Génesis 17:1 - Sharanahua: Diospan Tsain

¹ Ascashu Abram noventa nueve fariano Ifo Diosin Abram oinmariscatani. Diosin Abram yoini isca huaquin, —Unfin Diosiquin. Un ahuamamishti huatiro. Ua nicacoinfain isharahuu. Ahua chaca huaquima.

Génesis 17:1 Kruisverwysings

Génesis 12:1

Ascano shafan futsa nocon Ifo Diosin Abram yoini isca huaquin, —Min mai yafi min yorafo non min upa ahuun pushu anoashu catahuu. Un mia mai futsa ismai min ano ishquinon.

Génesis 12:7

Ascaino nantiari nocon Ifo Diosin Abramqui nocoshon yoini isca huaquin, —Nan mai Canaán nantifi un min funafo inainran, —ishon yoini. Asca huaiton nicashon Abram toquirifo putsainini nanno Diosi aqui oshon oinni Abram aicho huani.

Génesis 16:16

Nan facu cainitian Abram ochenta y seis fariya ini.

Génesis 18:1

Ascano nan ihui uhuapafo Mamre naman Abraham tsaoa ini. Ahuun pano pushu caincaiti ano tsaoni. Fari masafinin racano fasi niscacoin nanno tsaoa ini. Ascan nantia nocon Ifo Diosin Abraham oinmariscatani.

Génesis 18:14

—Ascan ahuara tsoan atiroma cuscan Diosin huatiro. Fari fusti finontan un afanan mia oinyoi oshquin. Nantiari Sara furun cainshquiran, —ishon nocon Ifoan yoiaiton.

Génesis 24:40

Ua cumaitan, “Uhuun Ifo Diosi fu un nia. Ascacun ahuun oinmati a fu nai muran icaton miaya nichin min ahuuscatama casharatanon. Uhuun upan ahuun yorafo murannoa uhuun facu ahuin min ihuushonon.

Génesis 26:2

Nannoashu nocon Ifo Diosin Isaacqui niriscatani. Ascashon yoini, —Egipto mai ari cayamahuun. Nan un mia yoiai cusca ahuun.

Génesis 28:3

Diosin ahuamamishti huatiroshaquin mia cushusharai min funafo ichaparasi cainonfo. Mihuunoashu manifoti ichapa cainonfo.

Génesis 35:11

—Unfin Diosiquin un ahuamamishti huatiro. Min facufo ichapa cai huahuu min funafori caiyaifoanno. Mihuunoashu shoco fustifiashu mani futsa futsatapafo caicani. Min funafo niaifo ichaparasi ishcani.

Génesis 43:14

Nocon Upa Diosin ahuamamishti huatiro. Nanton nan nocofunu ahuun ointaifin matohuun ramapaiquin mato yora futsa non mato ushtori afanan matoya nichinon man afanan uqui nasosharanon. Ascafia afanan nan niaifoan uhuun facu umaqui pashcaiton uncai ahuusca huatiromaran, —ishon Jacob ahuun facufo yoini.

Génesis 46:3

—Unfin Diosiquin. Un min upan ahuun Diosin. Min natian Egipcio ari catiro. Nanno un mia ashoshqui ai cuscan min funafo ichapa rasi cainnonfo. Min funafo mani futsafoti ichaparasi ishquicani. Ascacun ratuquima min Egipcio ari catiro.

Génesis 48:15

Ato asca huatan Israel ahuun facu José Dioshuunshon yoi sharani isca huaquin, —Uhuun shota Abraham yafi uhuun upa Isaac Diosi nicacoinpaoni. Nan Diosiri ua cushumisi nantishon tapiquin natianri.

Génesis 48:3

Ascashon Jacob furun José yoini, —Diosin nan ahuamamishti huamisiton pushu rasi ahuun anu Luz Canaán anoshon ua shara huani.

Génesis 5:22

Nan Enoc Diosin amapaiyai cuscacoin huapaoni. Matusalén cainnitian chipo Enoc trescientos fari aqui caano furufo yafi ainfacufo cainni.

Génesis 5:24

Nan Enoc Diosin amapaiyai cuscacoin aiton oinquin naiyamaino Diosin icari ihuiriscatani. Afanan tsoancai Enoc fuchinifoma.

Génesis 6:9

Noé ipaoni cuscahuunoa cununi isca huaquin. Noé nocofunu fasi sharacoin ini. Diosin yoia cuscacoin huapaoni. Ascashon Diosi amapaiyai cuscan aru fusti huafafainpaoni Noé niyoatiancai rato futsan Diosi amapaiyai cuscan huapaonima.

Éxodo 6:3

Min shunifo nan Abraham non Isaac non Jacob unfin uhuunoa ato tapimaniquin. Unfin maton Diosiquin. Un ahuamamishti huatiro. Un ato oinmanai cusca chipo man oin. Ascafiacai un ato uhuun anuhuunoa Uhuun Iforan ishon un ato tapimanataima.

Daniel 4:35

Nantofin nantifi yorafo finoncoianquin. Nan manifoticai ahuuna ahuama. Nantifi nai murannoafo a fu icafo non mai ano icafori Ifo Diosin ato amapaiyai cuscan atiroquin. Nanto apaiyai cuscancai tsoan ahua shatumatiroma. Tsoancai yoitiroma isca huaquin, “¿Ahuuscai min asca huaimun?” ishoncai tsoan yoitiroma.

Números 11:23

Ascaiton nocon Ifo Diosin cumani, —¿Unmun ahuamamishti huatiroma? Natianfin min oincai un mia yoia cusca icomainquin, —ishon nocon Ifo Diosin Moisés yoini.

Mateo 19:26

Jesús nocoqui fusoacucahuan noco cumani, —Nocofunucai afiri numatiroma. Diosin fustitofin yorafo numatiroquin. Nantofin ahuamamishti huatiroquin. Nocofunufoan atiroma cuscan nan Diosin huatiroran, —ishon noco yoaiton.

Mateo 5:48

Ascano maton Upa Diosin nai muranshon nantifi yorafo noia cuscan marifi nansca huacahuun. Upa Diosin shinansharamisi cuscan marifi shinansharacahuun.

Lucas 1:6

Ascashon nan rafutan Diosin tsain cununi cuscan nicasharacoinpaonifo. Nantifi Diosin yononi cuscan tanasharamisifo. Nan rafutan tanasharaifoan Diosin oinpaoni. Ascacucai tsoan ato ahuashta rafatiro ipaonima.

Hechos 23:1

Ato oinquin Pablonun ato yoini, —Uhuun yoramishtichin, Upa Diosin ua yonoa cuscan facuashu un tauni cuscan natianri un ascamisi. Un mato yoiai cuscacoin uhuun nomuran un icoinra huai, —ishon ato yoini.

Hechos 24:16

Ascacun un isharapaimisi cuscan uhuun nomuran un tapin un Dios yorafo chaca huamisima.

Efesios 3:20

Non Upa Dios nocon nomuranshon shinain cuscan non yocafiamisi atofin fasi finonmafain noco ashotiroquin. Ahuun curushhuunshon nocon nomuran mutsismainifoanna cuscan huafain ahuamamishti noco ashotiro.

Filipenses 4:13

Cristo ahuun curushu ua inainton nan curushhuunshon ahuara ahuu cuscararan futsan un atiroquin.

Hebreos 12:28

Ascataricai Diosin icari mai nayanaiyaitiroma. Nannoshocai ahuashta non chaca finontiroma. Ascashu nanno non afu ipasharatiro. Ascacun non Diosin aicho huafafainon. Nantonfin ahuamamishti huatiroquin. Ascacun ahuunoa non shinansharafain non cufifafainon. Ascashon noco amapaiyai cuscan non ashoaino nocoqui Upa Diosin fasi unimacoinshquin.

Hebreos 7:25

Ascan non ahuunoashu Apa Dios fu ipapaiyaiton nocohuunshon Apa Dios yoifafaini isca huaquin, —Upa Diosin, un ato nashoni aton chaca soashohuun. Ascashon mi ano ato imahuu, —ishon nocohuunoa Apa yoishquin. Ascatan nocohuunoa Apa yoia cuscan nanscacoin noco huashoshquin non afu ipanon. Ascaicai non funopacunacama.