Génesis 39:3 - Sharanahua: Diospan Tsain

³ Nocon Ifo Diosin José fu rafucun Potifar oinni. Ascaiton José acai cuscan oian nantifi sharacoin ini.

Génesis 39:3 Kruisverwysings

Génesis 21:20

Ascan nan facu Ismael tsoa istaipama Parán anoashu pushconi. Diosin a fu ica. Pushcoaino piacati fasi tapicoinni. Muquicoinni.

Génesis 21:22

Ascan nantiari niaifo Abimelec futan ahuun ranushumuafo aton niaifo Ficol Abrahamqui noconi. Abimelec Abraham yoiquin isca huani, —Min ahuara huaiti Diosin mia ashomisi.

Génesis 21:23

Ascacun ua yoihuu mincai ua non uhuun facufo non uhuun funafori min noco parapacunacama. Nuno min maiyamafiacun un mia sharahuamisi cuscan uhuun caifoya noco shara huahuu, —ishon Abimelec Abraham yoini.

Génesis 26:24

Na yamu nocon Ifo Diosin aqui nocoshon yoini isca huaquin, —Unfin min upa Abraham ahuun Diosiquin. Ratuyamahuun. Un mi fu icaquin. Uhuun oinmati Abrahamhuunshon un mia shara huashoi. Un mia min funafo ichaparasi inainran, —ishon nocon Ifon Diosin Isaac yoini.

Génesis 26:28

Cumanifo, —Man non oian maton Ifo Diosin mi fu imisi. Ascan man non yoinaintan, “Non Isaac yoicanon noco fu yoinonnanshara non chaca huatananpacunacamaran,” ishon non yoinonainta. Ascan non ascashu yoinonnansharanon.

Génesis 30:27

Ascaiton Labán cumani, —Raisin, u fu nitupun. Shoiti cuscara ua tapimana minhuunshon Diosin ua shara huai.

Génesis 30:30

Un miqui nocoquin oian min ahua ichapaya inima. Natian uhuunoashu min ichapaya. Uhuunshon Diosin mia shara huamisi. ¿Ahuutia uhuunacoin un yonoqui tau huaimun? —ishon yocaiton.

Génesis 39:2

Nocon Ifo Diosin ahuun Yoshin Shara José fu rafuni. Ascano José nan Egipcio Potifar yonomasharani. Ascashon ahuun pushu muranri imani.

Génesis 39:23

Atohuunshocai shinanchacanima Josémain nantifi cushucun. José aca cuscan nantifi sharacoin ini Diosinmain amayamaiton.

Salmos 1:3

Nanscarifi ai nan ihui unu chaima fana cuscaran non itiro. Unu chaima ihui fanashu ahuun fimi ichapaya itiro. Ascashu ahuun puiricai tsasipacunacama. Nanscarifi ai non nocon Ifo Diosi tana sharashu non isharacain non futsafori ato shara huashotiro. Nantifi non acai cuscan sharacoin iishquin.

Mateo 5:16

Ascacun nantifi yorafo shara huacoincahuun. Man ato shara huai cuscan oinquin shinantirofo isca huaquin, “Diospan yorafoan fasi noco shara huafafaincani. Apa Diosin ato yosisharamisi. Asca aton Upa Dios fasi sharacoinran,” ishon shinantirofo. Anori shinancaquin maton Upa Dios nai muran ica yoitirofo isca huaquin, “¡Aicho! Upa Diosin tsoa futsacai mia cuscara sharama. Min nantifi finoncoianran,” ishon yoishquicani. Afanan yoitiro isca huaquin, “Dioshuunshon noco shara huashomisifo. Ascan aton Dios sharacoinran,” ishon yoishquicani.

1 Corintios 16:2

Yonoshon ahuun rafanan pui fishon nan man fia cuscan ahuutiran Domingotifin ichananti muranshon pui huafafaincahuun. Chipo un Jerusalén ano nocoshon nan pui un ato foshotiro man ato inanon. Diosin mato inan cuscari atirifi inancahuun. Mato ichapamari inancun atirifi ichapamari man inantiro. Ascan mato ichapa inancun paratamari inancahuun. Ua manaquima pui ichahuafafaincahuun. Asca huafafainshocai un nocoaino man afanan fipaitiroma.

Deuteronomio 2:7

Nocon Ifo Diosin nocohuunoa shinansharaquin non amisi cusca noco sharahuashomisi. Cuarenta fari tsoa istaipama ano non foafanfainni nocon Ifo Diosin no fu cahuacamisi. Noco oinsharafain noco cushusharamisi. Noncai ahuara yopamisima.

Josué 1:9

Un mia yonoa cuscan uhuun curushhuunshon un mia amapaiyai cuscan huafafainhuun. Min raquira caino un mi fu cai. Ascacun shinanquin isca huahuu, “Uhuun Ifo Diosin ua yonoa cuscan un atiroran,” ishon shinanhuun. Futsafoqui musuyamahuun. Ascafiacun shinanquin isca huayamahuu, “Uhuun Ifo Diosin ua yonoa cuscacai un atiromaran,” ishon nannori shinanyamahuu, —ishon nocon Ifo Diosin Josué yoini.

Apocalipsis 3:9

“Futsafo arifi Judio cainfianishaquicai ua icoinra huafoma. Ascan nanfocai Diospan yorama. Nanfo chanimisifo. Ascacun un ato yonoshquin mato fuoshopacufoan yoinonfo isca huaquin, ‘Icon. Diospan Furun matohuun noicoin,’ ishon matohuunoa yoishcani.

1 Samuel 18:14

Nocon Ifo Diosin a fu rafuaitian nantifi David acai cuscan shara ipaoni.

1 Samuel 18:28

Ascano nocon Ifo Diosin David fu rafucoiaino ahuun facu Mical David noicoiyain cuscan Saúl tapiquin finacoianshu aqui musuni. Ascan nan a fu iqui tauaitian nantian yafi nan naitian Saúl David noicasmapaoni.

1 Samuel 3:19

Nan Samuel yosiatian nocon Ifo Diosin a fu ipaoni. Nocon Ifo Diosin Samuel inonpacoai yoini cuscan nanscaracoin finonni.