Génesis 18:1 - Sharanahua: Diospan Tsain

¹ Ascano nan ihui uhuapafo Mamre naman Abraham tsaoa ini. Ahuun pano pushu caincaiti ano tsaoni. Fari masafinin racano fasi niscacoin nanno tsaoa ini. Ascan nantia nocon Ifo Diosin Abraham oinmariscatani.

Génesis 18:1 Kruisverwysings

Génesis 12:7

Ascaino nantiari nocon Ifo Diosin Abramqui nocoshon yoini isca huaquin, —Nan mai Canaán nantifi un min funafo inainran, —ishon yoini. Asca huaiton nicashon Abram toquirifo putsainini nanno Diosi aqui oshon oinni Abram aicho huani.

Génesis 13:18

Ascaiton nicashon Abram ahuun pano pushufo nii ichapa ano foni. Ascashon nanno anuni Hebrón. Nocofunu ahuun anu Mamre arifi nanno chaimashta ica ini. Abram nocon Ifo Diosi yoisharapaiyaiton afanan toquirifo putsainishon Ifo Diosi cufinni ahuunoa yoisharanon.

Génesis 14:13

Ato asca huaifoanno nocofunu fusticoin ichocaini. Abram nan Hebreoqui chanicai. Nantiari Abram Mamre pushu chaima ica ini. Nanno nii uhuapa ichapacoin. Mamre ahuun caifori Amorreofo ini. A fu nanua rafu Escol yafi Aner. Abram ahuara yopai cuscan nan rafu non fustiton samamashta a futan ahuara huamisifo.

Génesis 15:1

Ascashon chipo nocon Ifo Diosin Abram ahuun namapa cuscara yoiquin isca huani, —Abram, ratuyamahuun. Un mia cushui mia ahuusca huanonfoma. Unfin mia fasi shara huaiquin, —ishon yoiaiton.

Génesis 17:22

Ascano Abraham fu tsainquin unutan Diosin Abrahammaquinoashu cani.

Génesis 18:22

Asca huatan nan rafu Abrahammaquinoashu Sodoma fain fonifo. Ascaino Ifo Diosin Abraham fu nituyoni.

Génesis 20:1

Ascano nantiari Abraham nan icanoashu mai futsa Néguev ari cani. Nanno pushu rasi rafu Cades yafi Shur. Nan rafu nushmancayan pushu rasi futsan ahuun anu Gerar. Nanno Abraham nituyoni.

Génesis 26:2

Nannoashu nocon Ifo Diosin Isaacqui niriscatani. Ascashon yoini, —Egipto mai ari cayamahuun. Nan un mia yoiai cusca ahuun.

Génesis 35:27

Ascano Jacob apa Isaac pushu ano noconi. Apa pushu rasi Mamre ano noconi. Mamre anu rafu non fustiya ini. Ahuun anu futsa Arba futsari Hebrón. Nanno Abraham yafi Isaac ipaonifo.

Génesis 48:3

Ascashon Jacob furun José yoini, —Diosin nan ahuamamishti huamisiton pushu rasi ahuun anu Luz Canaán anoshon ua shara huani.

Éxodo 4:1

Ascano Moisés afanan Diosi cumani isca huaquin, —Uncai ahuama. Uhuun caifofoanraca ua icoinra huatiroma. Uhuun tsain nicapaitamarocon ua yoiquin isca huatirofo, “Nocon Ifo Diosincai mia onanmanama. Mincai Diosi onanmisimaran,” ishon ua yoitirofo, —Moisés nannori Diosi cumaiton.

Hechos 7:2

Esteban cumaquin isca huani —Uhuun yorafoan ua nicacahuun. Nocon shuni Abraham Harán ano icataima Mesopotamia ano ini. Nantianri Upa Diosin fasi chashacoinshon oinmaquin yoini isca,

Hebreos 11:9

Ascashon nan Diosin yoiyotiani cuscacoin icoinra huashu nan Diosin nichian mai ano nocoashu Abraham nan mai futsa aria yora futsa ahuun caifo cuscarama iyopaoni. Nannoashuri pano pushu tapasi cuscara muran iyopaoni. Ascan ahuun facu Isaac yafi ahuun shota Jacoborifi nanscara muran iyopaonifo. Upa Diosin Abraham yoini cuscan nan rafu nannoricoini ato yoini.

Hebreos 13:2

Diospan yorafo mai futsa ariashu matoqui nococun ato shara huacahuun. Ascan futsafoan Diospan yorafo atoqui nococun oinyamafiamisishaquin ato shara huaquin tapinifoma nanfo Diospan oinmati afu nai muran icafofiacun.

Josué 5:13

Josué Jericó chaimashta nishon nocofunu ahuun nopu tsomashu nia oinni. Ascano Josué aqui caashon yocani, —¿Min no fu ipaiyamarai noco noicasmaifo fu min iquimun? —ishon yocaiton.