Números 11:1 - Sharanahua: Diospan Tsain

¹ Nannori ato yoifianicun Israelifoan tsain chipunifo. Ascashon yoinifo, —Nonfin fasi omitsiscaicain, —ishon tsain chipuaifoan nocon Ifo Diosin ato nicain atoqui fasi sinani. Ascashon atoqui chiihuan otani coononfo. Nan pasoato icafori atirifi cooi futsunifo.

Números 11:1 Kruisverwysings

Génesis 38:10

Diosin oian sharamacun fuchipainima. Ascacun Onánri namani.

2 Samuel 11:27

Uaiquin unuano David futsa nichini ahuun pushu ano Betsabé ihuunon. Ascan ihuuano David fini ahuun ahuin inon. Chipo man furonanfacuya. Ascafia David aca cuscan nocon Ifo Diosin shinansharamanama. Fasi chaca hua.

Éxodo 16:7

Ascano funamari nocon Ifo Diosi fasi sharacoincun man oincai. Ascashon man tapitiro Diosifin no fu icaquin. Ascafia man aqui tsain chaca huai cusca nocon Ifo Diosin man mato nican. Ascan noncai ahuama. Man shinan man nocoqui tsain chipuan. Mancai nocoqui tsain chipuama Diosiquifin man tsain chipumisiquin.

Éxodo 16:9

Ascano Moisés ahuun ochi Aarón yoini isca huaquin, —Ochin, nocon caifo nantifi ichananhuashon afanan ato yoihuu isca huaquin, “Man nocon Ifoqui tsain chaca huafia. Natian aficoin mato cumai oa man nicanon. Nantifiton nicacahuun,” —ishon ato yoihuu Moisés Aarón yoini.

Números 11:18

Nantifin min caifofo yoihuun isca huaquin, “Itisharacahuun. Ascashon maton chaca shatucahuun. Nocon Ifo Diosin man mato nican man uaicaiton. Uaiyanan man yoia, ‘Nonfin Egipcio mai ano isharapaoniquin. Nunocai ascarama. Noncai afanan nami piyamaran,’ ishon uaiyanan man tsain chipufafainni. Ascacun na funanmanri man man nami pii.

Números 12:2

—¿Nocon Ifo Diosicai Moisés fustihuunshon ahuun tsain futsafo yoiamun? ¡Ma! Nocohuunshonri ahuun tsain futsafo yoimisiran, —ishon María futan Aarón Moisésqui tsain chaca huanifo. Nan yoiti huaifo cusca nocon Ifo Diosin nicani.

Números 14:2

Ascashon nantifishon Moisés yafi Aarónqui tsain chaca huanifo. Yoiquin isca huanifo, —Non Egipcio mai anoashu iyamarai tsoan istapaima anoashu non naa shara icuana.

Números 14:22

Nanscarifi aquin tsoa istaipamashon un ahuamamishti ato ashomisi cusca oinfiashocai ua icoinra huamisifoma. Nantishotapiquin ua nansca huamisifo. Ascatari ua nicacasmamisifo.

Números 14:27

—Nan min yorafoan uhuunoa tsain chaca huafain uqui tsain chipumisifo. Nan tsain uqui chipuyanan tsain chaca huaifo cusca mun nantifi nicamisi.

Números 14:28

Nanscacun natian ua ato yoishohuun isca huaquin, “Un niimisi cusca man icoinra huatiro. Nanscarifi ai un mato natian yoiai cusca man icoinra huatiro. Man shinanchacaquin man yoimisi isca huaquin, ‘Nuno tsoa istaipama anoashu man non nai cuyoshquin. Nocon Ifo Diosicai noco cushuimaran,’ ishon man nannori shinanchacamisi. Man yoimisi cusca mun nica. Icon natianfin man nai cuyoshquicai.

Números 16:11

Ascafia nan Aaróncai ahuama. Man shinan nan man potapai. Man Aarón potapaifiaquicai man potaima. Ascatamarocon nan nocon Ifo Diosi man potapairan, —ishon Moisés ato yoini.

Números 16:35

Nantianri nan doscientos cincuenta nocofunufo pala uhuapamashta murannoa inin shara coaino Ifo Diosin nai muranshon aton puchi camaqui chii uruai potatanaino nai cuyocoinnifo.

1 Corintios 10:10

Ascashon nanfoanri tsain chipuriaifoan Diosin nai oinmatinin atirifi ato namani. Ascacun oinfain marifi tsain chipuyamacahuun matori onaintimanonma.

Hebreos 12:29

Ascan man man tapiari nocon Diosin nan chi urumanhuan cuscara. Ascan tsoan ahuun tsain shara cachiquiri huacoincun Diosin ato chi urumanhuan muran potashquin amurannoashu omitsiscapanonfo.

Santiago 5:4

Shinancapon. Mancai maton yonomamisifo inansharamisima. Man ato fuparamisi finonmafain fiifiaquin. Upa Diosin ahuamamishti atiroquin. Man ato chaca huamisi cuscan nanton oian. Fasi yonoi atsanacani piniaifoan Diosin man ato nica.

Judas 1:16

Nanfoanri tsain chipumisifo icain futsahuun ahuara chaca nuutapaimisifo. Nan chaca huapaiyai cuscan fusti tanafafainmisi icain afiri yoimusharamisifo. Ascacanashu cacapaimisifo icain futsahuunoa tsain shara yoiamafiaquin futsa cuncun huapaimisifo, “Ua shara huanon,” ato huamapairan, —ishon Enoc huani.