Santiago 4:5 - Manobo Western Bukidnon

⁵ Kenè niw isipa he kenà tutuu sikan is insurat he Lalag te Megbevayà he edhenduen te, “Is gehinawa he imbeg̵ey kenita te Megbevayà, nehimu he mezesen is kegkesuati zin te mezaat he ulaula,

Santiago 4:5 Kruisverwysings

Juan 10:35

Ne ke si Jesus te, “Kenà egkehimu he edhelinen is insurat he Lalag te Megbevayà. Umba, ke migngezanan din te menge megbevayà is menge kepuun tew zengan he mibeg̵ayan te lalag din,

Juan 19:37

Wey zuen daan insurat he tagnà he edhenduen te, “Edtengtengan dan is etew he mibpilak dan.”

Juan 7:42

Su,” ke sikandin, “impesavut te insurat he Lalag te Megbevayà he is hadì he mibpilì te Megbevayà, ne kevuwazan te hadì dengan he si David, ne ziyè kun id-anak te inged he Bitlihim he inged daan dengan ni Hadì David.”

Nengeulaula 7:9

Ne ke si Esteban te, “Si Jose is sevaha he anak ni Hakub, nesina kandin is menge kakey zin ne imbelegyè dan sikandin ne neuwit diyà te Ihiptu. Iyan, midumahan si Jose te Megbevayà,

Ruma 1:29

Iyan dà egkeisip dan is kelelalung wey is mezaat he ulaula. Leg̵ezen dan ne meremerik is ulaula zan. Egkesina sikandan; ebpemumunù dan; ebpeeg-eg̵etè dan; edtarùtarù dan; ne ebpesipelahan dan is menge zuma zan. Ed-ituk dan,

Ruma 9:17

Iyan, emun iyan egkesuatan din egkehimu he kenè din egkehizuwan is etew, su penenglitan kes hadì dengan diyà te Ihiptu, wazà sikandin mehizuwi te Megbevayà su migkeg̵iyan sikandin te Megbevayà te, “Umba midhimu ku sikew he hadì su wey pinaag̵i te kegkezaag̵a ku kenikew ibpeehè ku is dekelà he g̵ehem ku ne wey mevantug a zini te tivuuk he kelibutan.”

1 Kurintu 6:19

Siguradu netuenan niw he is lawa niw, ne iyan ed-ubpaan te Wag̵as he Mulin-ulin he imbeg̵ey keniyu te Megbevayà. Kenè ki en maan teg̵ig̵aked te lawa ta, kekenà,

2 Kurintu 6:16

Ne is simbahan he Valey te Megbevayà he zutun ed-ezapa sikandin, kenà egkehimu he zutun daan ed-ezapa is menge tarù he ed-ezapen. Ne iring din ded daan sikitew is tumutuu su iyan kiw iring te valey he ed-ubpaan te wazè din kemetayen he Megbevayà. Su migkag̵i is Megbevayà te, “Edlumunan ku sikandan ne ebpekiduma a kandan ne egkehimu he iyan a edsimbahan dan he Megbevayà ne iyan sikandan menge g̵aked ku he etew.”

Gelasya 3:8

Daan he migkag̵i is Megbevayà diyà te insurat he lalag din he minsan is menge etew he kenà menge Hudiyu, ne ed-isipen din sikandan he metazeng emun edtuuwan dan sikandin. Impesavut din he zaan ki Abraham is Meupiya he Tudtulanen, ke sikandin te, “Tenged te midtuu ka te migkag̵i ku, midtuvazan ku sikew. Ne pinaag̵i zaan kayi te kedtuu nu edtuvazan ku is tivuuk he menusiyà dini te kelibutan.”

Tito 3:3

Su sikita zaan is tumutuu, engey ki zengan wey mesinupaken ki te Megbevayà su wazè ta meturedu is tutuu he ibayà. Nengeuripen ki te menge mezaat he kebayà te lawa ta wey te menge kelipey he kenà meupiya. Neteg̵eb dengan is isip ta te kelelalung wey kesina. Nepeukan ki te menge etew ne nepeukan ta zaan sikandan.