aŋga. Bəzey a na, a lawa Gazlavay kəraɗ! Mey aŋga na, aa ta gədaŋ. Ara ta mey aŋga ha aa ma kərza bəla ta slam da vaɗ. Masa aŋga ma ɗiytara cəveɗ cay a ndəhay amba a njam manjar mebərey fa mey ŋga Gazlavay na, ta’, a təpey a vaɗ, a njey ta har-zəmay ŋga Bay Gazlavay ma wey da ray cek hay tabiya.