Matíô 4:11 - Mambilla NT (Cameroon)

¹¹ Sátàn kwaá lɔɔ́ bú ndɔ. Bɔ̀ cìlì Càŋ waà, bɔ́ taré cu bú yo.

Matíô 4:11 Kruisverwysings

Matíô 26:53

Wò kɔ́ ŋgwéh ye mè sé la naâ Tele mò gàm bieé njií wa? À sé la mè bɔ̀ŋ bɔ̀ cìlì seèn yulà cùɔ̀b fà há yɔ́gɔ́ kéh ná ŋgwêh wa?

Matíô 4:6

ye bú a: «Mɔ wò né ka Ŋunà Càŋ bɔ̀n, sâ lɔ́ súágá ké doó lòù; né gi te mvù Càŋe nyagá den ye: Càŋ nde né bɔ̀ cìlì seèn felè yeè tueé, te bɔ́ kwa sie wò teter, gule yeè te taá déì cén cú.»

Mârk 1:13

à bɔɔ́ ké teèn cieé yulà nèà, à né ké lètenè bɔ̀ nyam cer den; *Sátàn né bú mé veên ké sâ taáb sɔɔ́; bɔ̀ cìlì Càŋ né bú yo taré gam.

Njàgà bagaà Lûk 22:43

À yeé dua gi aá ménâ, cìlì Càŋ déì suagà ké te vulúu, ŋené yuo kelà toò seèn, bɔɔ́ taré bú yo.

Njàgà bagaà Lûk 22:53

Sâ, cieé dɔɔ́ŋ béh bí ké gwà Càŋ né yeé kɔɔ́ ndɔ. Cu sâ bí lé mè be yoòr njí ná ŋgwêh dé keì wa? Bí kɔ́ɔ ye: kɔ cibí baá mé terreb mân te bí nde ye mân bɔɔ́. Sâ hên baá cu biì sâ.»

Njàgà bagaà Lûk 4:13

Sátàn yeé tab ke aá Yeésò mé veên bèh dɔɔ́ŋ ménâ, à jɔ̀gɔ̀ nde ŋgɔgɔ́ cuù ye.

Njàgà Bagaà Jâŋ 14:30

«Kènê mè bí njèh kókoó túé màgà ndé cú; mgbè wɔ̂ŋ baá ndeê. Njèh cén, à mé terreb felè mò sam.

1 Timotê 3:16

Mè tueé bí, dé saân sam, bɔ̀ njèh nâb mé Càŋ né béh te ceér seène feh hên né lom tàŋɔ̀r, ye: À lɔ naâ nùàr ŋaá. Cúcuí Ŋagâ feh keéh ye à né dilísé. Bɔ̀ cìlì Càŋ lé naâ bú mé njolo ŋené. Lò nùàr ŋgweé gi ju seèn. Bèh dɔɔ́ŋ bɔ̀ nùàr né temé yoòr seèn kwaá njií. À ŋaá nde cu aá ké te vulúu kèn.»

Hebreêh 1:14

Á sâ, dé bɔ̀ cìlì Càŋ nɔ, bɔ́ né bɔ̀ neì wa? Ŋgweéh bɔ́ dɔɔ́ŋ né gi bɔ̀ càŋ mé bɔɔ́ yeé seé Càŋ Dueè wa? Càŋ tema yeé bɔ́, te bɔ́ nde gam bɔ̀ɔ́ mé à nde né bɔ́ yili sɔm.

Hebreêh 1:6

À lé ménâ jue seér naâ mé ndoón seèn. Cu mé à lé ndeè naâ bú ká te wɔ́ŋe temá njiî, à lé naâ tueé ye: Dàm bɔ̀ cìlì nyî dɔɔ́ŋ a, cémmé gí toò Huaán nyî, bɔ́ die bú.»