Mvù Jâk 5:6 - Mambilla NT (Cameroon)

⁶ Bɔ̀ɔ́ mé bèh njèh kɔ́ ŋgwéh, bí ju felè bɔɔ̀n tena gi aá kèn, bí wula kuú né bɔ́ mé sòn fuû ndɔ. Mé njéh mene, bɔ́ kɔ lom né kuû, bɔ́ sòn toò biì táré bèh.

Mvù Jâk 5:6 Kruisverwysings

Matíô 21:38

Mé njéh mene, wa ké toò, bɔ̀ kè-ŋueèh bɔ̀ doô yeé nde ŋene njií baá-re bú mân, bɔ́ nyɔgɔ sòn lètenè bɔɔ̀n, bɔ́ ye: Hên né nuaá mé nde né nùà ŋueèh ŋaá sâ. Mɔ sam, kɔ béh wula sɔm bú lòù, te ŋueèh hên ŋa dé beèh.

Matíô 27:20

Sâ bɔ̀ ŋgàŋ sèmè dé kokoô, mé bɔ̀ kokoô bɔ̀ dé lɔɔ̂ né lom bɔ̀ nùàr soób, ye bɔ́ a: «Bí júée Pilátò a: yì kéh bí Barabâs, à wula seér Yeésò ma.»

Matíô 5:39

Mè tueé seér né dé mò ye bí a: Mɔ nuaré déì bɔɔ́ bí veên, bí té njùŋ kú. Mɔ nuaré déì bɔ wò te geí gaâ, kéh cú bú geí dé ŋgoù, à bɔ ndɔ.

Seé b. 22:14

Ye mè a: Càŋ mé né felè bɔ̀ tele beèh léí jɔ̀gɔ̀ lé wò balé sɔɔ́m naâ kɔɔ́, ye te wò ŋene kɔ njií mé nyí gwaán nê. À lé naâ wò Nùà dilî njolò feh gií, wò lé naâ bú ŋené, wò ŋgweé hueh seèn.

Seé b. 7:52

Sòn-Càŋ dé heè mé bɔ̀ tele biì lɔ bùnò ná ŋgwêh wa? Ŋgweéh bɔ̀ɔ́ mé lé tueé naâ ye Nùà gècên baá ndeê, bɔ̀ tele biì lɔ bɔ́ wula giì naâ kɔɔ́ wa? Bí bɔ̀ tele biì né cu ka nág! Bɔ́ lé ŋgweé naâ *sóú sònò bɔ̀ cìlì Càŋ, bí né mene sóú sâ ŋgweé, bí jòlò ŋgwéh. Nùà gècên sâ yeé waà baá, bí bú jɔgɔ kwaá seér cie. Ŋgweéh bí lé bú wula sɔɔ́m naâ kɔɔ́ wa?»

Seé b. 8:32

Sâ nùà hèllè lé jaŋé deén naâ bèh mé bɔ́ nyagá kwaá né teèn ye: «À lé deén naâ faá sòrŋgaŋ mé bɔ́ derré njií né bèh ŋɔɔ̂b nɔ. Mé sòn kúb faá huaán sòrŋgaàŋ den né toò nuaá mé né bú hobó nɔ, à lé sòn kòmò nyì ná ŋgwêh.

Hebreêh 10:38

Càŋ ye, nuaá mé ŋa né nùà dilî beè nyî mé temé cén yoòr nyî kwaá njiî dɔɔ́ŋ kwa nde né yɔ̀ŋ kɔɔ́. Mɔ à bele seér njolo, nyí sɔm temé yoòr seèn ndɔ.»

Mvù Jâk 2:6

Mɔ Càŋ né dé seèn ménâ tueé, bí bɔ̀ saám bɔ̀ lòù seb seér né dé keì wa? Ŋgweéh bɔ̀ sèsàm bɔ̀ hèllè bí gèr feh keéh yeé kɔɔ́ wa? Ŋgweéh bɔ́ bí toò juù njií yeé kɔɔ́ wa?

Mvù Jâk 4:2

Bí sé yeé baá njeré déì gwaán, temé biì jɔgɔ le teèn; bí sé yeé kwà cú, ŋa wúlá-feh. Tuaá sé yeé baá bí mé njeré déì sie, bí sé yeé kwà kòmò cú, lègè die lètenè biì, kèrrè kela baá-re teèn yila. Mè tueé bí, bí bɔ̀ njií sâ kwà bèh; lòù sam, bí mé Càŋ dùà njí bèh.

1 Piêr 4:18

Sâ te mvù Càŋe né gi nyagá den, ye: Mɔ bɔ̀ didilí bɔ̀ lege né lòù, te bɔ́ nde ye yili yuo, sâ bɔ̀ jéré-temé bɔ̀ mé bɔ̀ vevenê bɔ̀ dé bɔɔ̀n bɔɔ́ nde né naàn wa?»