Juan 1:11 - Sharanahua: Diospan Tsain

¹¹ Ahuun mai ano nocofiaitocai ahuun yora Israelifoan oinpainifoma.

Juan 1:11 Kruisverwysings

Mateo 15:24

Ascashon Jesús ainfo yoini, —Uhuun Upa Diosin ua Israel ano fusti nichini. Nanfomain nan chashoanun facu funoa cuscarafocun. Ascan uacai caifo futsa ano nichinima, —huaiton.

Lucas 19:14

Ascaiton ahuun caifo futsafoan nan noicasmacoinnifo. Ascashu caiton yorafo achon nichinifo. Nan niaifocoin yoiqui isca huanonfo, “Nan nocofunu non niaifo huapaimaran,” huanonfo.

Juan 1:10

Nanton mai yafi yorafoti onihuafianicucai atoqui nocoaiton tsoan onannifoma.

Juan 1:12

Asca huafiainfoanno, nan noiaifoan icoinra huanifo. Ascaiton ato yoini isca huaquin, —Man ua icoinra huaashu Upa Diosin Facu man itiroran, —ishon ato yoini.

Juan 19:27

Asca huatan —Naafin min uhuaquin, —ishon ua yoiaiton nicaquin uhuun pushu ano un iyoni cushusharashquin.

Juan 3:32

Ascafia Jesús oinmisi cuscan nicamisi cuscan noco yoifiaiton fustirasiton icoinra huaafo.

Hechos 13:26

Uhuun yoramishtichin, manfin Abraham ahuun funafoquin. Uhuun caifomafiashon Dios icoinra huatan marifi ua nicacahuun. Upa Diosin ahuun Furun nichini nocon Numamisi inon. Na tsain shara Jesushuunoa manifoti Upa Diosin yoipai.

Hechos 13:46

Asca huafiainfoanno ranotama ato cumanifo, —Non Diosin tsain Jesushuunoa mato yoiqui tauhuai yoi non oa. Ascafiaiton man nicacasmai. Nicacasmashucai man Upa Dios fu ipatiroma. Ascacun non nocon caifoma yoicai.

Hechos 21:6

Ascatan —Non mato shinanfainnicairan, —ishon yoicatan munininantanannifo. Ascatan shasho nanufainifo. Ascaino aton pushu ari nasofainifo.

Romanos 15:8

Un mato yoicain Jesucristo mai ano oni Israelifoan aton oinmati cuscara iquiyoi. Ascano Upa Diosin nocon shunifo yoini cuscan iconcoincun non tapitiro.

Romanos 9:1

Uhuun yoramishtichin un Cristohuunshon iconquin un mato yoi. Un muai cuscan mun tapia uncai mato paraima. Un mato iconquin yoi. Diospan Yoshin Sharan ua shinanmanai cuscan un iconquin yoicain. Uhuun caifo Israelifoancai nocon Numamisi icoinra huafoma. Ascacun uhuun nomuran un atohuunoashu omitsiscacaini. Un ato fasi shinancoinmisi. Uhuun caifo uhuun nomuran un ato shinanmisi isca huaquin, —Upa Diosin uhuun yora Israelifo un ato numapai mifu nipanonfo. Ascano ato Cristomaqui omitsiscapanacafo muran potatamarocon uacai potahuu un ato numanon, —ishon un anori shinanfiainocai Upa Diosin ascatiroma.

Romanos 9:5

Maton shunifofoan Upa Dios tanasharafafainpaonifo. Nocon Ifo Cristo arifi Israeliri ini. Nocon shuni Abraham non Isaac non Jacobori aton funa. Aafin natian nantifiton aton ifoquin ato iquina. Ascan Upa Dios fasi shararan non huapanon. Amen.

Gálatas 4:4

Ascatan Upa Diosin nan yoinitian Furun nichini noco cuscara cainon. Ainfoan shaqui murannoashu cainni. Moisés nocon yorafo yononi cuscan arifi nicapaoni. Ascafia nanrifi nuno mai ano oni nocon shunifoan noco yonopaoni cuscan non afanan ato yonomatifo cuscara itamarocon Diosin ahuun facu iyoafofo cuscara noco imanon. Nanscacufin mai ano oniquin.