Juan 4:1 - Kasulatan to Diyus

^1-3 Na og-uli-on tad to tutuwanon ki Juan aw ki Jesus no nigsimbonyag to mgo ka-otawan no namanpasakup to kandan mgo impang-anad. Dì si Jesus, konà no kandin to nambonyag. Dì sikan mgo pangabaga din dà to namanbonyag. Na to mgo Parisiyu no matagon-tagonon to kandan katahanan, nadinogan dan to “Nakada-og si Jesus to pagpansakup to mgo ka-otawan.” No pagkama-an ni Jesus to nadinogan to mgo Parisiyu kandin, insigkon din to pambonyag aw hipanow on kandin likat to Hudiya aw pa-ulì diyà to Galiliya.

Juan 4:1 Kruisverwysings

Lucas 1:76

Aw ikow no batà ku, ogkahingadanan ka to maglilikwaday ka to Kinalabawan no Diyus, su ogpa-unahan ikow to Magbobo-ot awos mahina-at nu to igbayà din

Lucas 19:31

Ko moydu-on ogsagman iyu, iling kow to ‘Moydu-on ogkadomdoman to Magbobo-ot ta to kabayù.’”

Lucas 19:34

Nigtabak kandan no daduwa to “Moydu-on ogkadomdoman to Magbobo-ot ta sikan.”

Lucas 2:11

su to iyu no Maglilipwasay no Magbobo-ot no Imananan to Ka-otawan, ing-anak on kunto-on no adow diyà to lunsud ni David.

Lucas 7:13

Pagkakita ni Jesus to buyag no bau, pigka-atan din aw ikagihi din to “Pahagtong kad to ogsinogow.”

Lucas 7:19

Pigtawag ni Juan to daduwa no sakup din aw pa-andiya-a din kandan diyà ki Jesus no Magbobo-ot su impa-usip ni Juan kandan ki Jesus no impa-iling to “Dow ikow iyan no Imananan to Ka-otawan dow moydu-on pad duma no ogka-iman pad to ka-otawan no oglogwà.”

Juan 3:22

Na pagkatapus to Hinang to Pagpalipas to Kado-otan, namanggawang on kandan si Jesus to Hirusalim aw pamang-andiyà to kahilitan to prubinsiya to Hudiya aw pambonyagi dan to mgo ka-otawan no nigpamanpasakup to impang-anad din.

Juan 3:26

Dayun pig-andiya-an si Juan to mgo sakup din aw ikagihi kandin to “Sir, si Jesus no pigmatu-ud nu natodu-on to kandin katondanan diyà dihipag to Hurdan, nigpambonyag on kandin to mgo otow no namanpasaup kandin aw tibò namanduguk diyà kandin.”

Mgo Hininang 10:36

Nama-anan now to impadaa to Diyus ki Jesu-Kristu to kagi din no Madoyow no Tutuwanon bahin to kalinaw dini kanami no kasinugpu-an ni Israel. Magbobo-ot kandin to tibò no mgo ka-otawan.

1 Taga-Kurintu 1:17

Ma-intok dà to nabonyagan kud on su konà no sikan to katondanan no imbogoy kanak ni Jesu-Kristu. Dì to pagpasabut nasì to Madoyow no Tutuwanon bahin ki Jesus to kanak katondanan. Dì konà no ka-ugsoban puli to otow to intapik to kanak ubag no kagi to ogpakabulig to otow su dagow mabawasan to kabogbogan to pagpakimatoy ita ni Jesu-Kristu du-on to kinurus.

1 Taga-Kurintu 15:47

To tugdow no Adan, abug to pasak to piglikatan din. To ikaduwa no Adan no si Jesu-Kristu, langit to piglikatan din.

1 Taga-Kurintu 2:8

To mgo tagsakup dini to babow to kalibutan, wadà dan kadaagi kan no nama-anan. Su ko nadaagan dan pa podon, konà dan man podon oghihimatayan to Magbobo-ot ta no kinalabawan.

2 Taga-Kurintu 4:5

Su konà no bahin kanami to impang-anad noy iyu. Dì to impang-anad noy iyu ki Jesu-Kristu no Magbobo-ot tanow, aw kanami iyan to iyu no bumubuligay su to paghimu noy bahin ki Jesus, ogsunudon noy kandin to paghimu din.

Santiago 2:1

Na mgo kasu-unan ku, mano pigtagonan ta man to tinu-uhan ta to Magbobo-ot ta no si Jesu-Kristu no kinalabawan no Magbobo-ot, wadà podon ogpili-on ta no kasing-tumutu-u ta agad-agad to mgo kabotang dan.

Sikan Impa-ahà ki Juan 19:16

Du-on to kabò din aw du-on to sau-aa, pigsulatan to ngadan no kalitukan to Harì to mgo harì aw Magbobo-ot to mgo magbobo-ot.