Éxodo 3:15 - Sharanahua: Diospan Tsain

¹⁵ Afanan Diosin Moisés yoini isca huaquin, —Min caifofo Israelifo yoitanhuun isca huaquin, “Nocon shunifo Abraham non Isaac non Jacob nocon shunifoan aton Diosin nan nocon Ifoanfin ua matoqui nichiaquin,” ishon ato yoitanhuun. Nan un mia yoia cuscafin Un ipamisiquin. Nan uhuun anu. Min non min caifo non maton funafo tapitiro uhuun anucai fiananpacunacama. Unfin ipamisiquin. Nannori fusti uhuun anu.

Éxodo 3:15 Kruisverwysings

Génesis 24:12

Ascano Abraham ahuun oinmatinin Upa Dios cufinquin isca huani, —Nocon Ifo Diosin min uhuun ifo Abraham ahuun Diosi. Na shafata ua ashopun uhuun ifo Abraham ua yonoa cuscan un ashonon. Uhuun ifo Abrahamhuun ramapaihuun shara huahuu.

Éxodo 15:2

Unfin nocon Ifo Dioshuunoa fanainquicain. Nantofin ahuun curushu ua inanfain ua numaquin. Nanfin uhuun upa ahuun Diosiquin. Nanrifin uhuun Diosiriquin. Un ahuunoa yoisharafain un nantifi yoi tsoa futsacai uhuun Diosi cuscarama.

Éxodo 15:3

Nocon Ifo Diosifin noco cushumisiquin. Futsafoan noco chaca huapaiyaiton nanton ahuun curushhuunshon nocomaquinoa yora chacafo potatiro noco ahuusca huanonfoma. Nanton ahuun anufin Ifo Diosiquin.

Éxodo 3:13

Ascaiton Moisés cumani, —¡Ma! Uncai ascapaima. Uhuun caifoan, “Min chaniran,” ishon ua yoitirofo. Ascafian unfin uhuun caifo Israelifo ano nocoshon un ato yoitiroquin isca huaquin, “Nocon shunifoan aton Diosifin ua matoqui nichiaquin,” ishon un ato yoiaiton ua isca huatirofo, “¿Nan Diosimun ahuun anu ahuanuquin?” ishon. ¿Ua yocaifoan un raquiri ato cumatiromun? —ishon Moisés cumaiton.

Éxodo 3:6

Nan min shunifo Abraham non Isaac non Jacob un aton Diosifin Unquin, —ishon yoini. Nannori huaiton nicain Moisés fasi ratucoinquin shinanni isca huaquin, —Un Diospan fuso oin un nariscatiroran, —icashu fufopomuni Diospan fuso oinshquima.

Éxodo 4:1

Ascano Moisés afanan Diosi cumani isca huaquin, —Uncai ahuama. Uhuun caifofoanraca ua icoinra huatiroma. Uhuun tsain nicapaitamarocon ua yoiquin isca huatirofo, “Nocon Ifo Diosincai mia onanmanama. Mincai Diosi onanmisimaran,” ishon ua yoitirofo, —Moisés nannori Diosi cumaiton.

Éxodo 4:5

—Nan min chipo ato iscara ismaitian unquian nan mato Ifo Diosin maton shunifoan aton Ifo nan un mia nichiaitian chipo mia icoinra huashcani. Nan maton shunifo Abraham non Isaac non Jacob nanfoan un aton Diosin. Nanscacun nan un miqui nocoaiton mia icoinra huashcani, —ishon nocon Ifo Diosin yoini.

Éxodo 6:2

Ufin maton Ifoquin.

Daniel 2:23

Nocon Ifo Diosin minfin uhuun shunifoan aton Diosiquin. Un mia aicho huai. Minfin sharacoin fustiquin. Min ua tapimasharatan min curush ua inan. Non yocan cuscan min ua tapimana. Niaifoan nama cuscan mian tapimanaran, —ishon Daniel nocon Ifo Diosi cufini.

Mateo 22:32

Isca huaquin Diosin yoini, “Unfin Abraham non Isaac non Jacob afoan aton Diosiquin,” ishon yoini. ¿Yora naashu afanan funiyamaino ahuuscashumun Dios fu itiroquin? Ascafia ascarama. Yora man naafianishaquin afanan nia nanfofin Dios fu itirofoquin. Ascacun Upa Diosifin aton Diosiquin, —ishon Jesús ato yoini.

Hechos 3:13

Noncai acama. Nocon Upa Diosin ahuun oinmati Jesushuunshon caya huaa. Nocon shunifo Abraham non Isaac non Jacobori Upa Dios aton Dios. Nan nocon Diosin mato oinmapai ahuun facu Jesús sharacoin ahuamamishti huatiro. Manfin Jesús achimanitaquin futsafoan rutunonfo. Niaifon Pilaton a nichisharapaifiaiton “Nacai nocon niaifomaran,” man Pilato huaita.

Hechos 7:32

“Unfin min shunicaifoan aton Diosiquin. Abraham non Isaac non Jacobori un aton Diosiran,” ishon yoini. Nicatan Moisés ratui taritarini. Afanan uru oinyamafiain aqui ratuni.

Deuteronomio 1:11

Nocon shunifoan aton Ifo Diosifin nocon Ifo Diosiriquin. Aafin yoiyoni cusca mato shara huapainon mato afanan facufo non mato funafori ichapacoin inanpainon.

Deuteronomio 1:35

“Manfin yora chacacoinfoquin. Man ua nicacasmamisi. Ascan maton shunifo un yoini cusca na mai shara un ato inannocai mancai na mai shara ano man iquipacunacama. Man foanfafainnisi nai cuyoshquin.

Deuteronomio 4:1

Uhuun caifofoan ua nicasharacahuun. Nocon Ifo Diosin ua yoimisi cuscan un natian mato tapimai man nansca huanon. Nocon Ifo Diosin nocon shunifoan aton Diosiri. Man ahuun tsain nicasharaquin man nisharacain nan mai shara noco inain non nanno iisharanon.

Hebreos 11:16

Ascan ari nasopaitama Dios icarirocon fasi shinannifo ari nocopaicaquin. Nanfoan tapinifo nanno fasi shara finacoian. Ascashon Upa Diosin nan icari ato itishara huashoano afu ipanonfo. Ascacufin atohuunoa ranotama yoini isca huaquin, —Unfin ato Diosiquin, —ishon yoini.

Hebreos 13:8

Ascashu Jesucristo ipaoni cuscan natian icai cuscan yafi ishquiai cuscari nancai fianananpacunacama. Nanscasipacunaca.