1 Piyer 2:7 - Mofu-Gudur

⁷ Ŋgada akwar ndəhay masa ma pamara Yesu ŋga ndaw ata fara fara na, aŋgwa ha aa maaya a fənta cek hay tabiya. Ama ŋgada ndəhay ma pamara Yesu ŋga ndaw ata fara fara ba na, aa kəne ba. Mawuzlalakaya daa ɗerewel ŋga Gazlavay, a ləvey: «Aŋgwa meləmey way masa ndəhay ma ləma way ma kəzlamara ta cakay na, ara aŋgwa maaya meləmey way ma fənta siya hay jak.»

1 Piyer 2:7 Kruisverwysings

Matiye 21:42

Yesu ta’, aa guzltar, a ləvtar: «Akwar ta jaŋgamara mey mawuzlalakaya daa ɗerewel ŋga Gazlavay daa ba səlak daw? Mey masa ma ləvey: “Aŋgwa meləmey way masa ndəhay ma ləma way ma kəzlamara ta cakay na, aŋgwa ha na, ta tərey sem ŋga aŋgwa maaya meləmey way ma fənta siya hay jak. Ŋgene na, ara Bay Gazlavay ma ka cek aha, ara cek maaya fa dey aləkwa.”»

Mey-maaya-mawiya masa Luk ma wuzlala 2:32

Aŋga anda slam-meweɗey ŋgada ndəhay da bəla tabiya. Ndəhay a da həlmamata ndəhay akah hay Israyel, maja ndaw aha keɗe.»

Mey-maaya-mawiya masa Luk ma wuzlala 2:34

Ta’, Simeyaŋw a pəstar mey. Fa dəɓa ha, a ləvar a Mari, mamaŋ ŋga Yesu: «Gazlavay a wala bəzey keɗe amba ndəhay Israyel ga a təɗam aa mebərey, siya hay may, a mbəkdamara mekey mebərey, a səpmara Gazlavay ta cəveɗ e. Aŋga, ndaw ma wuzdatara a ndəhay ara Gazlavay ma wuɗey ŋga ləhdata ndəhay daa mebərey, ama ndəhay ga a da ŋgəldamara ba.

Mey-maaya-mawiya masa Luk ma wuzlala 20:17

Yesu a nəkta, a ləvey: «Da ka wuɗam cek aha ŋga key kəne ba na, mey ŋga Gazlavay mawuzlalakaya ma ləvey: “Aŋgwa meləmey way masa ndəhay ma ləma way ma kəzlamara ta cakay na, anja ara aŋgwa maaya, ma fənta siya hay jak.” Mey a keɗe na, a wuɗey ŋga ləvey me?

Mey-maaya-mawiya masa Jaŋ ma wuzlala 4:42

Ta’, aa guzlmar a ŋgwas a, a ləvmar: «Ya pamara ŋga ndaw ala fara fara na, ara maja kah ma ləvndar heyey daada ba, ama maja ala ma cəndamara mey aŋga ta sləmay ala. Wure keɗe, ya ta sərmara cay, fara fara ara aŋga ndaw ma da ləhdata ndəhay da bəla.»

Sləra ŋga Ndəhay Meslərey ŋga Yesu 26:19

Pawl a ləvey saya: «Waa Bay Agəripa, dəga mezley ta pas masa Bay Mahura ma wuzya vaw da vaɗ ŋgene na, ya fa pey leŋgesl a ray a, ya fa ka cek aha anda aa ma wuzdiwa.

Rm 10:21

Da ray ndəhay Israyel hay na, Gazlavay taa guzley la saya ta mey Izay, a ləvey: «Ya vərndey hipas, har aɗaw mawurkaya ŋga təɓtərwa ndəhay ma kam həma a ray aɗaw amba a vəhmawa, ama ata ta cənmaya mey daa ba.»

Rm 15:31

Dəram daŋgay na, amba ndəhay ma səra Yesu Kəriste ba da *Jude a sərdamaya banay ba. Dəram daŋgay saya, amba cek masa yah ma da handatara a ndəhay ŋga Yesu da Jeruzelem heyey na, a təɓmara ta meesəmey.

2 Kwarinti hay 2:16

Ŋgada ndəhay masa Gazlavay ma da ləhdata ŋgene na, ala ma təram sem anda cek mezey maaya. Anda keɗe, a təɓmara mey ala la, asaya, a hətam heter mendəvey ba la. Yaw, ŋgada ndəhay masa faa zəɗam na, ala anda cek maməckaya ma zafatar. Anda keɗe, mezey a faa zəɗdata. Kaa ta gədaŋ ala daada na, ya gwamara ŋga key cek anda keɗe daw?

Leeter masa Pawl ma wuzlalatara a Kwalaws hay 2:10

Akwar macəmkaya ta Kəriste ŋgene na, ka hətam heter mawiya ma sawa ta fa aŋga la, heter e ŋgene a həckwar daa ba. Kəriste he aŋga mahura da ray ndəhay, aŋga mahura da ray kuley hay, aŋga mahura da ray maslaŋ hay ŋga Bay Gazlavay da vaɗ, aŋga mahura kwa da ray cek hay tabiya.

Leeter masa Pawl ma wuzlalara a Tit 3:3

Gwaguzltar ŋga kamara anda keɗe maja zleezle na, aləkwa ndəhay marəzltakaya may, aləkwa fa jəkakwa sləmay fa ndəhay daa ba, aləkwa fa zləɓkwa cəveɗ masa fara fara, ya wuɗkwa na, ŋga key cek hay malamba masa ma mbafamandakwar gway. Aləkwa fa kakwa maagway, aləkwa fa kakwa dey fa cek ŋga ndəhay, ya wuɗkwa ŋga hətey ndəhay fa dey ba, ndəhay mekele a wuɗam ŋga hətmandakwar fa dey ba may.

Leeter ŋgada Hebəre hay 11:31

*Rahap ŋgwas-barlaw daha, ta pa Gazlavay la ŋga ndaw aŋga fara fara may. Maja ŋgene, aŋga ma təɓta ndəhay meslərey masa ma slərdamatərwa ŋga seŋgeley berney a. Ara maja ŋgene, Gazlavay ta kəɗa vagay anda aa ma kəɗta masa-gəra aŋga hay na, daa ba.

Leeter ŋgada Hebəre hay 4:11

Maja ŋgene, kakwa gədaŋ amba ya hətkwa membəzey aa slam meməskey-vaw masa Gazlavay ma ɗiya ha. Wakwa vaw amba kwa ndaw pal da wuzlah aləkwa a key həma a ray Gazlavay anda papaŋ ŋga papa aləkwa hay ba. Da daa ba na, ndaw aha a daa zəɗey.

1 Piyer 1:8

Akwar ma hətmar Yesu ta dey akwar daa ba, ama akwar fa wuɗmara cəŋga. Akwar fa hətmar wure keɗe daa ba, ama akwar fa pamara ŋga ndaw akwar fara fara cəŋga. Ara maja ŋgene, akwar ta meesəmey, meesəmey a ga ara mey ba, kwa ndaw a gwa ŋga ləvey ba.

1 Piyer 2:4

Ŋgəcham ŋgada fa Bay Mahura. Ara aŋga ma vəltar heter a ndəhay. Aŋga na, anda aŋgwa mahura meləmey way masa ndəhay ma kəzlamara ta cakay. Ama Gazlavay ta wala sem. A nəka na, aŋga maaya kalah.

1 Piyer 2:8

Mawuzlalakaya daa slam mekele saya, a ləvey: «Aŋgwa ha na, ara aŋgwa mekey mecembeɗey a ndəhay, ara aŋgwa ma təɗdata ndəhay.» A təɗdata ndəhay na, maja ta gəmam ŋga təɓmara mey ŋga Gazlavay daa ba. Zleezle na, Gazlavay ta ləvey la, si a təɗam kəne.