1 Samuel 1:9 - Sharanahua: Diospan Tsain

⁹ Ascano fari futsa Silo anoshon piquin unutan Ana funicaini Diosin tsainti pushu ano cani Diosi cufinshquin. Ascano nanno ahuun caifohuunoa nocon Ifo Diosi cufinmisi. Nan Elí Diosi cufinmisiton arifi nanno ichananti pushu shoi caincaiti ano tsaoshon oinni.

1 Samuel 1:9 Kruisverwysings

Salmos 27:4

Un niyoashu uhuun Ifoan pushu muran un ipai a oinpacushquin. Nanfin fasi sharacoinquin. Un shafatifi uhuun Ifo oinpai ahuun pushu muranshon oinquin ahuunoa shinanfafainshquin. Nan fusti un uhuun Ifo yocain ua ashonon.

1 Samuel 1:10

Ascano Ana nocon Ifo Diosi cufiaintian ahuun nomuran fasi uaicoinni.

1 Samuel 3:15

Nan nicatan afanan Samuel nanno racani nan shafai chain. Ascashu funamari nocon Ifo Diosi pushu shoi caincaiti ano fupushoni. Nocon Ifo Diosi yoia cuscan Samuel ratuquicai Elí yoipainima.

1 Samuel 3:3

Elí yafi Samuel Diosin tsainti pushu muran icafoanno aton farocai nocatai inima. Nantian Samuel nocon Ifo Diosi fu tsainti pushu muran racani. Diospan casho a muran ahuun tsain nanuni Samuel chaimashta raca ini.

1 Samuel 4:13

Israeli icanoashu Benjamín ahuun funa nocoaitian Elí fai cusumunri tsaonshon oinni. Fasi ratuquin shinanni ahuara chaca nan Diospan casho finoanmainquin. Ascano nan nocofunu nocotan Israelifoan finoan cuscan ato tapimani. Nan nicacani nantifi pushu rasi anoafoan fasi oiashcafinin ato manocani uainifo.