Mateo 2:13 - Sharanahua: Diospan Tsain

¹³ Man fishihuunoa tapicoianfo atomaquinoashu foafono Diospan oinmatinin afu nai muran imisi José ahuun namapan yoiquin isca huani, —Funinaca huahuun. Nan facu yafi ahua Egipto ano iyoriscatahuun. Ascashu nanri iyohuu nan un mia afanan yoiaitian. Nan Herodes facu funaiqui rutushquin, —ishon Diospan oinmatinin José yoini.

Mateo 2:13 Kruisverwysings

Éxodo 1:22

Ascashon Egipciofoan aton niaifoan Faraón nantifi ahuun caifofo ato yononi isca huaquin, —Hebreofo aton facu furonanfacufo rama cainyaifo ato unu Nilo muran potacahuun asanonfo. Ascan shotocofacufo unu muran potayamacahuun ninonfo, —ishon ato niaifo Faraón yononi.

Mateo 1:20

Nanscara ahuun nomuranshon shinanfiaino ahuun namapan Diosin ahuun oinmatinin afu nai muran imisi aqui oshon yoiquin isca huani, —José minfin David funaquin. Ascacun shinanchacaquima María fihuu. Nan facu nanuafin Diosin Yoshin Sharapan nanumanaquin.

Mateo 10:23

Ascan pushurasi futsa anoshon mato omitsisca huaifoanno pushurasi futsa ano ichotacahuun. Ascacun un mato cayacafi yoi. Ua nicasharacahuun. Israel pushurasifo atirifi ari man cataima un afanan matoqui nasoshquin.

Mateo 2:12

Ascashu nanno oshayoafoan aton namapan Diosin ato yoiquin isca huani, —Afanan Herodes ari foyamacahuun. Fai futsan mato mai ari fotacahuun, —ishon Diosin ato yoini. Ascacucai Jerusalén ano fonifoma.

Mateo 2:14

Asca huaino moinacahuatan facu ahua futan yamu Egipto ano ichoquinifo.

Mateo 2:16

Ascano fishihuunoa tapicoianfo fai futsan foafo nicai, —Ua paraforan, —icashu Herodes fasi sinacoinni. Nan fishifohuunoa tapicoianfoan yoiafo man fari rafu caano fishi oinquin tau huafo. Ascacun Herodes ranushumuafo yononi, —Belén anoafo yafi a chaima icafoan aton furonanfacufo fari rafu yafo non yomumishti rutuqui cuyotacahuun, —ishon ato yononi.

Mateo 2:22

Caaquin nica Herodes man naano ahuun facu Arquelao Judea murannoa niaifo nicai José musuni. Ascaiton Diosin oinmati afu nai muran imisiton afanan ahuun namapan yoini, —Judea muran caquima futsanori catahuun, —huani. Ascano Judea muran catama Galilea anori fonifo.

Hechos 10:22

—Nocon niaifo ranushumuaton noco nichian non mia ihuunon. Nanton nocofunu shara. Diosquiri shinanfafaimisi. Cornelio nocofunu shararan min caifo Israelifoan huamisifo. Diospan oinmati sharapan afu nai muran icaton yonoa, “Pedro min pushu ano ihuitahuun mia yoisharanon,” ishon yoitan. Ascan “Ua ihuishotacahuun,” noco huaiton. Non mia ihui oaquin —huanifo.

Hechos 10:7

Yoitan amaquinoashu cani. Ascan Cornelio ahuun oinmati rafu non ranushumua ahuun cushumisi nanton Dios shinanmisi cunani.

Hechos 12:11

Ascaino Pedronun shinanni, —Iconfinquin. Uhuun Ifo Jesús ahuun oinmati nai muranshon ua nichian ua numaquin. Herodes yafi uhuun caifo Israelifoan ua rutupaifiaifoan ua numaran, —ishon ahuun nomuran shinanni.

Hechos 12:7

Ascantapaiyaino Diosin ahuun oinmati afu nai muran ica cunu muran niriscatani. Faquishfiashu punariscatani. Ascaino Pedro moinpaiquin pipasni, —Funiriscahuun, —huaino ahuun cuno mupucumuriscatani.

Hechos 16:36

Ranushumuaton Pablo yoini, —Niaifofoan yonoa natian man casharatiroran, —ishon ato yoini.

Hechos 5:19

Iquifiafoan yamu nacucahuanaino Diospan oinmati afu nai muran icaton atoqui nocoshon ato yoini, —Dios fu tsainti pushu anoshon ato yoitacahuun. Ahuuscashomain nocon Ifo Jesús ato nimapacutiroquin ato yoitacahuun, —ato huani. Yoitan ato cunu fupotifo fupushoni. Fupushonano cain furanifo.

Hechos 7:19

Nanton nocon shunifo parafafaini. Ato omitsiscamani. Fasi curushcain ato yonomani. “Maton facufo rama caincun potacahuun nanonfo,” ishon ato yononi.

Josué 3:13

Ascano Levitafoan nan casho muran nocon Ifo Diosin tsain foifocani unu Jordán iqui tauaifotiancai nan unu afanan mananquirinoashu afashquima. Natian shaturiscatashquin unu ano machihuan iriscatashquiran, —ishon Josué ato yoini.

Josué 3:17

Ascan nantianri nan Israelifohuunshon nocon Ifo Diosi cufinmisifo unu Jordán nushmancayan mai mutoano nan cashoya ninifo. Nanno niyoafoanno nantifi Israelifoan pocufainquin ato finonfainnifo. Ascano nannoshon nan Israelifohuunshon cufinmisifoan niishon manayonifo nantifi aton caifofo unu Jordán ocuma futsa nocosharanonfo.

Josué 4:10

Nan nocon Ifo Diosin Moisés yononi cuscan nannori Moisés Josué yoini. Ascano nantifi nan yonoa cuscan huacoinnaino Israelifohuunshon nocon Ifo Diosi cufinmisifoan unu Jordán nushmancayan niafoanno Israeli futsafoan unu ocuma futsa pocufainifo. Ascatan nantifi Israelifoan unu pocurisca huafainifo.

Josué 4:18

Nannori nicacatan Josué ato yoia cuscan anifo. Nan Diospan tsain na casho muran focatan mapunifo. Ascano nan mai mutoano niafoanno unu Jordán afanan afafuranaino unu yosiriscatani. Nantian faitanhuariscatani.

Apocalipsis 12:14

Ascacun Diosin nan ainfo tutumanhuanun pui chainipa cuscara inan ahuun noyacaini cashu tsoan istaipama ano iyonon. Nannoshon Upa Diosin fari rafu non fusti nushmancayan cushusharayoa nan yoshin chaca rononhuan cuscaraton ahuusca huanonma.

Apocalipsis 12:4

Ahuun ina sharafoaino atirifi fishi nai murannoashu mai ano pacua. Nanscarifiai Upa Diosin ahuun oinmatifo Satanás atirifi ato chaca huamani. Ascan ahuunoashu a cuscara yoshin chacafori ato imano nai muranshon Upa Diosin ato potafain mai ano ato nichini. Ascacun nannoshon nan Satanás famanhuan cuscaraton ainfo facu caiyainton cushua caintanaiton facu piishquin.

Apocalipsis 12:6

Ascacun tsoan istaipama ano Diosin nan ainfo ati shara huashoni nanno ichonon. Nan mai ano fari rafu non fusti nushmancayan Upa Diosin nan ainfo cushusharafain pimasharani ahuuscanonma.