Éxodo 15:16 - Sharanahua: Diospan Tsain

¹⁶ Ascano fasi ratucoincani. Min curushhuunoa nicacani nantifi manifoti miqui musucoincani. Aicho, Ifo Diosin, min noco ihuia non min yorafo inon. Ascano miqui musuaifoanno non aton mai ano finoaintocai noco ahuusca huashquicanima.

Éxodo 15:16 Kruisverwysings

Génesis 35:5

Ascan Siquem anoashu focanashu Diosin yononi caifo futsafo chaimashta icafo atoqui ratunifo. Ascacun tsoan ato mufainnima.

Éxodo 11:7

“Ascafianocai Israelifo tsoa naima. Tsoancai ato muima. Aton inaforicai ahuuscaimaran,” ishon nocon Ifo Diosin mia yoiquin. Ascano man tapitiro nocon Ifo Diosin matohuunoa shinain cuscacai nocohuunoa shinainma. Manfin nocon Ifo nicacasmaiton maton onaintimashquiquin. Nonfin nocon Ifo Diosi nicasharamisiquin. Nanscacun maton onaintimai cuscacai noco onaintimashquima.

Éxodo 15:13

Nonfin min yorafoquin. Min noco numa non afanan Egipciofoan aton yonomatifo inonma. Minfin noco nantishotapiquin noipacunacaquin. Minfin noco tapimatiroquin nan non cai cusca. Min curushhuunshon mai sharacoin ano min noco iyoshquin. Nanno min no fu iishquin. Min no fu icaitian shara fustisi non ointiro.

Éxodo 15:5

Ununhuanun man ato fupoa. Ahuun noamuran nan toquiri unu muran pacutiro cusca man nantifi unu noa muran iqui futsuafo ica.

Éxodo 15:6

Ifo Diosin minfin min curushhuunshon min ahuamamishti huatiro cusca man oianfo. Min curushu fasi sharacoin man oianfo. Nan noco noicasmaifo min ato onaintimacoian afanan ninonfoma.

Éxodo 18:8

Nan muranshon nocon Ifo Diosin ato ashoni cusca Moisés ahuun raisi Jetro yoipacuni. Nocon Ifo Diosin atomaquinoa Faraón yafi Egipciofo omitsisca huani cusca yoifain aa non ahuun yorafo nan focanashu omitsiscanifo cusca yoifain nocon Ifo Diosin ato numani cuscari ahuun raisi yoipacuni.

Éxodo 20:2

—Unfin maton Ifo Diosiquin. Man Egipciofoan ato yonomatifo ipaoni. Ascafiano un mato Egipcio mai arishon ihuua afanan aton yonomatifo man inonma.

Éxodo 6:7

Ascacun manfin uhuun yorafo iquincain. Unfin maton Diosiquin. Ascashofin un mato Egipcio mai anoshon nichishquicain afanan mato curushcain yonononfoma. Ascacun natian man tapitiro un maton Ifo Diosin.

Hechos 20:28

Diospan Yoshin Shara matori yonoa Jesús icoinra huafo yoisharanon. Ascan oinfain. Isharacahuun. Diospan yorafo cushusharacahuun. Jesús ato nashoaino ahuun imi foni ahuun yorafo inonfo.

Deuteronomio 11:25

Man na mai shara ano nocoataima mato yoiyoni cusca nocon Ifo Dios matohuunoa mani futsafo matoqui ratumafain matoqui fasi musucani. Ascan nantifi na mai man fiiaino tsoancai mato nitu huatiroma.

Deuteronomio 2:4

Min yorafo yoihuun isca huaquin, ‘Maton yora futsafo nan Esaú ahuun funafo man aton mai Seir ano samamashta nocoicai. Ascano nanfo matoqui ratucani. Ascafia man atoqui nocoaitian oinfain ato ahuusca huayamacahuun.

Tito 2:14

Nanto noco nashoni non afanan chaca huamisi iyamacain non yoitimamisi inonma. Afanan ahuara chaca nocon ifo itamarocon nan noco imasharacoiain cuscan ahuun yorafo non inon. Ascashu norifi a cuscara fasi shara huapaimisi non itiro.

Josué 2:9

Ascashon ato yoini isca huaquin, —Mun tapia maton Ifo Diosin nocon mai min caifo inain. Uhuun caifo min caifoqui ratucoian. Nantifi uhuun mai anoafo fasi matoqui musucani.

Josué 4:24

Noco asca huashoaiton nantifi manifotifain tapinonfo nocon Ifo Diosi ahuun curushhuunshon ahuamamishti huatiro. Ascacun norifi nocon Ifo Diosihuunoa non shinansharapacunaca noco yonoai cuscan non anon, —ishon Josué ahuun caifofo yoini.

1 Pedro 2:9

Ascafia Diosin noco catonni ahuun yorafo non inon. Afin niaifocoinquin non yonoshotiro futsafori cufishoshquin Jesushuunoa ato tapimashquin. Noco a cuscara sharacoin imaino non ahuun yoracoinfo itiro. Ascashon ahuunoa futsafo yoisharashquin. Non faquish muran ica shinantsa apaoni. Ascafia afincoin noco catonni ahuun yoracoinfo non inon afu shafacafi shara ipashquin.

2 Pedro 2:1

Ascafia nantianri futsafoan Diosihuunoa amaquiri yoipaonifo isca huaquin, —Upa Diosin noco yoia cuscan non mato yoiran, —ifiacashon parapaonifo. Nanscarifiai nan cuscara paramitsamisifoan mato muranshon yoishcani isca huaquin, —Upa Diosin mato yoipaiyai cuscan noco tapimana non mato yoinon, —ishon mato yoifiacani chanimisifo. Mato fomanpaicani. Mato amaquiri yosiaifono afanan nannorisi cayacafi man shinanonma. Ascacun un mato yosin tsoan ato tanashufin funotirofoquin omitsiscapashcaquin. Nocon Ifo Jesús ato nashoni afanan chaca aton ifo inonma. Ascafia nocon Ifoan noco tapimapaoni cuscacai icoinra huafoma. Nanfoan Jesús ifoacasmacani. Ascacun nanfo ascaifoan Upa Diosin ato onaintimariscashquin omitsiscapanonfo.

1 Samuel 2:9

Tsoan nocon Ifo tanasharaiton ato cushusharai raquira caiton nanri cushusharai ahua chaca finonnonma. Ascafia yora chacafo nashu faquish muran ipanacafo. Tsoacai afin ahuun curushhuunoashu isharatiroma.