Rɔ̂m 8:36 - Mambilla NT (Cameroon)

³⁶ Mè tueé bí, né te mvù Càŋe nyagá den, ye: «Béh cio cieé dɔɔ́ŋ hên liím sɔɔ́ né felè yeè. Béh den né beè bɔ̀ nùàr faá mbieè mé bɔ́ nde né ŋɔɔ́b nɔ.»

Rɔ̂m 8:36 Kruisverwysings

Njàgà Bagaà Jâŋ 16:2

Bɔ́ nde né bí te *gwà sóù kwɔgɔ́ sɔm. Cu déì nde né teèn, bɔ́ nde né bí lòù wulá. Bɔ̀ɔ́ mé wula nde né bí sâ nde né munó, ye bɔ́ sâ bɔɔ́ né seé Càŋ ndɔ.

Seé b. 20:24

Mè nde né mene kuú, mè mé nyàmè sam, mè kɔ lom né ké sònòbɔ̀ dula yuo kelâ, te seé mé Fehtoò mò Yeésò né beè mò haá kwaá hên mboón. À lé beè mò haá kwaá naâ Njàgà Bagaà, ye mè a, ndé bɔ̀ nùàr húɔ́m-temé Càŋ tueé ma.

Seé b. 8:32

Sâ nùà hèllè lé jaŋé deén naâ bèh mé bɔ́ nyagá kwaá né teèn ye: «À lé deén naâ faá sòrŋgaŋ mé bɔ́ derré njií né bèh ŋɔɔ̂b nɔ. Mé sòn kúb faá huaán sòrŋgaàŋ den né toò nuaá mé né bú hobó nɔ, à lé sòn kòmò nyì ná ŋgwêh.

1 Kɔrênt 15:30

Mé béh mene, sâ béh te gèr-e cu dɔɔ́ŋ ŋar yila kuú né dé keì?

1 Kɔrênt 15:31

Mè tueé bí, bɔ̀ nùàr mò, mè né cio cieé dɔɔ́ŋ liím sɔɔ́. Mè né mé vɔ́gɔ́-temé felè biì, mè tueé né bí dé cî. Vɔ́gɔ́-temé sâ né ye: kènê béh bí dé beèh baá gi beè Fehtoò beèh Yeésò Kristò.

1 Kɔrênt 4:9

wanɔɔ́ŋ den né faá béh bɔ̀ mbɔ̀ŋ tebê, Càŋ béh dé beèh weh kwaá njií né ké jomo nɔ, béh den né faá bɔ̀ɔ́ mé bɔ́ nde né ké mbartɔgɔ̂ wulá lɔɔ́, te bɔ̀ nùàr wɔ́ŋ dɔɔ́ŋ wɔgɔ nde gi ké teèn, te ke bilí béh mé bɔ̀ cìlì Càŋ mene.

2 Kɔrênt 1:9

Á sâ, lé béh feh seér naâ lòù ndɔ, ye te béh mé terreb beèh táŋ cú, te béh temé kwaá njií seér yoòr Càŋ. À nùàr te cio komo sɔm yeé kɔɔ́.

2 Kɔrênt 11:23

Bɔ́ ye, bɔ́ né bɔ̀ seé bɔ̀ Kristò, mè né taré nùà seê Kristò. Mɔ bɔ́ ye tútueè, mè né bɔ́ mé seé sâ bɔɔ́ yɔgɔ́. Mè tueé aá kèn, mè tueé né faá nùà kùlù sâ. Ŋgweéh seé lé tema kelà naâ mè mé bɔ́ wa? Ké gwà cibì lé den kelà naâ mè mé bɔ́. Bɔ́ lé mé toú mbalé kelà naâ mè mé bɔ́; te cio cící lé naâ mè.

2 Kɔrênt 6:9

Den né faá bɔ́ béh kɔ́ ŋgwéh nɔ, sâ bɔ́ né gi béh kɔɔ́. Den né faá béh né bɔ̀ komó, sâ béh né gi bɔ̀ làŋ bɔ̀. Bɔ́ né béh te gèr-e fagá yií; mé njéh mene, béh kú ŋgwéh.

Filîp 3:10

Kènê mè gwaán lom né Kristò kɔɔ́ nyegê; mè gwaán né terreb seèn felè cioò kɔɔ́ nyegê ndɔ. Mè gwaán né gèr faá bú nɔ ŋenê, te mè kuú faá bú ndɔ.