Éxodo 3:18 - Sharanahua: Diospan Tsain

¹⁸ Min caifo Israelifoan aton niaifofoan mia nicatirofo. Nan mia nicaifoanno ato fu nan Egipciofo aton niaifocoin ano man catiro uhuun tsain yoishquin. Yoiquin isca huahuu, “Nonfin Hebreofoquin. Nocon Ifo Diosin no fu ica. Ascacun noco nichipun non nunoashu osha rafu non fusti non tsoa istaipama ano catanon. Nannoshon nocon Ifo Diosin non inafo rutushon non ahuun tsain nicayanan non ismasharanon,” ishon nannori yoitacahuun.

Éxodo 3:18 Kruisverwysings

Génesis 12:1

Ascano shafan futsa nocon Ifo Diosin Abram yoini isca huaquin, —Min mai yafi min yorafo non min upa ahuun pushu anoashu catahuu. Un mia mai futsa ismai min ano ishquinon.

Génesis 14:13

Ato asca huaifoanno nocofunu fusticoin ichocaini. Abram nan Hebreoqui chanicai. Nantiari Abram Mamre pushu chaima ica ini. Nanno nii uhuapa ichapacoin. Mamre ahuun caifori Amorreofo ini. A fu nanua rafu Escol yafi Aner. Abram ahuara yopai cuscan nan rafu non fustiton samamashta a futan ahuara huamisifo.

Génesis 15:1

Ascashon chipo nocon Ifo Diosin Abram ahuun namapa cuscara yoiquin isca huani, —Abram, ratuyamahuun. Un mia cushui mia ahuusca huanonfoma. Unfin mia fasi shara huaiquin, —ishon yoiaiton.

Génesis 17:1

Ascashu Abram noventa nueve fariano Ifo Diosin Abram oinmariscatani. Diosin Abram yoini isca huaquin, —Unfin Diosiquin. Un ahuamamishti huatiro. Ua nicacoinfain isharahuu. Ahua chaca huaquima.

Génesis 48:3

Ascashon Jacob furun José yoini, —Diosin nan ahuamamishti huamisiton pushu rasi ahuun anu Luz Canaán anoshon ua shara huani.

Éxodo 10:3

Nannori nicatan Moisés yafi Aarón Faraón pushu ano fonifo Diosin ato yoia cuscan Faraón tapimashcaquin. Ascano yoiquin isca huanifo, —Nonfin Hebreofoquin. Nan nocon Ifo Diosin mia yoipaiyai cuscan non mia tapimai oa. Mia yoipai isca huaquin, “¿Ahuutiamun min apai cusca fusti min atamarocon ua nicacoin? Uhuun yorafo nichihuun ua cufintanonfo.

Éxodo 17:5

Cufinquin asca huaiton nicaquin nocon Ifo Diosin cumani isca huaquin, —Niaifo patasharinoafo nan toquiri uhuapa machi Horeb ano ato iyotahuun. Nan min poquitinin min unu Nilo tsacaita cusca nan min poquitiri fotahuun.

Éxodo 19:1

Ascano Israelifo Egipcio mai anoashu fonifo oshu rafu non fusti finoin focani. Nantian tsoan istaipama ano noconifo. Ascashon nanno anunifo Sinaíran huanifo.

Éxodo 3:12

—Unfin mi fu ishquicai. Min caifo Israelifo Egipcio mai anoshon iyoaitian nan machi Horeb anoshon man ua cufinshquinon. Ascashon min tapitiro un mia ya min yorafo nan Israelifo ano nichiaran, —ishon yoiaiton.

Éxodo 3:16

Ascacun natian min catiro min caifo aton niaifofo ichanan huahuu. Nan un mia yoia cusca un ato tapimanon. Ato yoitahuun isca huaquin, “Nocon Ifo Diosifin Abraham non Isaac non Jacob nan nocon shunifoan aton Diosiquin. Arus fustifin ua oinmanaquin. Ascashon ua yoiquin isca hua, “ ‘Un min caifo Israelifo oian Egipciofoan ato fasi omitsisca huaiton.

Éxodo 4:1

Ascano Moisés afanan Diosi cumani isca huaquin, —Uncai ahuama. Uhuun caifofoanraca ua icoinra huatiroma. Uhuun tsain nicapaitamarocon ua yoiquin isca huatirofo, “Nocon Ifo Diosincai mia onanmanama. Mincai Diosi onanmisimaran,” ishon ua yoitirofo, —Moisés nannori Diosi cumaiton.

Éxodo 4:23

Un mia yonoicai uhuun facufo min mai arishon ato nichihuun ua cufinonfo. Nan ua noicoiainfoan ua nicasharai cuscan ua ismanonfo. Nannori un mia yonofiaiton mian nicacasma. Nanfofin uhuun facu cuscarafoquin. Min ato nichi casmai mia anoashu fononfoma. Ascacun chipo un min furun iyoa un namashquiran,’ ” —ishon Diosin Faraón yoini.

Éxodo 4:24

Nantian Moisés non ahuin non ahuun facu rafuya mai futsa ano nocoashu nanno oshani. Nannoashu nocon Ifo Diosin afanan Moisésqui noconi nannoshon Upa Diosin Moisés nama cuani.

Éxodo 4:31

Nan oincashon icoinracoin huanifo. Ahuun ushto Moisés Dioshuunshon yoini cusca Aarón ahuun caifo nan Israelifo tapimani. —Nocon Ifo Diosin mato fasi shinain. Man omitsiscai cusca nantifi man oian Diosin matohuun ramapairan, —ishon Aarón ato yoini. Ascaiton nicacashon nantian Diosi cufinnifo. Yoiquin isca huanifo, —Upa Diosin, minfin nocon Ifo sharaquin, —huanifo. Ascashon nantifiton ratoconun mai chachishon Diosihuunoa yoisharanifo.

Éxodo 5:1

Ascatan Israeli niaifofo ato tsain yoiquin anaititan Moisés fu Aarón nan Egipcio niaifo Faraón ano tapimani focani fonifo. Ascashon Faraón ano nocotan yoiquin isca huanifo, —Niaifon, non mia tapimanon nocon Ifo Diosin mia yoipaiyai cuscan, “Uhuun yora nan Israelifo tsoa istaipama ari nichihuun. Nanno ichanancashon pifain uhuunoa yoisharanonfo,” ishon nocon Ifon Diosin mia yoiran, —ishon Moisés futan Aarón yoiaifoan.

Éxodo 5:3

Ascashon Moisés futan Aarón afanan Faraón yoini, —Nonfin Hebreofo nocon Diosin nocoqui nocoa noco yoinon. Ascan non nunoashu tsoa istaipama ano capai. Osha rafu non fusti non ari nocotiro. Nannoshon nocon Ifo Diosi inafo rutushon non tanasharai cusca non ismanon. Non nocon Ifo Diosin tanansharayamaiton noco onaintimatiro. Pau chacacoinfo fuchimayamaraqui yora futsafoan ato ashin noco rutunonfo. Ascacun noco nichipun, —ishon yoiaifoan.

Éxodo 7:16

Yoihuu isca huaquin, “Nonfin Hebreofoquin. Nocon Ifo Diosin ua miqui nichia un mia ahuun tsain yoinon isca huaquin, ‘Uhuun yorafo nichihuun tsoa istaipama anoshon ua cufinfain uhuunoa shinansharafain un ato amapaiyai cusca anonfo. Mia yoia cuscan min nicataima’ ”

Éxodo 8:1

Ascashon nocon Ifo Diosin Moisés yoini isca huaquin, —Afanan Faraonqui cashon ua yoishotahuun, “Nocon Ifo Diosin mia yoia isca huaquin, “ ‘Uhuun yorafo nichihuun ua cufinfain un ato yoimisi cusca anonfo.

Éxodo 8:20

Ascashon nocon Ifo Diosin afanan Moisés yoini isca huaquin, —Funamarishta funihuu. Faraón unu ano nashi caiquin aqui nocoshon yoihuu isca huaquin, “Nocon Ifo Diosin mia yoia isca huaquin, ‘Uhuun yorafo nichihuun ua cufinfain un ato yoimisi cusca anonfo.

Éxodo 8:23

Nan un mato omitsisca huaitiancai uhuun yora Israelifo un omitsisca huaima. Unfin ato cushuicain napufo ato ano nocononma. Na funamari un ahuamamishti huatiro cuscafin min oincai,’ ” —ishon Diosin Moiséshuunshon Faraón yoini.

Éxodo 9:1

Ascashon nocon Ifo Diosin afanan Moisés yoini isca huaquin, —Faraón ano afanan cashon yoitahuun isca huaquin, “Uhuun caifo Hebreofoan nocon Ifo Diosin nanton mia yoipai isca huaquin, ‘Uhuun yora Hebreofo nichihuun ua cufinfain un ato yoimisi cusca anonfo,’ ishon mia yoi.

Éxodo 9:13

Ascaino nocon Ifo Diosin Moisés yoini isca huaquin, —Funamari shafaino funiriscahuun Faraón yoitashquin, “Uhuun caifo Hebreofohuunoa nocon Ifo Diosin mia yoia isca huaquin, ‘Uhuun yorafo nichishohuun ua cufinfain uhuunoa yoisharanonfo.

Josué 1:17

Moisés noco yonoa non nanscacoinmisi cuscan nanscarifiai min noco yonoai cuscan non aashquin. Ascano nocon Ifo Diosin Moisés fu ipaoni cuscan nanscariai mi fu ipapainon.