2 Juan 1:9 - Sharanahua: Diospan Tsain

⁹ Tsoan Cristo yoini cuscan atama futsa tanashu acai Diospan yorama. Ascan Cristo yosini cuscan nan fusti tanacoin Apa Diosin yafi Furun fu rafui.

2 Juan 1:9 Kruisverwysings

Mateo 11:27

Ascashon Jesús afanan ato yoiquin isca huani, —Upa Diosin tapia cuscan uarifi nantifi tapimani. Unfin Diospan facuquin. Diosin fustitofin ua onancoianquin. Nanscarifi aqui urus fusti Upa Diosin un onancoian. Nanscarifi aqui urifi un futsafo Upa Diosihuunoa onanmanai cuscan nanfoanri Upa Diosin onantirofoquin.

Lucas 10:22

Ascashon cufinquin anaititan Jesús nantifi yoini, —Uhuun Upa Diosin tapia cuscan uarifi nantifi tapimani. Unfin Diospan facuquin. Diosin fustitofin ua onancoianquin. Nanscarifi aquin urus fusti Upa Diosin un onancoian. Nanscarifi huaquin urifi un futsafo Upa Diosihuunoa tapimanai cuscan nanfoanri Upa Dios tapitirofoquin, —ishon Jesús yoini.

Juan 14:6

Ascaiton Jesús cumani, —Unfin na faiquin. Unfin iconmisiquin. Uhuunoashufin yorafo nipatirofoquin. Tsoacai afi uhuun Upa icano nocotiroma. Uhuunoashu fustifin uhuun Upa ari nocotirofoquin.

Juan 15:6

Ahuun poyan futsa chaca fimioma poshtushon potashquin tsasinon. Tsasicun poyafo icha huatiro coashquin. Nanscarifiai tsoa ufu rafutama umaquin icun nanscarafo chipo icha huashon chi urumanhuan muran ato potashquin.

Juan 8:31

Ascano Jesús nocon caifo nan icoinra huafo yoini, —Un mato yoiai cuscan nicacoianshufin uhuun tanamisicoin man itiroquin.

Hechos 2:42

Ascatan Jesushuunoa tapipaiyaifoan Jesús fu rafuafo ya ichanancashon ato tapimafain ato futan pifain Upa Dios cufinifo. Asca huapaonifo.

Colosenses 3:16

Cristo noco tapimani cuscan huafain maton nomuran nanucoincahuun. Nantofin mato iquinaquin. Ascan ahuun tsain tapisharashon futsafo yari tapimatanancahuun isharashcaquin. Mato nomuranshon Diosin aicho huafain David fanainni cuscan fanain ishocain ahuun tsainhuunoari fanaincahuun.

Tito 2:10

Ahuun ifo ahua onuntama nansca huaquin ato ifofo oinmatirofo ascaifoan ato icoinra huacointiro. Yonomatifo ascaifoan futsafoan yoitirofo isca huaquin, —¡Oincapon! Nan yonomatifo isharacoinmisi. Nanfoan Jesús ifoacoinnafo. Ascan aton Numamisi Diospan tsain sharacoin. Ascacun norifi ahuun tsain non nicanon, —ishon yonomatihuunshon Diospan tsainhuunoa shinansharatirofo.

Hebreos 3:14

Non tau huaquin Jesús icoinra huacoinni cuscan non nanscasi unuyamashu non afu ipatiroquin.

Hebreos 6:1

Ascan noncai facufo cuscarama. Facufoancai ichapa tapiama. Ascan iyoafofoan paratama tapisharafo. Nanscarifiai non tau huaquin Jesucristohuunoa tapini cuscan nan fusticai non shinafafainima. Ascasho non tapini non ahuara shara huahuunshoncai noco chaca soashotiroma Upa Dios fu non ipanon. Non tapiniri Dios icoinra huayamashucai non afu ipatiroma. Ascatan non unu muran iquimamua nocon chaca soashonano non Jesús ifoashon futsafo ismatirohuunoa tapifain nan icoinra huafo futsafo non ato manmanshon cufishotiro Diosin ato yonomapaiyai cuscan anonfo nanrifi tapifain yora naashu funitirohuunoari tapifain icoinra huafoma Diosin ato omitsiscapanacafo muran potashquiai nanfohuunoa man non tapiyoni. Ascan afanan noncai tapimamisi yopaima nanfohuunoa noco tapimanon. Ascano afanan ascatama noficairocon non paratama Diospan tsain shara tapinon Jesús tanasharashquin.

1 Juan 1:3

Upa Dios futan Furun Jesucristo shinainfo cuscari norifi atohuunshon non shinanmisi. Shinainfo cuscan non huai. Non atofu rafumisi. Ascashon non oian cuscan huafain non nica cuscari un mato yoi marifi nannorifosi man shinanon. Ascashu man no fu rafusharatiro.

3 Juan 1:9

Min icoinra huafo fu ichanan ano un mato cunu fomayamua. Ascafiashon Diótrefes ua nicacasmaquin. Aafi icoinra huafo iquinpai. Fasi cacapaimisi.