Génesis 30:1 - Sharanahua: Diospan Tsain

¹ Ascan Raquel facu nanuyamacai iyoaqui sinacoinni. Ascashon funu yoini, —Ua facu nanumahuun. Mian facu nanumayamaino un naicai, —ishon funu yoini.

Génesis 30:1 Kruisverwysings

Génesis 29:31

Asca nocon Ifo Diosin oian Jacob ahuun ahuin Lea noisharayamaiton Dioshuunshon Jacob ahuun ahuin Lea facu nanumani. Ascano nantiacai Raquel facu nanutiro inima. Toosma ini.

Génesis 37:11

Ahuun ochi iyoafofo fasi aqui sinanifo ato niaifo ishquiai nicacanashu. Ascafiaino apan fasi shinanpaini.

Números 11:15

Uhuun Ifon, min ua nanscara huapaiquin natian ua namahuun. Min ua noicoianmainquin ua namahuun un afanan na yorafohuunoashu omitsiscanonma, —ishon Moisés nocon Ifo Diosi yoini.

Números 11:29

Ascafiaiton Moisés Josué cumani, —¿Min shinan urus fusti un Diospan Yoshin Sharahuunshon yorafo yoipaimun? Ma. Nocon Ifo Diosin ahuun Yoshin Shara nantifi nocon caifoya rafumapainon ahuun tsain noco yoinonfo, —ishon Moisés cumani.

2 Corintios 7:10

Ascashon non shinanqui isca huai, —¡Ohua! Un chaca hua cuscan Diosirifi un chaca huaran, —ishon shinanquin non nocon chaca shatupaitiro Upa Diosqui nasoshquin. Non ascaiton Upa Diosin noco numatiro non afu rafupacunon. Ascashocai chipo non shinantiroma isca huaquin, —¡Ohua! Uhuun chaca un shatuyamashu shara icuana. Un Diosqui nasoyamari shara icuana, —ishoncai non anori shinanpacunacama. Ascacun icoinra huamafoan non shinain cuscacai tsoan anori shinanfoma. Isca huaquin shinanfo, —¡Ohua! Un chaca huaran, —ishon shinanfiacaquin aton ointi ihuu itirofiacai Diosquiri shinanpaicanima. Ascashu naashucai Upa Dios fu nipatirofoma.

Gálatas 5:21

Futsan ahuara fianpaifain, rutumitsamisi icain, paunmisi icain, monoyanan pauncain nanscarafoansifin chaca huacaniquin. Un mato yoiyomisi cuscan oinfain. Ascara chacafocai Upa Diosin nantifi iquina ano nocotiroma afu iishquin.

Tito 3:3

Norifi nocon nomuranshon non amaquiri chaca shinanpaoni. Ascashu non yoitimacoin icain chaca futsa futsatapafo non huapaiyai cuscan huafain nocon nomuranshon non shinanchaca cuscan nannoricoinri non huapaoni. Nanfo nocon ifo ipaoni. Ascatarifi non iscara ipaoni. Non futsafohuunoa shinanchacafafainmisi icain futsafo aya cuscan fianpaitiashu non aqui shinanchacamisi icain non futsafo noicasmafain nofirananri non noicasmatananpaoni. Non nanscara chacafo huapaoni.

Santiago 3:14

Ascan man isharatamarocon maton nomuran fucashcoin icain futsa aya cuscan fipaifain man shinanchacafain mafi man apaiyai cuscan fustisi futsafo yonoquin. Anori shinanquin isca huayamacahuun. —Un Diosin tsain tapicoian. Un ahuun ointi cuscaracoinran, —iyamacahuun. Anori yoiquifin man futsafo paraincain maton nomuran man chaca shinain cuscan fusti huafain man ato fomanpai. Ascashufin man cacapaimisicoinfoquin.

Santiago 4:5

Diospan tsain cununi isca huaquin, —Uhuun Yoshin Shara un mato ya rafumaniran, —ishon cununi. ¿Man shinanmun ipaitsi noco cunushoni? Man ahuara futsafo noiaiton oinquin ahuun Yoshin Shara fasi ahuun ointi isincointiro.

1 Samuel 1:10

Ascano Ana nocon Ifo Diosi cufiaintian ahuun nomuran fasi uaicoinni.