Pilipus 2:12 - Manobo Western Bukidnon

¹² Ne umba, menge suled, iring te layun kew ebpememineg te menge sug̵ù ku, ne kenà dutun dà te kebpekiduma ku keniyu, kekenà, minsan te wazà a ziyan te keniyu, ne iring din ded daan guntaan kinahanglan is uman sevaha keniyu, ne himuwa zin is taman te egkehimu zin he edumahan te kegkehandek te Megbevayà su wey mepasad haazà is nepuunan en te Megbevayà te kedlibriya zin keniyu te silut.

Pilipus 2:12 Kruisverwysings

Mateo 11:12

Puun pa zutun te kebpesavut ni Juan taman en guntaan, is Megbevayà he ziyà te langit, edteg̵el he mekehadì, ne edteg̵el zaan is menge etew wey zan mekepehadì kandin.

Mateo 11:29

Beeli niw is idsug̵ù ku keniyu ne pepenurù kew kedì ne ebpekehimeley kew su kenà a eengeren ne kenà a ebpenlupig te minsan hentei.

Nengeulaula 16:29

Ne haazà is ebantey, midsug̵ù he uwita is sulù ne migaanggaan medseled ne midluhud is egkerkeren diyà te etuvangan ni Pablo wey ni Silas.

Nengeulaula 9:6

Enew ka ne laus ka ziyà te inged ne zuen dutun etew he ebpenurù kenikew te ebpeveelan ku kenikew.”

Ruma 2:7

Iyan, duen menge etew he edhemenan dan is meupiya he ulaula su iyan ed-isipen dan layun is kedelig̵a wey is kedtulusa kandan keuzemà te Megbevayà wey is kegketehuza zin kandan keuzemà. Ne untung he wazè din pidtemanan is ibeg̵ey zin kandan.

1 Kurintu 15:58

Na, menge mahal ku he menge suled, geina te iyan heini, heg̵eta niw is kedsarig niw te Megbevayà su wey wazà ebpekezezaat te kedtuu niw. Peniguduwi niw tumana is ebpeveelan keniyu te Nengazen; hag̵ù kew te taman te egkehimu niw su netuenan niw he emun iyan edtumanen niw is ebpeveelan te Nengazen, kenà egkehimu he wazà pulus te vaal niw.

1 Kurintu 2:3

Ne hein nekeuma a ziyan te keniyu utew a migkulbai su utew a egkehandek su kela ke kenè ku egkehimu is ebpeveelan kedì te Megbevayà.

1 Kurintu 4:14

Menge suled, kenà iyan igkeg̵iya ku kayi su wey kew meeled, kekenà, su wey ku sikiyu mepenurù su nehimu kew en he menge minahal he anak ku pinaag̵i te kedtuu niw ki Kristu.

2 Kurintu 7:15

Umba ed-iseg kew ebmahal ziyà te g̵ehinawa zin su egketenuzan din is kedtumana niw te menge sug̵ù ku wey is kegkeg̵alew niw kandin asal utew niw zutun ingkelenew kes kebpekeuma zin su nahandek kew ke zuen wazè niw metuman.

Ipisu 6:5

Sikiyu is menge sulug̵uen, purungi niw tumana is menge sug̵ù keniyu te menge egalen niw zini te kelibutan. Tehuza niw sikandan ne kinahanglan he ebpuun te meupiya he g̵ehinawa niw is kedtumana niw te menge sug̵ù dan iring te iyan si Kristu edsug̵ù keniyu.

Pilipus 1:27

Menge suled, ke minsan hengkey is egkehitavù kediey, utew kinahanglan he is menge ulaula niw, ne kenà ebpekesuwey te impenurù ni Kristu pinaag̵i te Meupiya he Tudtulanen. Su emun kenè kew edsuwey kayi, minsan ke kenà a ebpekelikù diyan, egketudtulan a he nesevaha is gehinawa niw wey tuyù niw te kedhag̵ù su wey metuuwi te mezakel he menge etew is Meupiya he Tudtulanen.

Pilipus 1:29

Su is mibpeveelan keniyu te Megbevayà, ne kenà iyan dà is kedtuuwi niw ki Kristu, kekenà, elin daan is ked-entusa niw te kemeresayan tenged te kedtuu niw kandin.

Pilipus 1:5

su egketenuzan ku is kedtevangi niw kediey te kedsengyawa ku te Meupiya he Tudtulanen puun pa te timpu zengan te kebpeketuu niw taman en guntaan.

Pilipus 1:6

Dutun he timpu mibpuunan te Megbevayà is meupiya he vaal zin he edhimuwen din diyan te keniyu. Ne netuenan ku he ebpeniguduwan din pa heini edhimuwa taman te egkepasad din keuzemà te andew te kedlikù ni Kristu.

Pilipus 2:19

Dekelà is kedsarig ku te Nengazen tew he si Jesus he meg̵aan ku en egkesug̵ù diyan te keniyu si Timoteo. Ne emun ebpekelikù en dini, egketuenan ku ke hengkey is kebpekesavuk niw. Ne utew heini ibmeupiya te g̵ehinawa ku.

Pilipus 4:1

Umba menge minahal ku he menge suled, heg̵eta niw is kedtumana niw te menge sug̵ù te Nengazen. Utew a mibulung keniyu. Igkelipey ku sikiyu wey ibmeupiya kew te g̵ehinawa ku.

Pilipus 4:15

Sikiyu is menge tigPilipus, netuenan niw he zutun te kedhipanew ku puun diyan te prubinsya he Mesidunya hein aney ku en ipenudtul ziyan is Meupiya he Tudtulanen, iyan kew zà menge tumutuu he midtavang kedì. Wazà duma he gurupu te menge tumutuu he nehimu he menge timbang ku su iyan kew zà nekeveg̵ey kedì te selapì.

1 Tiselunika 1:3

Su emun ed-ampù key te Megbevayà he Amey tew kenè dey egkelipatan is kedtuu niw, wey is kebmahala niw, wey is kebperateng niw te Nengazen tew he si Jesu Kristu. Su egketuusan is kedtuu niw kandin pinaag̵i te ulaula niw, ne pinaag̵i te kedhag̵ù niw egketuusan daan is kebmahala niw kandin diyà te g̵ehinawa niw. Ne egketuusan daan is kebperateng niw kandin pinaag̵i te kebmeinentusen niw.

2 Timoteo 2:10

Ne tenged kayi ed-entusen ku is minsan hengkey he merasey wey ku metevangi is menge etew he pinilì te Megbevayà. Egkesuatan ku he melibri sikandan te silut pinaag̵i te kebpekidsevaha zan ki Jesu Kristu ne mekezawat dan te ketulusan he wazà pidtemanan.

Hibriyuhanen 12:1

Ne sikitew zaan, menge suled, kayi te kedtuu tew te Megbevayà, ne iring kiw te ebpelumlumbeey. Ne g̵eina te utew mezakel is menge tumutuu zengan he nekepaahà kenitew he metinumanen is Megbevayà, kinahanglan he ed-engkezan tew en is minsan hengkey he ebpekesanggen kenitew te edlumbà wey is kenà hustu he ulaula he henduen be te layun tew egkeulaula, ne ebpekezesen kiw te ebpelelag̵uy taman te ebpekeuma kiw ziyà te edungguan tew.

Hibriyuhanen 4:1

Ne minsan pa zutun, wazà iawà te Megbevayà is daan he penaad din he zuen menge etew he ebpekeseled dutun te inged din wey zan mekehimeley zuma kandin. Ne tenged kayi kinahanglan he ebpekeandam kiw su wey wazà minsan sevaha kenitew he kenà edtug̵utan te Megbevayà he mekeseled dutun.

Hibriyuhanen 4:11

Umba, sikitew zaan, ebeelan tew is taman te egkehimu tew wey kiw zaan mekeseled dutun te edhimelayan he midteg̵ana te Megbevayà. Kenè tew ed-iringan haazà is menge etew zengan he wazà mebpemineg te Lalag te Megbevayà su wey wazà minsan sevaha kenitew he kenà ebmehimuwen he mekeseled dutun te edhimelayan.

Hibriyuhanen 5:9

Ne hein nepasad din en is langun he impetuman kandin te Megbevayà, nehimu sikandin he Menluluwas te langun he ebpemineg kandin su wey meveg̵ayi sikandan te untung he wazè din pidtemanan.

1 Pedro 2:11

Menge minahal ku he suled, kenè en hustu he inged tew heini is kelibutan su menge humuhulevungà kiw zà dini. Ne tenged dutun edhengyuan ku sikiyu he kenè niw pezumdumahi is menge mezaat he kebayè niw su ebpekesanggen heini te kedsundan niw te Megbevayà.

2 Pedro 3:18

Kinahanglan he pinaag̵i te kegkeg̵eg̵awi keniyu te Nengazen tew wey Menluluwas tew he si Jesu Kristu, med-iseg is kedsevuta niw te ibpesavut din. Berakat he iyan sikandin edelig̵en guntaan wey te wazà pidtemanan.