Apocalipsis 11:12 - Sharanahua: Diospan Tsain

¹² Ascan nai muran Upa Dios icariashu fasi oi ashcafinin ato yoiaiton. Nan rafutan nicafo. Ato yoiquin isca huaiton, —Nuri fucahuun, —ato huatapaiyaino ato noicasmaifoan oiainfoanno nan rafu atomaquinoashu coin muran Upa Dios icari foafo.

Apocalipsis 11:12 Kruisverwysings

Salmos 86:17

Ua ismahuu min ua shara huashoi cuscan. Min ua shara huai cuscan uhuun nomuran min ua shinanmasharaino nan ua noicasmaifoan oincaquin tapitirofo un min facu icaino ua chaca huafain miarifi chaca huacani. Rafipaitirofo.

Éxodo 14:25

Diosin yonotanaino Egipciofoan aton taramutiyafo nantifi chacana huaqui futsani pacunonfo. Ato catimacoin huani. Ascaiton oincani Egipciofo yoinannifo, —Non Israelifo achinonma aton Ifo Diosin ato numai. Nanscacun noco taramutifo chacana huaiquin. Non Israelifomaquinoashu fononfocahuun non afanan ato achitiromaran, —icashu Egipciofo yoinannifo.

Lucas 16:23

Ascano omitsiscapanacafo muran cashon nan mafo ichapayaton Abraham yafi Lázaro foisquin oian icafo ini. Arishon chii isin tunuyamacaiquin cunani.

Hechos 1:9

Yoiquin anaititan aton ointaifi nuinacahuani. Oiainfono nai coin muran ihuacainaiton afanan oinnifoma.

1 Tesalonicenses 4:17

Ascan non nuno mai ano niyoafori non atofu funi caishqui nai coin muran nocon Ifo Jesús fu ichananshquin. Ascashu nantishotapiquin non afu ipanaca.

Apocalipsis 12:5

Ascashu furonanfacu caian. Nan facu nantifi manifotifain aton niaifo iqui. Ato cushusharashquin tsoashta yoitima inonfoma. Ascacun Upa Diosin icano ahuun facu ihuiriscatana afu niaifo inon.

Apocalipsis 3:21

“Ascano tsoan chaca huamisi cuscan shatufain ua tanasharacoian naanfin uhuun Upa Diosin icari ufu ipasharatiroquin. Ascafia un niaifocoin icaino nanfin niaifo patashari itiroquin. Unfin Satanás yafi yoshin chacafo finoncoianquin. Uhuun Upa Dios icariashu uhuun Upa fu un niaifocoin ica. Nanscarifiai tsoan ahuun chaca cachiquiri huafain ua tanasharacoianshu un icanoashu arifi ufu niaifo ipatiroquin.

Apocalipsis 4:1

Ascashon nannori ua yoifain Diosin Yoshin Sharapan ahuara futsa ua oinmanaino nan namapan oian un huaa. Ascashon un oian Upa Diosin icaria caincaiti nan un oinyaino nan oi un nicaquin tau huaa nanrifi un afanan nica. Nan manuti nicatsa achacoin. Ascano ua yoiquin isca huaa, —Nuri uqui ohuu. Ahuarafo chipo ahuuscara aashquiai cuscan un mia oinmayoiran, —ishon ua yoia.