Mvù vuû 15:4 - Mambilla NT (Cameroon)

⁴ Nuaá mé wò sén ndé ŋgwéh né neì wa? Neì wò *sùmù ndé ŋgwéh ndɔ wa? Lòù sam, nùà joloò gi lom né wò. Lò nùàr wɔ́ŋ dɔɔ́ŋ ndeè né waá giî, bɔ́ cemmé toò yeè, bɔ́ né wò keí bilí. Lòù sam, seé yeè baá bèsɔ́nè ŋené ŋagá.»

Mvù vuû 15:4 Kruisverwysings

Rɔ̂m 15:9

À lé déì nde cuù naâ, ye te bɔ̀ɔ́ mé Jûf sam ŋene kɔ́-jere Càŋ felè bɔɔ̀n, bɔ́ seén bú mé njéh. Né te mvù Càŋe ménâ nyagá den, ye: «Mè wò lètenè bɔ̀ɔ́ mé Jûf sam hên seén gɔ nde né dé cî; mè nde né yilí yeè mé bené seén.»

1 Piêr 1:16

Te mvù Càŋe bɔ́ toò nyagá taré né cí ndɔ, ye: Bí dèn lòm jolosé. Lòù sam, mè né Nùà joloò.»

Mvù vuû 11:15

Jomo sâ cìlì Càŋ dé téhbeèh yi cu tàŋ dé seèn: bɔ̀ hueh déì tetarê mân né ké te vulúu ŋgulí, ye: Mbàm Nùà Dueè bɔ̂ *Nùà Cɔ̀ŋ baá kènê wɔ́ŋ dɔɔ́ŋ beè kaá sie. À teèn cer den nde né dé nyèmà mé nyèmà.»

Mvù vuû 14:7

Cìlì Càŋ doô né ké ter lɔgɔ́ njií, ye bɔ̀ nùàr a: Bí vèh Càŋ veèh, bí sén njí bú ké ter. Cu seèn waà baá. Kènê ju nde aá felè bɔ̀ nùàr tená. Bí kéí bú keì. Vulú bɔ̂ tàbè mé nòmò mene dɔɔ́ŋ lɔ si giì naâ bú.»

Mvù vuû 16:5

Mè yeé ŋgweé, cìlì Càŋ déì baá tueé. Dé sâ, seé seèn né yeé mé nòmò. À ye Càŋ a: Môn Càŋ Dueè, wò né lom Nùà dilî kɔɔ́. Wò né léí jɔ̀gɔ̀, wò né kènê ndɔ. Nùà gècên né wò. Wò ju hên tena yií né teèn.

Mvù vuû 16:7

Hueh déì den cuù ké te kɔ, ye: Môn Càŋ Dueè Nùà terrèb, wò ju tena yií yeé teèn.»

Mvù vuû 19:2

À né yeé ju teèn tená yií, à meì bɔ̀ sɔrmbeè hên mé ju sie yií né teèn. Ma hèllè lé *wɔ́ŋ te yàgà yɔŋe nagá yií naâ kɔɔ́. À lé bɔ̀ seé bɔ̀ Càŋ wula giì naâ kɔɔ́ ndɔ. Càŋ bú gèr feh keéh né dé cî.»

Mvù vuû 19:8

Bɔ́ ye bú a, sù kwá cɔ̀gɔ̀ nyɔ́gɔ̀r yoòr, né bɔrésé mân, ŋagásé mân ndɔ.» Cɔ̀gɔ̀ ŋagâ sâ né kàn; à me njií né mé seé didilî bɔ̀ Càŋ bɔ̀.

Mvù vuû 3:7

Nyàgà njí mé cìlì Càŋ dé bɔ̀ŋ bɔ̀ Yeésò bɔ̀ ké Filadelfî, júée bú a: Nùà joloò tueé né ŋgòr hên kɔɔ́, nùà gècên né bú, à né mé kî Mgbè *Davîd beè, à gulu yeé kɔɔ́; mɔ à gulu baá, nùàr cóló cú; à colo yeé kɔɔ́; mɔ à colo baá, nùà gùlù bèh ndɔ. À ye:

Mvù vuû 4:8

Bɔ́ nèà dɔɔ́ŋ né gi mé bà yoyoòr, dé kàn né mé njéh ténjén, dé kân né mé njéh ténjén. Bɔ́ né mé njolo yo dɔɔ́ŋ ndɔ; kèb lè mé kèb cieè mene né gi njolo. Cíbíteèn mé suútenè mene, bɔ́ sòn dù bèh, bɔ́ né lom bené de sɔɔ́, ye: Càŋ Dueè Nùà terrèb jolo lom né dé tueê sam. À né léí jɔ̀gɔ̀, à né kènê, ké jomo yɔ́ŋgɔŋ né cu bú ndɔ.»

Mvù vuû 6:10

Bɔ̀ càŋ mé lé naâ ké ka kɔɔ̀ sâ né ké ter bieé njií den ye: Nùà Dueè, Nùà joloò mé Nùà gècên, wò ndeè ju felè bɔ̀ nùàr wɔ́ŋ dɔɔ́ŋ tueé nde né heèh wa? Bɔ̀ɔ́ mé lé naâ béh wulá, wò cio beèh mé bɔ́ bie nde né heèh ndɔ wa?»