Éxodo 15:11 - Sharanahua: Diospan Tsain

¹¹ Nan diosiran ishon rami huafocai dioscoinfoma. Afocai mia cuscarafoma. Tsoa futsacai mia cuscarama. Min fusti sharacoin. Mia cuscaracai tsoan oinyomisima. Min ahuamamishti huatiro. Min curushhuunshon ahuara huamisi cusca oinquin, “¡Aira! ¡Oincapon! Diosin acai cusca fasi sharacoinran,” ishon non yoitiro.

Éxodo 15:11 Kruisverwysings

Salmos 145:17

Nocon Ifo Diosin nantifi acai cuscan cayacafi shara. Nantifi nan oni huani cuscan huaquin noicoin.

Salmos 86:8

Futsafoan aafin dioscoinma rami huaafo. Nanfocai mia cuscarama. Min ahuamamishti atiro cuscan nanfoancai atiroma.

Éxodo 18:11

Nan cacapaimisi Egipciofoan mia non min yorafo chaca huapaoni. Nanscacun nocon Ifo Diosin ato onaintimana afanan mato omitsiscamanonfoma. Ascacun natianfin mun tapiaquin ahuara futsafocai Dioscoinfoma. Nocon Ifo Diosin nantifi finoanran, —ishon Jetro yoini.

Éxodo 20:3

Nan yora futsa iyamarai ahuara futsafocai maton Diosin itiroma.

Éxodo 3:20

Nan un ahuamamishti huai cuscan un ato oinmashquicai. Ascaiton oin uhuunnoashu nan aa non ahuun yorafo omitsiscaifo cuscan. Un ahuun caifofo namashquiai cusca oinquin aton niaifoan mato nichishquin.

Éxodo 8:10

—Funamari ua cufinshohuun, —ishon Faraón yoiaiton. —Mian yoia cusca un mia Ifo Diosin cufinshonon. Ascano min tapitiro tsoa futsacai nocon Ifo Diosin cuscarama.

Éxodo 8:6

Diosin yoia cusca huaquin Aarón ahuun poquiti nan unufotihuuri Egipcio maihuuri susoni. Susoaino fushco huarasi ato muran nocoriscatani.

Éxodo 9:14

Min ua nicacasmaiton un mia omitsiscamai mia non min niaifo patasharinoafo non nantifi min caifofori nan man muyomisima cuscara un mato omitsiscamai. Ascano man tapitiro manifoti anoshon tsoa futsacai ua cuscarama. Urus fustifin un ahuamamishti huatiroquin.

Lucas 12:5

Ascacun atoqui ratuquimarocon Diosiqui ratucahuun. Nantofi mato rutufain maton yoshinfori omitsiscapanacafo muran potatiroquin. Nanno chi urumanhuan matsinacama. Naan icon un mato yoi. Dios fustiquifin man ratutiroquin.

Deuteronomio 1:30

Non caitian nocon Ifo Diosin noco rucu cashoicai. Nantonfin yora futsafo nan mai shara anoshon noco caimashotiroquin ato cuyoshquin. Egipciofohuunoa man oinni cusca nanscarifiai na mai shara anoshori noco ahuamamishti huashoshquin nan yora futsafoan noco ahuusca huanonfoma.

Deuteronomio 3:24

“Uhuun Ifon, min nantifi iquina. Unfin min oinmatiquin. Min ahuamamishti huatiro cusca huafain min nantifi finoncoian mian tau huaquin ismani. Nai muran iyamarai mai anocai diosi futsa yamai. Min atiro cuscacai tsoa futsan huatiroma. Min curushhuunshon min ahuamamishti atiro cusca tsoa futsa huatiroma.

Deuteronomio 4:34

Upa Diosin mato ashomisi cuscacai ahuara rami huafoan mato ashotiroma. Upa Diosin mato Egipcio anoshon iyoni. Futsafoan mato chaca huafiaiton Diosin mato numa. Aafin mato ahuamamishti ismapaoniquin. Aafin mato oinmamisiquin ahuamamishti huatiroshaquin. Tsoa futsa atiroma cusca nocon Ifo Diosin mato ismamisi. Nantififain man man oinmisiquin. Man ahuara rami huatocai Diosin mato ashomisi cusca mato ashotiroma.

Apocalipsis 13:4

Ascan tanacashon yoiafo, —¡Aicho! Satanás ahuun shinanhuunshon na yoina pofu cuscaraton tsoa futsan atiroma cuscan huatiro. Ascacun ahuunoashu nantifi yorafo yonotiro. Ascan Satanás nocon Ifocoin. Noco yoipaiyai cuscan non nicacointiro. Nan yoina pofu cuscarari nocon Ifo. Tsoancai a finontiroma. Tsoa futsacai na yoina pofu cuscarama. Tsoancai a rututirofomaran, —ishon yoiafo.

Apocalipsis 15:4

Ifon, nantififain miqui musucaquin mia nicasharapainonfo. Min ahuamamishti tsoan oinyomisima min atiroquin. Nantifi yorafoti anori yoipacunonfo. Mirus fusticai min chaca huamisima. Nantifi manfoti miqui funonfo. Min shara fustisi huamisi. Nantififain oinquin isca huashquin, ‘Min sharacoin. Min nocon Ifocoinran,’ ” ishon mia yoishcani.

Apocalipsis 4:8

Nan cuatro putao ya seis putao ya. Nan ato putao ocuma rafu furo ichapayari. Shafatisho yafi yamutishori nan rafu non rafuri fanainquin isca fafaincani, “Nocon Ifo Dios fasi sharacoin. Shara fustisi huapanaca. Nantofin ahuamamishti huatiroquin. Iyopaonishaqui natianri ipamisi. Ascashuri ipanacaran,” icashu nan rafu non rafuri fanainriacani. Ascashon yoiafori isca huaquin, “Nocon Ifon Diosin mirus fusti min nocon Ifocoin. Tsoa futsacai mia cuscara sharama. Min isharapacunaca. Ascacufin non mia fasi noiquin aicho huai. Min noco shara huafafaini,” ishon nan rafu non rafuriton yoiriaifoanno nan icoinra huafo cushumisifo veinte cuatrofain nocon Ifo Diosin ahuun tsaoti camaqui tsaoa naman fuoshopacufoan aton maiti oro ointsa sharashtacoin nocon Ifo tsaoa afofori nannosi huacashon yoiafo isca huaquin, “Nocon Ifo Diosin min noco maiti inan cuscan non mia afanan nasoin. Man min noco inanfiacun non mia fasi noicoinquin noco maitifo non mia afanan nasoin. Ascan mirus fustifin min noco iquitiroquin. Min nocon Numamisi. Ascashu mirus fusti min nocon Ifocoin.

1 Samuel 2:2

Tsoa futsacai mia cuscara sharacoinma. Mirus fusti min noco Numamisi. Mirus fusti min ahuamamishti huatiro. Toquirininhuancai tsoan shucatiroma. Nanscarifi ai min nocon Diosi min acai cuscacai tsoan mia nitu huatiroma.