Éxodo 7:14 - Sharanahua: Diospan Tsain

¹⁴ Asca huatan chipo nocon Ifo Diosin Moisés yoini isca huaquin, —Faraón ahuun nomuran curushcoin huani. Ua nicacasmacoin. Ascan min caifo Israelifo nichiama.

Éxodo 7:14 Kruisverwysings

Éxodo 10:27

Ascafia nocon Ifo Diosin yononi cusca Faraón ahuun nomuran curushmainocai Israelifo afanan nichinima.

Éxodo 10:20

Ascaiton afanan nocon Ifo Diosin Faraón ahuun nomuran curush huamani Israelifo nichinonma.

Éxodo 10:1

Ascano nocon Ifo Diosin Moisés yoini isca huaquin, —Unfin Faraón yafi ahuun niaifo patasharinoafo un aton nomuran curushmanicai un ahuamamishti huatiro cusca nantifi yorafoan oinonfo. Ascashon min non min caifofoanri un ahuamamishti huatiro oinquin maton facufo non mato funafori man ato tapimatiro. Min nantifi yoitiro un Egipciofo onaintimaiton minrifi oinquin min tapicointiro unmain maton Ifo Diosincufin. Ascacun un Faraón yoipaiyai cusca min ua yoishotiro. Faraón ano catahuun yoishquin, —ishon nocon Ifo Diosin Moisés yoini.

Éxodo 8:15

Ascafia nocon Ifo Diosin Moisés yafi Aarón yoia cusca Faraón ato afanan paranni. Ascano Faraón oian afanan fushcofo ahuun yorafo fucash huayamaiton oinquin ahuun nomuranshon afanan shinan futsashon Moisés yafi Aarón nicacasmani.

Hebreos 12:25

Ascacun ¡Oinfain! Diosin mato yoipaiyai cuscan nicatimayamacahuun. Nan mai anoshon nocon shunifo Moisés ato yoini cuscan nicayamaifoan Upa Diosin ato onaintimani. Ascashu na mai anoashu Moisés noco cuscara cainni. Ascan Jesuscai ascarama. Apa Dios icariashu nocoqui fotoni. Nanton noco yoiai cuscan non nicayamaino fasi musucoin. Ascan non Furun nicayamacaiyaiton Upa Diosin noco onaintimaquin finacoin.

Éxodo 10:4

Min afanan ato nichiyamaiton funamari un min mai ano ocutsuruhuanrasi nichin mato fucash huanon.

Éxodo 9:2

Min ato nichitama min ato nitu huaino nocon Ifo Diosin mia non min caifo onaintimafain mato inafo fasi funununnoafo ato namashquin. Maton caballofo non burrofo non camellofo non moifo non chashoanfo non nantifi nanfo nai futsushquin.

Éxodo 8:2

Min ato nichiyamaino un nantifi min maifoti fushco huarasi nichishquin mato fucash huanon.

Éxodo 4:23

Un mia yonoicai uhuun facufo min mai arishon ato nichihuun ua cufinonfo. Nan ua noicoiainfoan ua nicasharai cuscan ua ismanonfo. Nannori un mia yonofiaiton mian nicacasma. Nanfofin uhuun facu cuscarafoquin. Min ato nichi casmai mia anoashu fononfoma. Ascacun chipo un min furun iyoa un namashquiran,’ ” —ishon Diosin Faraón yoini.

Éxodo 7:13

Faraón nan oinfiashocai nocon Ifo Diosin yoini cuscan ahuun nomuran curush huani. Ascafiacai Faraón Moisés yafi Aarón nicapainima.

Éxodo 7:15

Ascacun afanan Faraonqui catahuun. Funamarishta unu Nilo cusumunri aqui nocoi cahuun. Min poquiti nan rono oniriscaita nan fotahuun. Min Faraonqui min unu cusumunri nocoicaiquin.

Éxodo 9:7

Nantian Faraón ahuun yorafo nichini Israelifoan aton inafohuunoa tapishquin. Ascano Faraón ahuun yorafo aqui nasoshon yoinifo isca huaquin, —Niaifo Faraón, Israelifoan aton inacai fustishta namafinquin, —ishon yoinifo. Ascafiano nantian Faraón ahuun nomuran curush huani Israelifocai nichipainima.

Éxodo 3:19

Munfin tapian un Egipcio niaifo uhuun curushu ismayamainocai mato nichicaima.

Éxodo 8:11

Fushcofo nan maton pushu murannoashu foatian unu Nilo muran fusti itiro. Afanancai mia non min niaifo patasharinoafo non min yorafori mato fucash huaimaran, —ishon Moisés Faraón yoini.

Éxodo 9:34

Nan cufiain cuscacai afanan oi fuyamacain unu matsi tocoronunhuanfo afanan pacuyamacain nai turuiyamacai nantifi nishmariscani. Nanscaiton oinquin Faraón afanan shinan futsacunfoanni. Faraón fustitocai shinanchacanima. Ahuun niaifo patasharinoafoanri shinanchacanifo. Ascashon afanan Faraón yafi ahuun yorafoan shinan futsatani.