1 Samuel 2:1 - Sharanahua: Diospan Tsain

¹ Ascan Anapan nocon Ifo Diosi cufinquin isca huani, —Uhuun nomuran un Diosiqui fasi unimacoin. Uhuun Ifo Diosin ua fasi shara hua. Ifon mian numa. Ascan un miqui unimacoin. Mian numa cuscan ua noicasmaifo un yoisharatiro.

1 Samuel 2:1 Kruisverwysings

Salmos 51:15

Uhuun Ifon, ua shinanmasharahuu un mihuunoa yoisharanon.

Éxodo 15:1

Natian Moisés fu Israelifo nocon Ifo Diosihuunoa shinansharai cusca fanainquin iscanifo, —Unfin nocon Ifo Diosi fanainsharashonicai. Tsoa futsacai a cuscara sharama. Nantofin nantifi finoncoianquin. Nantifi Egipciofoan aton caballofo non aton taramuti acamaqui tsaoafo unuhuan muran man min asamana.

Éxodo 15:21

Ascano María fanainquin iscani, —Nocon Ifo Diosin min nantifi finoncoian. Tsoa futsacai mia cuscarama. Egipciofo yafi aton caballofo unuhuan muran min ato potaino nantifi asain futsuafo. Nocon Ifo Diosin minfin noco numaquin, —icashu María fanainni.

Lucas 1:69

Diosin nocon Numamisi nan ahuamamishti huamisi nocoqui nichian. Noco shunifoan aton niaifo David ipaoni. Nanton ahuun funa nocoqui nichian noco niaifocoin ipashanon.

Romanos 5:11

Ascano natian nocon Ifo Jesucristo noco Apa Dios ya imapacushquin non ahuunoashu unimacoinon.

Filipenses 3:3

Asca non foshqui rupa shatuahuunshocai nocon chaca non soatiroma. Jesucristo noco nashoni nocon chaca soashoshquin. Arus fustifin nocon chaca soashotiroquin. Nan Furuhuunshori Diosin noco ahuun facufo imatiro. Ahuun Yoshin Sharahuunshon non Dios yoitiro isca huaquin, —Non mia fasi noi. Min sharacoinran, —ishon non yoitiro. Jesucristo noco nashoni nocon chaca soashoshquin. Ascacun non aqui unimacoinni. Arus fusti noco numatiro. Man non tapia non foshqui rupa shatuahuunshocai noco ahuusca huatiroma.

Filipenses 4:4

Ascacun Jesús mato Ifoquin unimacahuun. Afanan un mato yoi futsai unimacahuun.

Filipenses 4:6

Ascano shinanchacayamacahuun. Ascatamarocon ahuara ahuuscarafiaino Upa Dios cuficahuun. Man yopai cuscari a yoicahuun. Man cufiaino Upa Dios yoicahuun isca huaquin, —¡Aicho! Upa, min ua nicasharamisi un yopai cuscan min tapishon min ua ashosharamisiran, —ishon cuficahuun.

1 Pedro 1:8

Man nocon Ifo Jesús oinmisimafiashon man ahuun noi. Natianri man oiantaimafiashon man icoinra huacoinna. Ascashu man fasi unimacain maton ointi roama roamamisi. Ascashon man icoinra huacun Diosin mato imasharapacunaca.

Apocalipsis 18:20

“Ascafiaifoanno nantifi Upa Dios fu icanoafoan unimacahuun. Babiloniafoan Jesús icoinra huafo man omitsiscamamisifo. Ascancufin Upa Diosin ato fasi onannitimana omitsiscapanacafo. Nantifi Jesús icoinra huafoan non Jesús fu rafumisifoan non Diosin tsain inon pacoai yoimisifoanri unimacahuun,” —ishon yoia.

1 Samuel 1:6

Ascano nan ahuin futsan Penina fasi Ana cashumutsama huapaoni. Yoiqui isca huapaoni, —¡Aicho! Unfin facuyaquin mincai facuyamaran, —ishon fasi cashumutsama huaquin fucash huapaoni. Ahuun no muran fasi shinanchacamapaoni.

1 Samuel 1:7

Faritifi nansca huapaoni. Ana ahuun funu fu Diosin ichananti pushu ano caiton ahuin futsan Penina aqui cashu mutsamapaoni. Aqui nanscaiton oinquicai Anapan uaiqui piinima.