1 Juan 2:3 - Sharanahua: Diospan Tsain

³ Ascan Jesús noco yoimisi cuscan aquin non tapitiro non afu rafui. Nanton shinain cuscan non tapitiro norifi nannori shinanquin.

1 Juan 2:3 Kruisverwysings

Salmos 119:6

Un ascara shinaincai un rafipaima. Min ua yonoa cuscan fusti un shinain.

Lucas 6:46

¿Ahuuscai Ifo ua huafiamisishaquin un mato yoia cuscan man aimamun?

Juan 14:15

Ua noifin un mato yonoai cuscan man aicai

Juan 15:14

Un mato yonoai cuscan man aifin ufu rafumisi man itiroquin.

Juan 17:3

Mirus fusti min Diosincoin. Unfin Jesucristoquin nan mian nichini. Tsoan noco onancoianfin nipanacafoquin.

2 Corintios 4:6

Diosin shafa oni huataima yoiquin isca huani, —Faquishcun shafan inonran, —ishon yononi. Nanscarifiai non Jesús ifoantaimano nocon ointi nan faquish cuscara chaca ipaoni. Ascan Diosin Jesucristohuunshon nocon ointi muran chashamana non ahuunshon tapinon ahuu cuscara sharamainquin.

Hebreos 5:9

Nocohuunoashu omitsiscafiaquin Apa Diosin yoiai cuscan nicacoinni. Ascashon yorafo ismani ahua chaca huamisima. Ascashu ishara fustimisi. Ascashu nocon Numamisi sharacoin itiro. A nicasharaifoti Upa Dios fu ipatiroquin.

1 Juan 2:13

Ahuashta oniataima Upa Dios iyopaoni. Anifomishtichin, ahuu cuscaramain Upa Diosiquin man man tapia. Tapishon man icoinra huamisi. Ascan un matori cunushoni. Pushcohuaifoan Satanás mato amapaiyai cuscacai man amisima Jesús tanasharashquin. Ascan un matori cunushoni. Uhuun facufoan marifi nocon Upa Dios ahuu cuscaramainquin man man tapia. Tapishon man icoinra huai. Ascan un matori cunushoni.

1 Juan 3:19

Ascaquin non tapitiro Jesús iconcoin noco tapima cuscan non ai. Ascan ahuun ointaifi ratutama nocon nomuran unimatiro.

1 Juan 3:6

Tsoan afu rafushocai chaca huafafaintiroma. Jesushuunoa tapiama. Ahuunoa onancoiantaima.

1 Juan 4:13

Ahuun Yoshin Shara nocoqui nichini. Ascacun non tapitiro no fu ipanaca. Ascarifiai non afu ipanaca.

1 Juan 4:7

Uhuun yoramishtichin, Upa Dioshuunshon non yorafo noitiro. Ascashu non noinanoncahuun. Tsoa Diospan facuashu afu rafui. Ascanshon futsafo noicointiro.

1 Juan 5:19

Man non tapiari non Diospan facufo. Nan icoinra huafoma ahuun facufoma. Manifoannati nan yoshin chaca ato iquina.

1 Juan 5:2

Ascan non Dios noishon noco yonoa cuscan aquin non tapitiro ahuun facufori non noicoin.

1 Juan 5:3

Upa Diosin noco yoia cuscan aquin non ahuunshon Dios noicointiro. Noco yonoa cuscacai curushma. Upa Dios noiashu noco yonoa cuscan non unimatiro.

Apocalipsis 12:17

Ascacufin Satanás famanhuan cuscara sinatapacoin ainfo yafi ahuun funafo rutupai caa. Ascashon nan Diosin yonoa cuscan amisifo yafi Jesús noco Ifoan noco nashoniran huamisifo nanfofin ainfoan ahuun facufo. Nanfo Satanás ato cuyopai caa.

Apocalipsis 14:12

Ascancunfin uhuun yoramishti maton ointi fupuima sharacahuun. Omitsiscafiaquin tunucahuun. Diosin noco yononi cuscan acahuun. Nocon Ifo Jesús cachiquiri huayamacahuun.

Apocalipsis 22:14

Jerusalén funa muran iquishon nan nii ahuun fimi pipaiquin pitiro nipashquin. Nanscarifiai Upa Dios fu icaino arus fusti mato nimapacutiro. Nan ua icoinra huafo aton chaca soashona nanfo fusti uhuun Upa Diosin ato iquimatiro nofu ipanonfo.