Nengeulaula 5:5 - Manobo Western Bukidnon

^5-6 Ne te kegkezineg̵a ni Eneniyas kayi he lalag, midsilutan te Megbevayà ne zutundutun nepiley sikandin ne minatey. Ne zutun mibeyaan sikandin te menge menguhed he maama ne mibukusan dan is lawa zin ne mid-uwit dan ne inleveng dan. Ne utew nengehandek is langun he nekezineg kayi te neulaula.

Nengeulaula 5:5 Kruisverwysings

Nengeulaula 13:11

Ne g̵untaan,” ke si Pablo, “edsilutan ka te Nengazen. Egkelakap ka, ne egkeug̵et ka egkeulii ne kenè ka ebpekeahà.” Ne zutundutun mibmerusirem is ked-ahà ni Ilimas. Ne nekekawàkawà su ebpetavang te menge etew he mekeag̵ak kandin.

Nengeulaula 2:43

Mezakel is menge egkein-inuwan wey singyal he nehimu pinaag̵i te menge epustul, umba neteg̵uan is menge etew te kegkehandek te Megbevayà.

Nengeulaula 5:13

Ne is kenà menge tumutuu, kenà edtampu kandan su egkengehandek, asal is langun he tigHiruselim, edtehuzen dan is menge tumutuu.

1 Kurintu 4:21

Ne hendei zapit is egkesuatan niw? Emun kenè niw ed-iniyug̵an is mezaat he ulaula, ebeyaan ku sikiyu wey ku sikiyu mesiluti. Ne emun meupiya is ed-ul-ulahan niw, meupiya g̵ihapun is kebpenumbaley ku ziyan, ne zekelà is gag̵ew ku wey hizu ku keniyu.

2 Kurintu 13:10

Umba ebpesuratan ku sikiyu te zini e pa te meziyù su ke ebpekeuma a ziyan kenè en kinahanglan he meg̵amit ku is keg̵ehem ku te epustul te kedsilut. Imbeg̵ey kedì te Megbevayà heini is keg̵ehem. Kenà iyan imbeg̵aya zin kayi te keg̵ehem su wey maawà is upakat niw te tumutuu, kekenà, wey meheg̵et is upakat niw.

2 Kurintu 13:2

Dutun te ikezuwa he kebpenumbelayi ku keniyu, sikiyu is memezaat is ulaula zengan, migkag̵i ku keniyu he emun kenè niw ed-engkezan haazà is memezaat he ulaula niw ne edsilutan ku sikiyu emun ebpekelikù a. Ne ed-umanan ku egkeg̵iya g̵untaan diyan te keniyu wey ziyà te minsan hentei pa he ed-ulaula te mezaat. Ke ebpekeuma a, wazà minsan hentei he ed-ulaula te mezaat he ebpekelikey te kedsiluti ku kandin.

2 Kurintu 7:11

Iyan, sikiyu, susiya niw is meupiya he nehimu te Megbevayà pinaag̵i te kegkeseeng niw. Su pinaag̵i kayi mid-iseg en is kebpurungi niw te ulaula niw. Dekelà diyà te g̵ehinawa niw he metueni te menge etew he wazè dey igkesawey te menge ulaula niw. Utew niw ingkeepes haazà is mid-ulaula zuen te nekesalà. Utew niw ingkehandek haazà su kela ke mekeragkes kew ke edsilutan sikandin te Megbevayà. Ne utew kew zaan mibulung kediey, ne mid-iseg is kedtumana niw te menge sug̵ù ku keniyu. Ne kenà dutun dà taman su segugunè niw midsiluti sikan is etew he mid-ulaula te mezaat. Ne ingkepeehè niw he wazà keniyu he salà dutun te neulaula zin.

Impezayag 11:13

Ne segugunà midlinug te utew mezesen. Ne nengerundus is ikesepulù he vahin te menge valey zutun te inged. Ne neg̵erà zutun te linug is pitu he libu he menge etew. Ne utew nengehandek dutun is menge etew he naawas dutun te linug ne midalig dan is mekeg̵eg̵ehem he Megbevayà he ziyà te langit.

Impezayag 11:5

Ne heini is dezuwa, ke zuen ebpesipala kandan, diyà te vèbè dan edlepew is hapuy ne egkeamin egketutung is menge kuntada zan. Ne pinaag̵i kayi edhimetayan dan is minsan hentei he egezam kandan ebpesipala.