Éxodo 8:3 - Sharanahua: Diospan Tsain

³ Unfin unu Nilo naqui fushco ichapacoin nichicain. Ascano min pushu muran iquifain min oshati muran iquifain min niaifo patasharinoafo min ato catoan aton pushu muranri iquimafain min yorafoquin nantifi un atoqui fushcofo nichin maton pichati muran yafi maton ahuara tsoiti muranri un iquimashquin.

Éxodo 8:3 Kruisverwysings

Éxodo 10:6

Maton pushu muranfin ocutsuruhuanfo fospi fucaniquin. Min pushu anoa niaifo patasharinoafo non nantifi min caifofoan maton pushu muran ocutsuruhuanfo fospicoinshquin. Mato upafo non mato shunifoanri nantian ascara oinyomisifoma. Man fasi omitsiscairan,” ishon nocon Ifo Diosin mia yoiaran, —ishon Moisés Faraón yoini. Tsainquin unutan Moisés fu Aarón Faraón pushu anoashu fonifo.

Éxodo 12:34

Ascano nantian Israelifoan aton misi farashati maisi fiifain aton misi acamaquishon onihuati muran aton sahuutifo nanushon iyafainnifo.

Éxodo 7:11

Nanscaiton oinquin Faraón ahuun yora nan Egipciofo aton mapo sharayafo non yofufo cunani. Aarón aca cusca nanfoannorifi aton yonohuunshon nansca huanifo. Nanfoan amisifo cuscacai aton caifo futsa tsoa atiroma.

Éxodo 8:11

Fushcofo nan maton pushu murannoashu foatian unu Nilo muran fusti itiro. Afanancai mia non min niaifo patasharinoafo non min yorafori mato fucash huaimaran, —ishon Moisés Faraón yoini.

Éxodo 8:2

Min ato nichiyamaino un nantifi min maifoti fushco huarasi nichishquin mato fucash huanon.

Éxodo 8:4

Min non min yorafo non min niaifo patasharinoafoquiri un fushco ichapa nichiaino man fasi omitsiscashquiran,’ ” ishon Faraón yoitahuun, —Diosin Moisés yoini.