Leeter masa Pawl ma wuzlala ŋga dey cew a Timawte 4:21 - Mofu-Gudur

²¹ Wuswa vaw, wuskwaa kiya ŋga memeɗ a da wuswa na, kah ma sawa cay. Ata Ebulus, Pudens, Linus, leŋ Kəlawdiya ta məlma aləkwa hay daa mecəmey-ray ŋga ndəhay ŋga Yesu mekele tabiya feɗe a camaka har.

Leeter masa Pawl ma wuzlala ŋga dey cew a Timawte 4:21 Kruisverwysings

Mey-maaya-mawiya masa Luk ma wuzlala 12:58

Da ndaw a wudka, akwar fa diyam cew e aa sariya na, ɗiymara mey a dəga daa cəveɗ. Da daa ba na, a da handaka fa ndaw ma ka sariya, ndaw ma ka sariya ha a da vəldaka a har sewje hay. Sewje hay may, a da kəzlamaka aa fərsəne.

1 Kwarinti hay 16:20

Ndəhay ŋga Yesu tabiya feɗe, a camakwar har may. Akwar tabiya, cam har da wuzlah akwar cəpa pal pal, anda akwar məlmaŋ hay.

2 Kwarinti hay 13:13

Anja maaya ŋga Bay aləkwa Mahura Yesu *Kəriste ŋga njey ta akwar, anja mewuɗey-vaw ŋga Gazlavay ŋga njey ta akwar, asaya, anja *Mesəfney ŋga Gazlavay ŋga cəmkwar ray tabiya.

Leeter masa Pawl ma wuzlalatara a Fəlepi hay 4:22

Asaya, ndəhay ŋga Yesu tabiya, a camakwar har. Fara fara ma camakwar har a ga kalah na, ndəhay ma ka sləra da way bay da *Rawm.

Leeter masa Pawl ma wuzlala ŋga dey cew a Timawte 1:4

Masa kah ma təway heyey na, ya fa sərfada. Anda keɗe, matakwam akah fa kaya. Ya wuɗey ŋga hətka fa dey amba yaa səmey ga.

Leeter masa Pawl ma wuzlala ŋga dey cew a Timawte 4:13

Da masa ka fa sawa na, sawa ta daa berney ŋga Tərwas, təɓyawa zana aɗaw ŋga memeɗ da har Karpus. Latərwa ɗerewel hay a har saya. Ya wuɗey kalah na, ɗerewel masa ŋga ambal.

Leeter masa Pawl ma wuzlala ŋga dey cew a Timawte 4:9

Wuswa vaw, sawa, hətfaya,

Leeter masa Pawl ma wuzlalara a Tit 3:12

Ya da slərka *Artemas, da daa ba, Tisik. Da ndaw pal dasi ata ta wusey la fa kah na, key gədaŋ ŋga sawa a Nikwapawlis a cakay aɗaw. Ya wulkey ta kiya memeɗ na, ya da daw feteɗe.

Leeter masa Jaŋ ma wuzlala ŋga dey cew 1:13

Bəza hay ŋga Dam-mamakw masa Gazlavay ma wala a camaka har.

Leeter masa Jaŋ ma wuzlala ŋga dey maakar 1:14

Ya fa wuɗey ŋga daw fa kah daa ɗar hay a keɗe. Anda keɗe, ya da njakwa cew e, ya kakwa maɗay.