Lucas 2:25 - Sharanahua: Diospan Tsain

²⁵ Ascan nantianri Jerusalén anoa nocofunun shara ahuun anu Simeón. Diosin Yoshin Sharapan iquina. Nanton Dios tanasharashon cufifafainpaoni. Ascashon nan Diosin catoan Israelifoan aton Numamisi manafafainpaoni.

Lucas 2:25 Kruisverwysings

Génesis 6:9

Noé ipaoni cuscahuunoa cununi isca huaquin. Noé nocofunu fasi sharacoin ini. Diosin yoia cuscacoin huapaoni. Ascashon Diosi amapaiyai cuscan aru fusti huafafainpaoni Noé niyoatiancai rato futsan Diosi amapaiyai cuscan huapaonima.

Números 11:25

Ascatan nocon Ifo Diosin nai coinmanhuan muran fotoni. Ascashon Moisés yoiaitian nan Diosin ahuun Yoshin Shara Moisés ya rafumamisi cusca huaquiri nan setenta niaifo patasharinoafo ahuun Yoshin Shara ato ya rafumani. Ascano nantifi nan setenta niaifo patasharinoafoan Diospan Yoshin Shara aton nomuran ato shinanmana cusca yoinifo. Nanscara yoiquin fusti huanifo.

Números 11:29

Ascafiaiton Moisés Josué cumani, —¿Min shinan urus fusti un Diospan Yoshin Sharahuunshon yorafo yoipaimun? Ma. Nocon Ifo Diosin ahuun Yoshin Shara nantifi nocon caifoya rafumapainon ahuun tsain noco yoinonfo, —ishon Moisés cumani.

Lucas 1:41

Ascaiton nicai Isabel ahuun shaqui muranshon ahuun facun potapotani. Asca huaino Diosin Yoshin Sharapan ahuun nomuran shinansharamani.

Lucas 1:6

Ascashon nan rafutan Diosin tsain cununi cuscan nicasharacoinpaonifo. Nantifi Diosin yononi cuscan tanasharamisifo. Nan rafutan tanasharaifoan Diosin oinpaoni. Ascacucai tsoan ato ahuashta rafatiro ipaonima.

Lucas 1:67

Ascano facu ahuun apa Zacarías Diosin Yoshin Sharapan iquinaiton inon pacoai cuscan yoini isca huaquin,

Lucas 2:38

Ascano José yafi María Simeón fu tsaincaifoanno nantianari atoqui Ana oni. Oshon facu fuchitoshiquin yoini, —¡Aichoran! Upa Diosin, natian min facu min nocoqui nichian nocon Numamisi ipashanon, —ishon yoini. Ascashon nan facu oian cuscan Jerusalén anoafo nan manamisifo Anapan yoiqui isca huani, —Mun nocon Numamisi oincoian. Man nocoaran, —ishon ato yoipacuni.

Lucas 23:51

Nantoricai niaifo futsafoan shinainfo cuscan shinannima. A niaifofin Arimatea mai anoa iniquin. Arimatea nan pushurasi Judea muran ini. Nantorifi Cristo nan Diosin catoan manapaoni aton niaifo inon.

Hechos 10:2

A non ahuun yorafori Diosquiri shinansharamisifo. Nocofunu fasi shara. Ahuuomafo ato inanmisi. Dios cufifafainmisi.

Hechos 10:22

—Nocon niaifo ranushumuaton noco nichian non mia ihuunon. Nanton nocofunu shara. Diosquiri shinanfafaimisi. Cornelio nocofunu shararan min caifo Israelifoan huamisifo. Diospan oinmati sharapan afu nai muran icaton yonoa, “Pedro min pushu ano ihuitahuun mia yoisharanon,” ishon yoitan. Ascan “Ua ihuishotacahuun,” noco huaiton. Non mia ihui oaquin —huanifo.

Hechos 2:5

Ascaino nantianri Israelifoan Dios tanasharapaicani manifoti anoashu Jerusalén ano funifo. Fusititian Jerusalén ano funifo.

Hechos 24:16

Ascacun un isharapaimisi cuscan uhuun nomuran un tapin un Dios yorafo chaca huamisima.