Éxodo 3:7 - Sharanahua: Diospan Tsain

⁷ Ascano Diosin afanan yoini isca huaquin, —Uhuun yora Israelifofin mun oianquin fasi omitsiscaifoan Egipciofoan ato curushcain yonomanai cusca fasi atsanai pashapaiyaifoan un oian. Un fasi atohuun ramapaicoian.

Éxodo 3:7 Kruisverwysings

Génesis 18:21

Ascacun natian un oincai atohuunoa un nica cuscan iconmainquin. Ascayamacun un tapitiroran, —ishon Diosin yoini.

Génesis 21:17

Ascan nan facurifi uaicaiton Upa Diosin nicani. Ascano Diospan oinmati a fu nai muran icaton nai muranshon Agar cunashon yoini isca huaquin, —¿Agar, min ahuuscaimun? Ratuyamahuu. Min facu nanno racashu uaicaiton Upa Diosin nica.

Génesis 29:32

Leapan facu nanua furonanfacu cainni. Ascashon Lea yoiquin isca huani, —Nocon Ifoan oinni un fasi un shinanpaiyaiton. Ascacun Dioshuunshon uhuun funun ua facu nanumani. Ascacuraca natia uhuun funun ua noishquin. Uhuun facu anuquin Rubénran, —ishon anuni.

Génesis 31:12

“Oinpo. Nantifi cabra funufo raonyafo non cunuyafoanri cabra ahuinfo chotaiton. Ascan ato facufo mina itiro. Min coca Labán mia parafafainnai cuscan mun oian. Ascan un mia shara huashoi.

Génesis 31:42

Uhuun upa Isaac yafi uhuun shota Abraham aton Diosi u fu iyamacun mian maisi nichi cuana. Ascafiaiton un omitsiscai cuscan uhuun Diosin ua oian. Un mia curushcain yonoshona cuscan oian. Ascacun min namapan Diosin mia yoia mian chaca huanonma, —ishon yoiaiton.

2 Samuel 22:28

Ascan tsoan ahuunoa fusti shinantama futsafohuuri shinansharacoinquin futsafo finonpaitamarocon man tapia Diosi fasi yopacoinquin. Nanscarafo min ato numashquin. Ascan nan cacapaimisifoan nantifi finonpaimisifo. Un tsoa futsa yopaimaran icashon shinanmisifo. Ascarafofin min nantififain ointaifin min ato ismashquin afocai ahuama.

Salmos 145:19

Ratora futsan nocon Ifohuunoa yoisharamisicun naanfin fuchipaiyai cuscan ato inainquin. Nanfofin ato nicafain ato numashquiquin.

Salmos 34:4

Ascacun uhuun Ifo un cufian cuscan ua nicashara. Ua nicaquin uhuun ratufo ua potashoshquin. Ascainocai afanan ahuara chacafoqui un ratuima. Uhuun Ifon ua numa un afanan afoqui ratunonma.

Salmos 34:6

Un fasi omitsiscaquin uhuun Ifo yopacoinquin un cufian. Un cufiain cuscan ua nicaquin uhuun nomuran ua fucash huamisi cuscan uhuun Ifoan ua numa un afanan omitsiscanonma. Ahuara chacafo uhuun nomurannoa nantifi uhuun Diosin ua numa.

Éxodo 1:11

Nannori niaifo ato yoiaiton nicacatan Egipciofoan Israelifo yononi aton yonomatifo inon. Ascashon ato curushcain yonomanifo. Pitón mai anoa yafi Ramsés mai ano pushu rasi ato huashononfo. Nan pushu rasifo ano Egipciofoan ato tushufo mucushonifo.

Éxodo 1:8

Ascan chipo Egipcio niaifo futsan. José Egipciofo shara huapaoni cuscacai nan niaifo futsan anori shinannima.

Éxodo 33:13

Ascacun min uqui unimaimainquin min ashquiai cusca ua tapimahuun un mia onancoinfain min ua amapaiyai cusca un mia ashonon. Ifon, ointiaquimayamapun uhuun caifofin min yoracoinfoquin, —ishon Moisés yoini.

Éxodo 5:10

Nannori Faraón ato yoiaiton nicacatan nan niaifo patasharinoafoan Israelifo yoiquin isca huanifo, —Nocon niaifo Faraón mato yoi isca huaquin, “Noncai afanan mato shachifo inainma.

Éxodo 5:6

Nan shafatari Faraón Israelifo aton niaifofo yononi isca huaquin,

Números 20:16

Ascano non nocon Ifo Diosin fasi cufini noco numanon. Nocon Ifo Diosin noco nicaquin ahuun oinmati a fu nai muran ica nocoqui nichini noco Egipcio mai anoshon iyonon. Natian non Cades ano nocoa. Nan pushurasi mato mai chaima ica.

Hechos 7:34

Uhuun yorafo Egipto ano omitsiscai cuscan mun oian. Man pashapaiyaifoan mun nica. Ascan un fotoa ato caimashquin. Natian un mia Egipto ano afanan nichicai.”

Hebreos 4:15

Nantifi finoncoian nocohuunshon Dios cufimisi Jesusfin non muai cuscan arifi muyopaoni. Ascan ahuaraton noco shinanchacamapaiyai cuscan arifi nansca huayopaoni. Ascacun nocohuun ramapaitiro. Satanás nan yoshin chacapan noco chaca huamapaiyai cuscan nanrifi chaca huamapaifiaitocai anima. Jesuscai ahua chaca huamisima. Nantifi non mutiro cuscan arifi muyopaoni. Non omitsiscamisi cuscan arifi muyopaoni. Ascacun nocohuun ramapaitiro.

1 Samuel 9:16

—Na funamari nan nocofunu Benjamínfo mai anoshon un miqui nichi. Ahuun mapoqui shuni ocahuun naanfin mato niaifo iishquiquin. Nan uhuun yora Israelifoan ua cufiainfo cuscan mun nica. Nan ua cufiainfo cuscan nicain un fasi atohuun ramapaicoin. Mani futsan nan Benjamín aton muran nan nocofunuhuunshon nantifi uhuun yorafo Israelifo un numashquin Filisteofoan ato ahuusca huanonma, —ishon nocon Ifo Diosin Samuel yoini.