Éxodo 3:16 - Sharanahua: Diospan Tsain

¹⁶ Ascacun natian min catiro min caifo aton niaifofo ichanan huahuu. Nan un mia yoia cusca un ato tapimanon. Ato yoitahuun isca huaquin, “Nocon Ifo Diosifin Abraham non Isaac non Jacob nan nocon shunifoan aton Diosiquin. Arus fustifin ua oinmanaquin. Ascashon ua yoiquin isca hua, “ ‘Un min caifo Israelifo oian Egipciofoan ato fasi omitsisca huaiton.

Éxodo 3:16 Kruisverwysings

Génesis 1:7

Diosin unu nai fomancaya huafain ananmanri pashcanan huani. Ascashon unu atirifi nai muran icaino atirifi ananmanri ini.

Génesis 21:1

Nan nocon Ifo Diosin yoiyoni cuscan Sara shara huani.

Génesis 28:13

Paiti amanaonri nocon Ifo Diosin nia oinni. Nocon Ifoan yoini, —Unfin min Ifoquin. Min shota Abraham yafi min upa Isaac un aton Diosin. Na min mai oshanoa un mia inanfain min funafori inanshquin.

Génesis 48:15

Ato asca huatan Israel ahuun facu José Dioshuunshon yoi sharani isca huaquin, —Uhuun shota Abraham yafi uhuun upa Isaac Diosi nicacoinpaoni. Nan Diosiri ua cushumisi nantishon tapiquin natianri.

Génesis 50:24

Ascan José ahuun ochifo non ushtori cunani aqui funonfo. Aqui fuaifoan ato yoini isca huaquin, —Un samamashta nai. Ascafia nocon Upa Diosin mato cushusharashquin. Nocon shuni Abraham non nocon shota Isaac non nocon upa Jacob mai futsa ato inain atona non nocona non nocon funanafori inon. Diosin yoini, “Unfin Diosin un ahuamamishti huatiro. Ascacun man ua icoinra huatiro un mato mai inain matona non mato funafo atonari iishquinran,” ishon Diosin ato yoini. Ascacun man icoinra huatiro Diosin mato cushusharaino chipo nocon funafo nuno Egipcio anoashu Upa Diosin nan mai shara ano ato iyoi.

Éxodo 1:8

Ascan chipo Egipcio niaifo futsan. José Egipciofo shara huapaoni cuscacai nan niaifo futsan anori shinannima.

Éxodo 13:19

Nantian José nataima ahuun yorafo yoini cusca Moisés shinanquin isca huani, —José ahuun yorafo yoini, “Chipo nocon Ifo Diosin mato numashquin man Egipcio mai anoashu caitian ua shinancahuun. Nan man caitian uhuun shaofo fooshquicahuun mai futsa ano nocoshon nanno uhuun shao mai huacahuun,” —ishon José yoiyoni cuscan Moisés shinanni. Ascano Israelifo Egipcio mai anoashu foaifotian Moisés yononi cuscan José ahuun shaofo nantifi fonifo.

Éxodo 15:14

Nan min noco iyoai cusca mani futsafoan nicacani fasi ratucoinshquicani. Filisteofori ratucoinshquicani. Ascashu aton nomuran fasi omitsiscashcani.

Éxodo 17:5

Cufinquin asca huaiton nicaquin nocon Ifo Diosin cumani isca huaquin, —Niaifo patasharinoafo nan toquiri uhuapa machi Horeb ano ato iyotahuun. Nan min poquitinin min unu Nilo tsacaita cusca nan min poquitiri fotahuun.

Éxodo 18:12

Nannori yoitan Moisés ahuun raisi Jetro ina rutushon coani nocon Ifo Diosi ismashquin arifin ahuun Diosin yoiai cusca aashquin. Ascano ahuara futsafori Jetro Diosi inan nan ahuun Ifo ismashquin. Ascano Aarón yafi Israelifo non aton niaifo patasharinoafori Moisés yafi ahuun raisi Jetroqui funifo ato futan piishcaquin. Diosi ointaifi ato futan pinifo.

Éxodo 3:2

Nannoashu Diospan oinmati nan a fu nai muran ica Moisésqui noconi. Tsoa futsa yamafiainno ahuun oi Moisés nicani. Nan nii cuyamamishti shocoa chi uruai murannoa Diosin oinmatinin Moisés oinmani. Nantian Moisés oinni nan nii cuyamamishti chi urufiainocai coonima. Nan uru shahuashahuaifiaquicai ahuun puifo coanima.

Éxodo 3:6

Nan min shunifo Abraham non Isaac non Jacob un aton Diosifin Unquin, —ishon yoini. Nannori huaiton nicain Moisés fasi ratucoinquin shinanni isca huaquin, —Un Diospan fuso oin un nariscatiroran, —icashu fufopomuni Diospan fuso oinshquima.

Éxodo 4:1

Ascano Moisés afanan Diosi cumani isca huaquin, —Uncai ahuama. Uhuun caifofoanraca ua icoinra huatiroma. Uhuun tsain nicapaitamarocon ua yoiquin isca huatirofo, “Nocon Ifo Diosincai mia onanmanama. Mincai Diosi onanmisimaran,” ishon ua yoitirofo, —Moisés nannori Diosi cumaiton.

Éxodo 4:29

Ascano nantian nan rafutan aton caifo Israelifo aton niaifofo ichanan huashon ato yoinifo.

Éxodo 4:31

Nan oincashon icoinracoin huanifo. Ahuun ushto Moisés Dioshuunshon yoini cusca Aarón ahuun caifo nan Israelifo tapimani. —Nocon Ifo Diosin mato fasi shinain. Man omitsiscai cusca nantifi man oian Diosin matohuun ramapairan, —ishon Aarón ato yoini. Ascaiton nicacashon nantian Diosi cufinnifo. Yoiquin isca huanifo, —Upa Diosin, minfin nocon Ifo sharaquin, —huanifo. Ascashon nantifiton ratoconun mai chachishon Diosihuunoa yoisharanifo.

Éxodo 4:5

—Nan min chipo ato iscara ismaitian unquian nan mato Ifo Diosin maton shunifoan aton Ifo nan un mia nichiaitian chipo mia icoinra huashcani. Nan maton shunifo Abraham non Isaac non Jacob nanfoan un aton Diosin. Nanscacun nan un miqui nocoaiton mia icoinra huashcani, —ishon nocon Ifo Diosin yoini.

Mateo 26:3

Ascan nantianri nocon yorafohuunshon Dios cufimisi niaifofo futan Moisés cununi cuscan tapimamisifo non Dios fu tsainti pushu cushumisifo Caifás pushu ano ichanancani. Nan Caifás nocon yorafohuunshon Dios cufimisi niaifocoin ini.

Lucas 1:68

“Uhuun caifo Israelifoan nocon Diosin fasi sharacoin. Nocoqui oa noco numashqui.

Hechos 11:30

Asca huacatan Bernabé yafi Saulo inannifo Jerusalén ano fomanonfo. Nanno Jesús tanamisifo aton niaifofo inanno pashcananonfo.

Hechos 15:14

Pedro noco rama yoia cuscan ahuuscashomain Upa Diosin nocon caifoma catoanquin ahuun yorafo inonfo.

Hechos 20:17

Mileto anoshon Pablonun nocofunufo Efeso ano nichini icoinra huafo aton cushumisifo ihuunonfo.

1 Pedro 2:12

Ascacun ato murannoashu Jesushuunoashu icoinsharacahuun. Nan man niyoano matohuunoa tsain chaca yoifiamisifo chipo Diosin nantifi noco ichanan huaitian nanfoan tapitirofo mancai ahua chaca huatama man icoinsharamisi. Ascashon yoitiro isca huaquin, —¡Aicho! Nanfoan Dioshuunshon futsafo shara huashomisi. Ascacun Dios sharacoinran, —ishon yoishquicani.

1 Pedro 5:1

Ascan natian ichananfo cushumisifoan un mato yosipai. Ua nicasharacapun. Ascashon maton nomuran uhuun tsain nanucoincahuun. Urifi Jesús icoinra huafo un ato cushumisi. Nocon Ifo Cristo omitsiscaiton un oinni. Chipo afanan nasoshquiaitian urifi un afu isharapacushquin tsoan oinyomisima cuscara sharashtacoin nantifiton oinshquicani. Ascan nantifiton nocon ifon iishquin.