Ruma 12:18 - Manobo Western Bukidnon

¹⁸ Himuwa niw is taman te egkehimu niw su wey melinawen is kebpekesavuk niw, ne wazà igkepeuki keniyu te minsan hentei.

Ruma 12:18 Kruisverwysings

Mateo 5:24

itag̵ak nu zè pa haazà is ibpemuhat nu ne beyai nu haazà is duma nu wey kew medhusey. Ne zutun ke ebpeked-uliey kew en te meupiya he g̵ehinawa, likù ka human ne leusa nu haazà is kebpemuhat nu ziyà te Megbevayà.

Mateo 5:5

Utew zeyzey sikandan is kenà mepelevawen su egkezawat dan kes tuvad he impenaad te Megbevayà.

Mateo 5:9

Utew zeyzey sikandan is ebpen-ahà te melinew he kebpekesavuk te menge etew su ed-engkenen sikandan te Megbevayà he menge anak din.

Marcos 9:50

Ne kenà duen dà taman su meupiya is timus su ibmetaam te egkeenen, iyan, ke egkeawà duen te timus is taam din, wazè en paag̵i he ebpekelikù pa ebpekeuman is taam din. Ne iring din ded daan kinahanglan he iring te timus is menge ulaula niw wey kew mehimu he ibmeupiya te menge etew ne kinahanglan he mebmelinawen is kedepitè niw te kada sevaha keniyu.”

Ruma 1:15

Tenged kayi, utew ku zaan egkesuati he ibpenudtul ku is Meupiya he Tudtulanen diyan te keniyu he ziyan te inged he Ruma.

Ruma 14:17

Su is kedhedii kenita te Megbevayà, ne kenà pinaag̵i te kedtumana ta te menge sug̵ù mehitenged te menge keenen wey inumen he idawey, kekenà, pinaag̵i te kebpeketezenga kenita te Megbevayà he metazeng wey pinaag̵i te melinawen he kebpekidepitè ta te menge zuma ta, wey pinaag̵i zaan te kelipey he ibeg̵ey te Wag̵as he Mulin-ulin.

Ruma 14:19

Umba ebpurungan ta is menge ulaula ta su wey kenà maawà is melinawen he kebpekidepitè ta te menge zuma ta ne wey zaan meheg̵et is kedtuu te kada sevaha kenitew.

1 Kurintu 7:15

Ne ke zuen sevaha keniyu he zuen esawa zin he kenà tumutuu ne egkesuat he ebpekidsuwey haazà is kenà tumutuu ne tug̵uti niw. Su idtug̵ut te Megbevayà he suwayi is tumutuu zuen te esawa zin he kenà tumutuu su umba impetuu kiw te Megbevayà su egkesuatan din he melinawen is kedepitè tew.

2 Kurintu 13:11

Menge suled, iyan dà heini menge lalag ku keniyu; berakat he mebmelipayen kew. Purungi niw is menge ulaula niw; tumana niw is menge sambag ku keniyu. Kinahanglan he mesevaha is gehinawa niw ne mebmelinawen is ked-ubpè niw. Su emun ebeelan niw heini, is Megbevayà he iyan puunà te g̵ag̵ew wey kelinew, layun eduma keniyu.

Gelasya 5:22

Egketuusan ta zaan is menge ulaula he egkehimu pinaag̵i te g̵ehem te Wag̵as he Mulin-ulin. Su emun ed-uwiten ki te Wag̵as he Mulin-ulin, mahal zini te g̵ehinawa ta is menge zuma ta, layun ki egkelipey, melinawen layun is gehinawa ta, mepelevayen ki, belig̵eg̵awen ki, metulanged ki, metinumanen ki,

Ipisu 4:3

Purungi niw is menge ulaula niw su wey kenà maawà is kegkeupakat niw he imbeg̵ey keniyu te Wag̵as he Mulin-ulin su pinaag̵i kayi te upakat egkesevaha is gehinawa niw.

1 Tiselunika 5:13

Kinahanglan he utew niw sikandan tehuza wey mahala tenged te menge vaal zan diyan te keniyu. Ne kinahanglan he melinew is kedepitè niw te kada sevaha.

2 Timoteo 2:22

Iniyug̵i nu is menge mezaat he kebayà te menge menguhed. Hemeni nu is metazeng he ulaula; layun ka sarig te Megbevayà; mahala nu ziyà te g̵ehinawa nu is minsan hentei he tumutuu; peniguduwi nu he melinew is kedepitè niw te menge zuma nu su iyan heini menge ulaula te langun he menge etew he ebpetavang te Megbevayà tenged te iyan dà egkesuatan dan is kedtumana zan te menge sug̵ù din.

Hibriyuhanen 12:14

Himuwa niw is taman te egkehimu niw su wey melinew is kebpekidepitè niw te minsan hentei ne wey niw metuman is metazeng he ulaula su emun kenè ki metazeng kenè ta is Megbevayà egkeahà keuzemà.

1 Pedro 3:11

Engkezi zin en is memezaat he ulaula ne layun meupiya is menge ulaula zin. Layun din pen-ahaa is melinawen he kedepitè dan te menge zuma zin.