Efesios 1:8 - Sharanahua: Diospan Tsain

⁸ Non yopai cuscan onancoian. Ascashon Furunhuunshon noco fasi shara huafafaini.

Efesios 1:8 Kruisverwysings

Romanos 11:33

¡Aicho! Nocon Dios fasi sharacoin. Nantifi yorafohuun ramapai unupacunacama. Aafin apaiyai cuscan tapicoianquin. Nantifi tapicoian inonpacoai cuscan tapifain aafin noco ashoai cuscan tapicoian. Ahuun nomuran yorafohuunoa shinain cuscan non tapipaifiaquicai tsoanshta tapitiroma. Aaton acai cuscan tsoan tapitiroma.

Romanos 5:15

Nan nocofunun Adán ahuun chacahuunoashu nantifi yorafo nai futsucani. Ascan nan nocofunun Jesucristo fusticai ascanima. Ahuunshon yorafohuun ramapaiquin Upa Diosin ato rau huatiro aton chaca soashquin.

1 Corintios 2:7

Non mato Diosihuunshon yoimisi cuscan huafaincai tsoan tapiyopaonima. Cristo yorafotihuunoashu nashoshquiai cuscan Diosincai ato tapimayopaonima. Diosin mai onihuataima shinanquin isca huani, —Uhuun Furumun ato chipo nashoshquin nan a icoinra huafoti ato nimapacushquin, —ishon shinanyoni.

Efesios 1:11

Cristohuunshon Upa Diosin nocorifi catonni non ahuun yorafo inon. Nannori nocohuunoa shinanyoni. Afi apaiyai cuscacoin huashquin.

Efesios 1:7

Jesús noco nashoni ahuun imi foyanan. Ascan nantorifi nocon chaca soashonano ahuunshon Upa Diosin noco rau huatiro non afu ipanon. Ascacun non tapitiro Upa Diosin fasi nocohuun ramapaicain noco shinanquin finacoinmisi.

Efesios 1:9

Ascano Upa Diosin afi apaiyai cuscacai tsoa tapimayonima. Ascafia noco tapimana nocohuun ramapaiquin nocoqui Cristo nichini. Ascano Upa Diosin afi shinanyoni cuscan Furun Cristo nan nichipaiyaitian afanan nichishquin nantifi ahuun yorafo nai murannoafo yafi mai anoafori ato ichanan huashquin Cristo arus fusti aton Ifo inon.

Efesios 3:10

Upa Diosin shinanquin tau huani cuscan nocon Ifo Jesucristohuunshon ani. Natian Jesús icoinra huafohuunshon niaifofoan nai muran icafo futan ahuun oinmatifo nan a fu nai muran icafoanri ato tapimashquin. Ascan nicacashon yoishquin isca huaquin, —¡Aicho! Nocon Upa Diosin aca cuscan fasi sharacoin. Arus fusti nantifi tapicoian. Nanton ahuamamishti huatiroran, —ishon yoishcani.

Colosenses 2:3

Nantofin nantifi onancoinfain tapicoianquin. Apa Diosin tapia cuscan arifi ahuun nomuranshon tapicoianquin. Ascan Upa Dios ahuarafo shara aya cuscan Cristohuunshon marifi man tapitiroquin.

Judas 1:25

Nan fusti noco Dios. Nantonrifi nocon Ifo Jesucristohuunshon noco numani. Ascashon nantifi finoncoian tsoa futsacai a cuscarama. Arusu fusti niaifocoincain manifoti iquina. Ascashon ahuamamishti huatiroquin. Ahuashta oni huataima nanscaracoin iyopaoni. Natian ishquiai cuscari. Nansca huapanaca. Nanscasi ipanon. Amen. Nanti. Judas

Apocalipsis 5:12

Fasi oi ashcafinin fanaincani iscafo, “Diospan facu Jesús chashoan cahuashara cuscara sharashtacoin man rutunifo. Ascafia natian nantifi manifoti ato iquifain nantifi nai murannoafoti yafi mai anoafori ahuuna iquin. Naantofin nantifi tapicoianquin ahuun curushhuunshon ahuamamishti huatiro. Ascacun nantifiton min sharacoinran mia huapanonfo. Mirus fustifin min nocon Ifo iquicain. Ascacun ¡Aicho! Min nocon Ifo ishara fustipacunacaran,” icashu fanaincani.