Matíô 16:18 - Mambilla NT (Cameroon)

¹⁸ Kwá mè tueé ŋagá wò mân: yilí yeè né Piêr, sâ jue né kweéh; mè bɔ̀ŋ bɔ̀ nùàr mò bilí kwaá nde né felè kweéh sâ. Cio mé terreb seèn mene bú njeré déì bɔ́ ndé ŋgwéh.

Matíô 16:18 Kruisverwysings

Matíô 10:2

Yilí bɔ̀ mbɔ̀ŋ yulà cùɔ̀b fà sâ lé naâ: Simɔ̂ŋ mé yilí seèn déì né cu Piêr, bɔ̂ dìm seèn Andrê; bɔ̀ ŋunà Jebedê, Jâk bɔ̂ dìm seèn Jâŋ;

Matíô 11:23

Déì né cu wò Kapernahûm. Wò munó né ye, nyí nde né ké te vulúu ŋgulí waá wa? Ndɔ́g, mè tueé wò, bɔ́ wò ba njií seér nde né ké ndugo bɔ̀ càŋ. Mɔ gèh fém mé lé bɔɔ́ naâ lètenè bɔ̀ nùàr yeè hên sé lé bɔɔ́ naâ ké *Sɔ́dɔ̀m, lɔɔ́ hèllè sé née teèn ye.

Matíô 18:17

Mɔ à cu ka sòn bɔɔ̀n ŋgúŋgwéh, sâ jɔ́gɔ́ njí bá bú te mɔ̀gɔ̀ bɔ̀ Càŋ bɔ̀. Mɔ à ŋgeén cu aá sòn bɔɔ̀n, sâ kè njí á bú faá cɔɔ́ŋ nɔ; mɔ sam, nùà wèh-kàgàlɔ̀ŋ làmpɔ̂ŋ.»

Matíô 4:18

Cieé déì Yeésò yeé baá ké sòn tub Galilê, à né sòn nòmò bele ndeé, à ŋene njií nuaré déì bɔ̂ dìm né ndoór ké dùà vuú njií den. Lé naâ bɔ̀ sìè-ŋgò bɔ̀ Simɔ̂ŋ, mé yilí seèn déì né cu Piêr, bɔ̂ dìm seèn Andrê.

Matíô 7:24

«Nuaá mé né ŋgòr mò hên ŋgweé, né ménâ bɔɔ́ dɔɔ́ŋ den né faá nùà kɔ́gɔ̀n mé lé meè naâ gwà seèn felè kweêh nɔ.

Njàgà Bagaà Jâŋ 1:42

À weh njií bú ké yoòr Yeésò. Yeésò yeé ŋene aá bú, ye bú a: «Wò né Simɔ̂ŋ, ŋunà Jâŋ; wò nde cu né yilí Séfà ŋguú.» Yilí sâ tueé né ye: Taá.

Seé b. 2:47

bɔ́ né Càŋ teèn seén, bɔ́ né nùàr dɔɔ́ŋ yoòr yilá gií ndɔ. Fehtoò beèh né be teèn kwaá; bɔ̀ɔ́ mé baá yili yuo, cieé dɔɔ́ŋ à né bɔ́ lè mɔ̀gɔ̀ bɔ̀ nùàr seèn sagá yií.

Seé b. 20:28

Bí bɔ̀ŋ feh biì. Bɔ̀ŋ bɔ̀ nùàr mé Cúcuí Ŋagâ né beè biì kurú kwaá doô, bí gó lɔ́m teèn, bí né bɔ́ ke nyegé. Né mbàgà Càŋ, à lé naâ bú mé húɔ́m Ŋuna seèn ŋaá weh.

Seé b. 8:1

Temé Sɔ̂l lé naâ nɔré mé cio sâ ndɔ. Etiên yeé kuú aá, bɔ̀ dùlà-Càŋ bɔ̀ nde jɔgɔ furu bú. Bɔ́ yueé ŋellé mbà seèn doó dɔɔ́ŋ. Sâ né loù mé bùnò ké Jerusalem lé duɔɔ́m naâ teèn. Bɔ̀ Yeésò bɔ̀ durá ŋellé yila nde lè lò Judê mé lò *Samarî dɔɔ́ŋ. Bɔ̀ mbɔ̀ŋ tebê le lom ké Jerusalem kɔɔ́.

1 Kɔrênt 15:55

«Cècàgà Cio, terreb yeè sâ baá he? Cècàgà Cio, njòr yeè sâ baá he wee?»

Galatî 2:9

Bɔ̀ Jâk mé Piêr bɔ̂ Jâŋ mé né bɔ̀ kokoô bɔ̀ lètenè bɔ̀ Yeésò bɔ̀ yeé ŋene kɔ baá ye, mè hên bɔɔ́ lom né seé jéjêg mé yuoó naâ beè Càŋ ménâ, bɔ́ haá bêh Bàrnàbâs be, ye béh bɔ́ né mé sòn cên, wa béh dé beèh ndé cú ké lètenè bɔ̀ɔ́ mé Jûf sam, te bɔ́ nde dé bɔɔ̀n lètenè bɔ̀ Jûf ma.

Efêse 3:10

ye te ndeè ŋené yuo kelà te mbàgà nyî mân, te bɔ̀ cìlì Càŋ bɔ́ bɔ̀ tetarê bɔ̀ ké ter ka vulû ŋene ŋagá kɔ́ŋkɔŋ nyî mé ceér hihiné teèn.

Efêse 5:32

Ŋgéì ŋgòr gècên né te lèmè hên ŋené ŋagá. Mè kɔ né dé mò ye, ŋgòr hên tétég jue né Kristò bɔ̂ mbàgà Càŋ.

Kɔlɔ̂se 1:18

Felè mbàgà Càŋ né bú; à né feh, mbàgà Càŋ né kukuŋ. Yɔ̀ŋ dé feê duɔɔ́m né yoòr seèn. Te cio lé komo yuo lɔgɔ́ naâ bú. Càŋ ye te felè njèh dɔɔ̂ŋ den lom bú,

1 Timotê 3:15

Mɔ mè né mene ŋgagá, te wò ŋene mvù hên, wò kɔ gèh dé mé bɔ̀ nùàr Càŋ nde né den. Bɔ̀ nùàr Càŋ sâ, mè jue né mbàgà Càŋ. Càŋ mé né Càŋ làŋ lé naâ gècên seèn teèn nyeén kwaá, te kù den bú sâ, à taá kwaá gècên sâ ter kɔɔ́.

1 Timotê 3:5

Wanɔɔ́ŋ mɔ nùàr mbàgà seèn nùà njèh nyégé kɔ́ ŋgwéh, à mbàgà dé Càŋ nyegé komo nde né naàn wa?

Hebreêh 12:28

Sâ béh vrà lòm Càŋ mé terreb. Lòù sam, à béh haá né lò mé dé seèn jìlì nyì ndé ŋgwéh. Béh sén yí lòm bú teèn faá à gwaán nê nɔ, béh léb toò seèn leèb, béh veéh bilí bú.

Mvù vuû 11:15

Jomo sâ cìlì Càŋ dé téhbeèh yi cu tàŋ dé seèn: bɔ̀ hueh déì tetarê mân né ké te vulúu ŋgulí, ye: Mbàm Nùà Dueè bɔ̂ *Nùà Cɔ̀ŋ baá kènê wɔ́ŋ dɔɔ́ŋ beè kaá sie. À teèn cer den nde né dé nyèmà mé nyèmà.»

Mvù vuû 21:14

Maàŋ bɔ̀gɔ̀ né felè taá yulà cùɔ̀b fà njebá den. Yilí bɔ̀ mbɔ̀ŋ tebê Mbieè Sèmè yulà cùɔ̀b fà dɔɔ́ŋ né felèbɔ̀ nyagá den ndɔ.