Ruma 16:13 - Manobo Western Bukidnon

¹³ Ipengemusta a zaan ki Rufo. Nevantug en is kedtuu zin te Nengazen. Ipengemusta a zaan te iney zin he impeiring din is ked-isipa zin kedì te tuney en he anak din.

Ruma 16:13 Kruisverwysings

Mateo 20:16

Ne migkag̵i si Jesus te, “Is egkengehuziyan guntaan ne iyan egkengehuna keuzemà, ne sikan is egkengehuna g̵untaan ne iyan maan egkengehuziyan keuzemà.”

Marcos 15:21

Ne ziyà te zalan duen nesinug̵ung dan he etew he tigSirini he egngezanan ki Simon, he amey ni Alejandro wey ni Rufo. Heini si Simon, diyà ebpuun te unayan ne edhendiyà te inged. Ne mibpeg̵es dan ipetiang dutun te krus he edtiangen ni Jesus.

Marcos 3:35

su is minsan hentei he edtuman te egkesuatan te Megbevayà, iyan daan iney ku wey menge suled ku he maama, wey menge etevey ku.”

Juan 15:16

Kenè kew iyan nekepilì kediey, kekenà, iyan a nekepilì keniyu. Intezù ku sikiyu wey kew mekepemeg̵as te menge meupiya he ulaula ne wey kenà daan mahanew is beg̵as niw. Ne is minsan hengkey he ebuyuen niw ziyà te Amey ku he Megbevayà tenged te kedtuu niw kediey, ibeg̵ey zin keniyu.

Juan 19:27

Ne zutun migkeg̵iyan din sikan is sumusundan din te, “Iyan en heeyan iney nu.” Ne puun dà dutun he andew ziyè en med-ubpà is iney ni Jesus te valey zutun te sumusundan ni Jesus.

Ruma 16:12

Ipengemusta a ki Tripina wey si Tripusa he menge meg̵ied he sulug̵uen te Nengazen. Ipengemusta a zaan ki Persida he utew ku emig̵u. Utew zekelà is nehimu zin te kedtumana zin te ebpeveelan kandin te Nengazen.

Ruma 16:14

Ipengemusta a ki Asinkritu, si Pligunti, si Hirmis, si Petrubas, si Hirmas wey is langun he menge maama he suled tew zaan he menge zuma zan.

Ipisu 1:4

Dengan te wazè pa limbag̵a is kelibutan, mibpilì kiw en te Megbevayà. Iyan impilia zin kenitew su wey kiw mehimu he menge sakup din he wazà igkesewayi zuen.

2 Tiselunika 2:13

Menge suled he minahal te Nengazen, kenà egkehimu he kenà dekelà layun is kebpeselemati zey te Megbevayà tenged keniyu. Su zengan hein midlimbag din is langun, mibpilì kew zin wey kew zin melibri te silut pinaag̵i te g̵ehem te Wag̵as he Mulin-ulin he iyan ingkehimu niw he menge g̵aked din, wey pinaag̵i te kedtuu niw te tutuu he tuluuwen.

1 Timoteo 5:2

Is menge vahi he meg̵urang en, sembag̵i nu zaan he iring te iney nu en wey is menge menguhed he vahi, sembag̵i nu sikandan he iring te menge etevey nu en. Ne kinahanglan he utew hustu is ked-isipa nu kayi ziyà te kandan.

2 Juan 1:1

Siak is meg̵urang, ebpesuratan ku sikew is bahi he pinilì te Megbevayà wey is menge anak nu. Utew kew mahal zini te g̵ehinawa ku ne kenà dini zà te kedì he g̵ehinawa, kekenà, mahal kew zaan diyà te langun he neketuu te tutuu he tuluuwen.