Génesis 8:21 - Sharanahua: Diospan Tsain

²¹ Ascano Diosin ahuun nohuu shutuni fasi sharayacoincun. Ascashu Noéqui fasi Diosin unimacoinni. Ascacun Diosin yoiyoni, —Uncai afanan yorafohuunshon mai chacanahuapanacama. Nan facuaitian yorafoti chacasi shinanmisifiacucai uncai afanan nantifi yora yafi yoinafo cuyoima un na rama aca cuscan.

Génesis 8:21 Kruisverwysings

Génesis 3:17

Ascashori Diosin Adán yoini, —Un mia yoia “nan fimi fusti min pitiromaran,” un mia huafia ua nicatamarocon min ahuin min nican. Ascan mihuunfin nuaquin un natianfin mun mai chacana huaicain. Minfin piishquin curushcain yonoi omitsiscapanacaquin.

Génesis 4:12

Nanno min mau huafia yonofo foaisharashquima. Ascashu min cahuacacaifiaquicai min tunushquimaran, —ishon nocon Ifo Diosin Caín yoini.

Génesis 5:29

Ascashon ahuun facu anuni Noé. Ascano Lamec yoini, —Ifo Diosin mai chacana huani. Ascacun non curushcai noco yonofomaqui orotiro fanafo foaisharanon. Ascan nocon facun yosishon noco cushusharai. Ascacun non anuqui Noéran, —huatiro ishon Lamec yoini.

Génesis 6:17

Min anaitiano un oihuanrasi fumai faitahuanun nantifi maitio fuponon. Ascaino nantifi mai anoafo nai futsucani.

Génesis 6:5

Ascaifoan nocon Ifo Diosin oinpaoni yorafo fasi chacacoinfocun. Nanfoan aton nomuranshon shinainfo cusca yafi afi apaiyai cuscari chaca fustisi huapaonifo.

Génesis 6:7

Ascashon nocon Ifo Diosin yoiqui isca huani, —¡Ohuashta! Un yorafo oni huafian man chaca huaifohuunshon uhuun nomuran un isincoin mui. Ascacun nantifi yorafo mai ano icafo un ato cuyocoin. Nantifi yorafo cuyofain yoinafo cuyofain yoina naman sharaifori cuyofain puiyafori un cuyoshquiran, —ishon nocon Ifo Diosin yoini.

Salmos 51:5

Un facushtashu cain taunitian un chaca inacahuana. Icon uhuun uhuan ua nanuano un chaca tauni.

Mateo 15:19

Ascano aton nomuranshon ahuara chaca shinanfo cuscan nanscacoin huatirofo. Shinanchacafain rutumitsamisi icain aton ahuinma fu nocofunufo icaifoanno ainfofori nanscarifiaifoanno. Ascashon ahuarari onufain futsahuunoa ahuara chaca yoiqui parafain roanmitsamisi itirofo.

Juan 3:6

Futsafin futsa cainmatiroquin ahuunfin canon. Nanscarifi aquin Diospan Yoshin Shara fustiton nocon cainma futsatiroquin. Norifi non ahuufin canon.

Romanos 1:21

Ahuunoa tapifiacashon yoicasmanifo. —Min nocon Diosin. Min fasi shara. Non mia noi. ¡Aicho! Min noco shara huafafainiran, —ishoncai yoinifoma. Ascacun ahuunoa amaquiri ipaitsi shinannifo. Aton nomuran afanan ahuunoa shafacafi shinantamarocon nisopan shinantiro cuscan shinannifo.

Romanos 3:23

Manifoti anoafoan nantififain man non chaca huamisi. Upa Diosin noco imapaiyai cuscacai tsoa acoinmisima.

2 Corintios 2:15

Upa Diosin nocohuunoa shinanquin isca huaa, —Nafo uhuun facu Cristo cuscarafo. Ascashon nanfohuunshon uhuun facu Cristo onantirofoquin, —ishon shinan. Non nantifi Cristohuunoa ato yoimisi. Atirififain nocon tsain icoinra huaifoan Jesús ato numa Dios fu nipanonfo. Atirifiton icoinra huayamashu funoshcani omitsiscapananacafo muran fooshcani.

Efesios 5:2

Cristo nocohuun noicoinquin noco nashoni nocon chaca soashoshquin. Upa Diosin ahuun facuhuun fasi noicoinfia unimani futsafohuunoashu naiton oin. Ascano Criston noco noimisi cuscan marifi nantifihuun noicoinfafaincahuun.

Filipenses 4:18

Ascano natiancai afanan un ahua yopaima. Munmain ayashufin. Epafrodito uqui nocoshon man ua fuma cuscan ua inantoshiyamua. Un yopai cuscan finonmafain man ua fumayamua. Nan man Diosihuun noiai cuscan huafain uhuunrifi noiquin man ua fumayamua. Man ua inainton oian cuscan Diosin matoqui unimacoinni.

1 Juan 5:19

Man non tapiari non Diospan facufo. Nan icoinra huafoma ahuun facufoma. Manifoannati nan yoshin chaca ato iquina.

1 Samuel 26:19

Ascan nocon niaifon unfin min oinmatiquin. Un mia yoiai cuscan ua nicasharapun. Nocon Ifo Diosin mia uhuunoa shinanchacamanaiton un nocon Ifo Dioshuunshon un ina rutushoshquin Ifoan uhuun chaca soashonon. Ascan nocofunufoan uhuunoa mia shinanchacamanai nocon Ifo Diosin ato onaintimacoinpainon. Mian uhuun pushu anoshon ichomana afanan uhuun yorafoyashon ichananshon nocon Ifo Diosiricai un ato futan cufintiroma. Un afanan ato futan nocon Ifo Dioshuunoa shinantiroma. Ua futsafoan yoimisifo, “Diosi futsafo afin rami huafo cufinhuun,” ishon ua yoiafo.