1 Samuel 2:2 - Sharanahua: Diospan Tsain

² Tsoa futsacai mia cuscara sharacoinma. Mirus fusti min noco Numamisi. Mirus fusti min ahuamamishti huatiro. Toquirininhuancai tsoan shucatiroma. Nanscarifi ai min nocon Diosi min acai cuscacai tsoan mia nitu huatiroma.

1 Samuel 2:2 Kruisverwysings

2 Samuel 22:3

Min uhuun Diosin min uhuun toquirininhuan cuscaran. Toquiri uhuapacai tsoan shucatiroma. Nanscarifi ai min u fu icanocai tsoan mia shucatiroma uqui nocoshon ua chaca huashquin. Min uhuun cuno sapaqui pia iquitiroma cuscaran. Ascan minhuunshon ua chaca huapaifiacaquicai tsoan ua chaca huatiroma. Min ua numai min curushhuunoashu un isharanon. Cunu cuyacoin tarati huashu tsoa pushu rasi muran iquitiroma yorafo chaca huashquin. Nanscarifi ai min uhuun cunu cuyacoin cuscaran. Ascacun tsoan ua ahuusca huatiroma. Min ua numamisi. Yora pofufoan ua fasi chaca huaiton min ua numa ua ahuusca huanonfoma.

2 Samuel 22:32

Nocon Ifo fustifin Diosiquin. Nan fustifin toquirininhuan cuscaraquin. Tsoan Diosin shucatiroma noco cushunonma.

Salmos 73:25

Min nai muran icano urifi un miqui nocopai mi fu ipashquin. Uncai tsoa futsa yopaima. Un mia fuchipaiyai cusca uncai ahua futsa nuno mai anoshon un fuchipaima.

Salmos 86:8

Futsafoan aafin dioscoinma rami huaafo. Nanfocai mia cuscarama. Min ahuamamishti atiro cuscan nanfoancai atiroma.

Éxodo 15:11

Nan diosiran ishon rami huafocai dioscoinfoma. Afocai mia cuscarafoma. Tsoa futsacai mia cuscarama. Min fusti sharacoin. Mia cuscaracai tsoan oinyomisima. Min ahuamamishti huatiro. Min curushhuunshon ahuara huamisi cusca oinquin, “¡Aira! ¡Oincapon! Diosin acai cusca fasi sharacoinran,” ishon non yoitiro.

Romanos 15:4

Nantifi Diosin tsain cunupacuni noco tapimashquin. Cununiri non icoinra huashon ahuara chaca finonfiaquin non tunucoinnon. Ahuun tsainhuunshon nocon ointi non fupi huamashon non tapitiro nocon Ifo fu nai muran chipo afu ipashquin afanan ahuara chaca finonshquima.

Romanos 4:8

¡Aicho! Upa Diosin isca huaquin yoishquin, ‘Min chaca huaa cuscan un afohuunoa afanan shinanpacunacama. Natian min chaca huamisima cuscara min itiroran,’ ishon yoiaino fasi unimacointiro,” ishon David yoini.

Deuteronomio 3:24

“Uhuun Ifon, min nantifi iquina. Unfin min oinmatiquin. Min ahuamamishti huatiro cusca huafain min nantifi finoncoian mian tau huaquin ismani. Nai muran iyamarai mai anocai diosi futsa yamai. Min atiro cuscacai tsoa futsan huatiroma. Min curushhuunshon min ahuamamishti atiro cusca tsoa futsa huatiroma.

Deuteronomio 4:35

Nocon Ifoan nan cuscarafo mato oinmana man tapinon arus fusti Diosincoin. Diosi futsa afanan yamai.

Deuteronomio 4:39

Ascashon maton nomuran shinancoinfain ointiaquimayamacahuun. Nan Diosi icanoafo arusu fusti aton Diosi icain arusu fusti aton Ifoquin. Ascatari nan mai ano icafoan aton Diosiri. Afanan futsa yamai.

1 Pedro 1:16

Diospan tsain cununi isca huaquin, —Unfi isharamisiquin. Ascan marifi isharacahuun, —ishon Diosin yoini cuscan cununi.