Nengeulaula 7:42 - Manobo Western Bukidnon

⁴² Ne zutun mid-iniyug̵an is menge kepuun tew te Megbevayà ne mibpesagdan din sikandan is ed-azap te menge vituen diyà te langit. Ne zuen insurat he Lalag te Megbevayà diyà te libru te ebpemeneuven dengan he edhenduen te, ‘He menge kevuwazan ni Israyil, kenà a iyan sikan is mibpemuhat niw zengan hein seled te kepatan he tuig diyà kew te tanà he wazà duen ed-ubpà he etew, kekenà, selakew is mid-azap niw.

Nengeulaula 7:42 Kruisverwysings

Juan 6:45

Duen netagnà he insurat dengan te ebpeneuven te Megbevayà he edhenduen te, ‘Ebpenuruen te Megbevayà is tivuuk he menusiyà.’ Umba,” ke si Jesus, “is langun he ebpemineg te ibpenurù kandin te Amey ku he Megbevayà, edsundan kediey.

Nengeulaula 13:40

Purungi niw isipa heini su wey kenà mehitavù diyà te keniyu is netagnà dengan he Lalag te Megbevayà he insurat te ebpemeneuven he ke sikandin te,

Nengeulaula 7:36

Ne mid-uwit ni Moises is menge kepuun tew ne mid-awè dan diyà te Ihiptu. Ne zutun te wazè dan pa med-awà diyà te Ihiptu, duen menge egkengein-inuwan wey menge singyal he impeehè din. Ne ziyà te zag̵at he egngezanan te Merig̵à, wey ziyà daan te imbayè dan he tanà he wazà duen ed-ubpà he etew, impeehè din daan is iring dutun he menge vaal. Kepatan he tuig is ked-uwita ni Moises kandan diyà te tanà he wazà dutun ed-ubpà he etew.

Hibriyuhanen 3:9

Su migkag̵i is Megbevayà te, “Minsan pa te seled te kepatan he tuig nengeehè dan is menge egkein-inuwan he mibeelan ku, ne migezaman dan pa ke hendei taman is kebpelevaya ku te menge mezaat he ulaula zan.