Éxodo 16:15 - Sharanahua: Diospan Tsain

¹⁵ Ascarafocai tsoan oinyomisifoma Israelifo afi ranan yocanonannifo, —¿Naafomun ahuaquin? —icashu yocanonannifo. Ascaifoan Moisés ato yoini, —Na tushufin Diosin mato inanquin.

Éxodo 16:15 Kruisverwysings

Éxodo 16:31

Ascano Israelifoan chipo nan tushu Diosin ato nai muranshon niriashoan fimisifo anunifo manán huanifo. Nan manán fana cilantro ahuun ushu ointsa. Nan misi fata fonaya osia mutsa ini.

Éxodo 16:33

Ascano Moisés ahuun ochi Aarón yoini, —Motica uhuapa fihuu. Nan litro rafu a muran manán nanushquin nocon funafoan chipo oinshquinonfo. Ascano nocon Ifo Diosin noco Egipcio mai anoshon iyoni tsoa istaipamano noco Ifoan noco pima cusca oinshquinonfo. Nan oiainfoanno nocon Ifo Diosin noco shara hua cusca ointiaquimanonfoma, —ishon Moisés Aarón yoini.

Éxodo 16:4

Nannori yoiaifoan oinquin nocon Ifo Diosin Moisés yoini isca huaquin, —Natian un nai muranshon mato tushu inain. Shafatifi man yopai cusca min caifofoan nan tushu finonfo. Ascano un atohuunoa tapipai ratotomain ua nicasharaiquin.

Lucas 12:30

Ascan nannori nan icoinra huamafoan shinanchacamisifo. Ahuara pifain sahuupaiyaifo fustisi shinanmisifo. Ascan maton Upa Diosifin tapiaquin man yopai cuscan. Ascacun mato inanshquin.

Juan 6:49

Nocon shunifo Moisés fu tsoan istaipama ipaonifo. Nan tushu ahuun anu manán fipaonifo pishcaquin. Pifiapaonishacaquin fari futsa nai cuyonifo.

Juan 6:58

Afanan un mato yoi. Nocon shunifoan nan tushu ahuun anu manán piinifo. Nan pifiapaonishacaquin nai cuyonifo. Ascan Upa Dios ariashu un matoqui oni. Unfin ahuun tushucoinquin. Tsoan ua piashucai nanacama. Uhuunoashu nipasharatiroquin, —ishon Jesús ato yoini.

1 Corintios 10:3

Ascatari Diosin nai muranshon ato tushu potashoni nantififain pinonfo. Nannoshori unu yamacoinyaino Moisés toquirininhuan ahuun poquitinin tsacaino unu tsosia sharacoin tohuashu furani nantififain ayanonfo. Ascano Cristo ahuun Yoshin Shara atofu caino ahuunshon ayanifo.

Hebreos 9:4

Nan Dios cufiti cunu muran nantio cuno chashna faca facaitsa sharaishtan puraishica ini. Ascashon nan cufiti camaqui ahuara coanifo ahuun coin tipoaino nohuu inin sharayacoin inon. Nan coin tipoaino Dios ismapaonifo a cufifafaincaquin. Nannori cashon uhuapa ini. Nan ihui casho cuno chashnanpan puraishacafo faca facaitsa sharacoin ini. Nan cashon muranri tutso chashna faca facaitsa muran misi torumishti anucaquin, —Mananran, —huapaonifo. Nan casho muranri Aarón ahuun poquiti yafi toquiri sapa rafu nanunifo. Nan poquiti casho muran nanuataifoma Upa Diosin charo shachoco onihuariscatani. Ascashon nan toquiri sapa rafuqui Upa Diosin Israelifo yonopaiyai cuscan ato cunushoni.

Apocalipsis 2:17

“Ascacun man pafiquiyaquin Diosin Yoshin Sharapan nan icoinra huafo ato yoiai cuscan nicasharacahuun. Ascafia Satanás mato chaca huamapai. Tsoan ua cachiquiri huatama uhuunshon Satanás finoncoian nantonfin ua tanasharacoianquin. Ascacun un cushusharashquin. Un Israelifoan aton shunifo fariña cuscara fata shara nai muranshon shafatifi un ato niriashopaoni. Nan anuquin manánran huapaonifo. Ascan tsoancai tapipaonima ahuuscashomain un ato niriashoicain. Nanscarifi aqui un nan manán futsa cuscara un ato inanshquin nancai tsoan ointiroma. Nanfohuunshon un ato shara huapanaca. Ascatari tsoan chaca huatama ua tanafafainnaiton un ato toquiri osho sharashtacoin inanshquin. Tsoa futsacai nan anu onantiroma. Ascan nan toquiri fiafin ufu ipasharatiroquin,” —ishon Jesús nan icoinra huafo Pérgamo anoafo yoia.