Juan 1:18 - Sharanahua: Diospan Tsain

¹⁸ Tsoancai Upa Dios oinmisima. Ascafia ahuun Facu fu rafumisiton ahuunoa noco yoimisiquin. Ahuunshon non tapitiro ahuu cuscaramain Upa Diosiquin.

Juan 1:18 Kruisverwysings

Génesis 16:13

Nicaquin Agar nocon Ifo Diosi yoini isca huaquin, —Min ua oinmisiran min anu itiro, —ishon Agar yoini. Ascatan Agar shinanni isca huaquin, —Diosin ua oinmisi. Natian urifi un Diosi oianran, —ishon Agar shinanni.

Génesis 18:33

Ascashu ahuun tsain unutan nocon Ifo Diosin Abrahammaquinoashu cani. Ascano Abraham ahuun pushu ano nasoni

Números 12:8

Unfin a fu tsainmisiquin uncai ahuara futsahuunoa yoitamarocon un ahuun ointaifin shafacaficoin yoimisi. Unfin Moisés ismamisiquin unmain ahuu cuscaraquin. Nanton ua oinmisi. ¿Ascacun ahuuscai man uqui ratuamamun nan uhuun oinmati Moiséshuunoa tsain chaca huai? —ishon ato Upa Diosin yoini.

Mateo 11:27

Ascashon Jesús afanan ato yoiquin isca huani, —Upa Diosin tapia cuscan uarifi nantifi tapimani. Unfin Diospan facuquin. Diosin fustitofin ua onancoianquin. Nanscarifi aqui urus fusti Upa Diosin un onancoian. Nanscarifi aqui urifi un futsafo Upa Diosihuunoa onanmanai cuscan nanfoanri Upa Diosin onantirofoquin.

Lucas 10:22

Ascashon cufinquin anaititan Jesús nantifi yoini, —Uhuun Upa Diosin tapia cuscan uarifi nantifi tapimani. Unfin Diospan facuquin. Diosin fustitofin ua onancoianquin. Nanscarifi aquin urus fusti Upa Diosin un onancoian. Nanscarifi huaquin urifi un futsafo Upa Diosihuunoa tapimanai cuscan nanfoanri Upa Dios tapitirofoquin, —ishon Jesús yoini.

Juan 1:14

Ascan Criston Apa Dios icanoashu mai ano oni yoracoin ishquin. Nocoashu no fu iyopaoni. Nantifi yorafo noimisi. Nocohuun ramapaicoin. Ahuun tsain iconcoin. Arusu fustifin Upa Diosin facucoinquin. Apa Dios shara imisi cuscan arifi nanscacoinmisiquin. Man non oinpaoni.

Juan 12:41

Jesús fasi sharacoin inon pacoai cuscan Isaías oinquin tau huani. Ascacufin nannori ahuunoa yoiyoni.

Juan 13:23

Unquian afu potasinanshu tsaoan. Fasi uhuun noicoian.

Juan 14:9

Ascaiton Jesús cumani, —Felipen, Un fasi matofu ipaifiamisicun. ¿Ahuuscain mian onanyomisimamun? Nan tsoan ua oinquifin uhuun Upari oinquin. ¿Ahuuscain ua “Upa oinmahuu” mian huaimun?

Juan 17:26

Min ahuu cuscaramainquin un ato ismamisi. Nanscasi aqui un ato ismafafaini min ua fasi noimisi cuscan afoanrifi munonfo un atofu icacainaiton,” ishon Jesús Apa cufini.

Juan 17:6

“Nuno mai anoa ufu rafumisifo mian inanni un ato ismanon min ahuu cuscara sharamainquin. Na ufu rafumisifo minafofiacun mian ato inanni. Min tsain mia nicacacoianfo.

Juan 3:11

Un mia iconquin yoi. Nan un nica cuscan huafain un oian cuscan un mia yoi. Ascafiacai un mato yoia cuscan man icoinra huama.

Juan 6:46

Tsoancai Upa Dios oinmisima. Urus fustifin un Upa Dios oinmisiquin. Nanton ua nichini.

2 Corintios 4:4

Nanfofin yoshin chaca Satanás aton ifoshofin ato yonomisiquin. Ascashon aton nomuran fufopomua cuscara ato huamano tsain shara Jesushuunoa tapinonfoma. Jesús ato oinmapai arifi Apa Dios cuscaracoin icoinra huanonfo. Nan tsain fasi shara iconcoinfiacun Satanás ato fusho cuscara huama aton nomuranshonri icoinra huanonfoma.

Deuteronomio 4:12

Ascano nan chii urumanhuan murannoa man nocon Ifo Diosin ahuun oi nican. Ahuun oi nicanfiaquicai ahuun caya man oinnima.

Colosenses 1:15

Ascan noncai Upa Dios non ointiromafiano Furun Jesús mai ano oni. Ascashon Furunmun noco tapimani ahuu cuscaramain Apa Diosiquin. Ascan Furun Jesusfin nan Apa cuscaracoin. Ahuun ointi cuscarari. Ahuashtacai oniataima Apa Dios fu nai muran iyopaoni.

1 Timoteo 1:17

Ascano nocon Dios Niaifocoin nipanaca. Arus fusti Dios futsa yamai. Tsoancai Dios ointiroma. Nantififain non ahuunoa yoisharapacunaca isca huaquin, —Mirusu fustiton nantifi tapicoian. ¡Aicho! —ishon non yoipacunon.

1 Timoteo 6:16

Arus fusti niaifocoin ipanaca. Nancai napanacama. A icarifi chashacoianquin. Ascano tsoacai aqui nocotiroma. Tsoanricai ointamari ointiroma. Ascacun non ahuunoa yoisharanon. Aafin curushcoin ipanacaquin. Nanscasiai.

Josué 5:13

Josué Jericó chaimashta nishon nocofunu ahuun nopu tsomashu nia oinni. Ascano Josué aqui caashon yocani, —¿Min no fu ipaiyamarai noco noicasmaifo fu min iquimun? —ishon yocaiton.

1 Juan 4:12

Tsoan Upa Diosin oinyamafiamisishaquin noinanquin non tapitiro no fu ica. Non asca huafafainquin Diosin noco noiai cuscan norifi ahuunshon futsafori non noitiro.

1 Juan 4:20

Tsoan yoiqui isca huai, —Un Upa Dios noicoinran, —ifiashon futsa noicoianma. Aafin chanimisiquin. Futsa oinfiaquin noiyamashocai Diosiri oinyamaquin noicointiroma.

1 Juan 4:9

Upa Diosin nocohuun noiquin noco ismani isca huaquin. Ahuun Furun fusti manifoannatihuunshon nichini ahuunoashu non afu nipanon.

1 Juan 5:20

Diospan Furun oni Dios iconmisiton noco tapimanon. Ahuunoashu non Upa Dios nan iconmisi fu non ipatiro. Furunri Diosicoin no fu ipanaca. Ascan noco nimapacutiroquin.