Nengeulaula 4:34 - Manobo Western Bukidnon

³⁴ Ne is minsan hentei kandan, kenà edlised te minsan hengkey su is duma zan he zuen din tanà wey ke valey ve, ibelegyè din

Nengeulaula 4:34 Kruisverwysings

Mateo 19:21

Ne migkag̵i si Jesus te, “Emun edheg̵eten nu pa, ulì ka ne ivelegyè nu is langun he menge azen nu, ne is halin, ibpemeg̵ey nu ziyà te menge egkengeayuayu, ne edsepian ka ziyà te langit. Ne ke egkeipus nu heeyan likù ka zini wey ka mekesundan kediey.”

Marcos 10:21

Ne si Jesus, midtengtengan din haazà is etew su ingkehizu zin ne ke sikandin te, “Duen nu pa kurang; iyan is: ulì ka ne ivelegyè nu is langun he azen nu, ne is halin, ipemeg̵ey nu ziyà te egkengeayuayu ne edsepian ka ziyà te langit. Ne ke egkeipus nu heeyan, likù ka zini wey ka mekesundan kediey.”

Lucas 12:33

Ivelegyè niw is langun he azen niw ne ipemeg̵ey niw is halin diyà te menge egkengeayuayu. Pinaag̵i kayi egkehimu he zuen ketig̵eyunan niw ziyà te langit. Is menge azen niw ziyà te langit, ne kenà egkezeetan ne kenà egketerinan su wazà ebpenakew ne wazà ipes he ebpekeketket.

Lucas 16:9

Umba,” ke si Jesus, “egkeg̵iyen ku keniyu he g̵emita niw is ketig̵eyunan niw zini te kelibutan wey metevangi is egkengeayuayu ne emun egkeuma haazà is timpu keuzemà he kenè niw en egkeg̵amit is menge azen niw, edsuhulan kew te Megbevayà diyà te langit.

Lucas 22:35

Ne zutun migkag̵i si Jesus diyà te kandan te, “Hein midsug̵ù ku sikiyu zengan he indawey ku keniyu he wazà med-uwit te selapì, ne wazà med-uwit te ed-ilisan, ne wazà daan med-uwit te ed-ilisan he sepatus, ne hengkey is kurang niw zutun te kedhipanew niw?” Ne midtavak dan te, “Wazè dey kurang.”

Nengeulaula 2:45

Imbelegyè dan is menge azen dan wey menge tanà ne is halin dutun, ne mibpenalad dan diyà te langun he menge zuma zan sumalà is kinahanglan te kada sevaha.

Nengeulaula 4:37

Ne zuen tanà ni Bernabe, ne imbelegyè din haazà. Ne imbeg̵ey zin is halin dutun diyà te menge epustul.

1 Tiselunika 4:12

Ne emun ebeelan niw heini edtehuzen kew te menge etew he kenè pa tumutuu, ne zutun kenè en daan kinahanglan he ebpekevuyù kew te igkeuyag niw ziyà te minsan hentei.

1 Timoteo 6:19

Pinaag̵i kayi egkekuwa zan is hustu he ketig̵eyunan he kenè dan egkesuwey keuzemà. Ne ebpekeangken dan te untung he iyan tutuu he untung.

Santiago 1:27

Is etew he hustu is ked-azap din te Megbevayà, edlikayan din is menge mezaat he ulaula he iyan ed-ul-ulahan te menge etew zini te kelibutan he kuntada te Megbevayà. Meupiya mulà is ulaula zin. Ebpurungan din is menge edlised he menge ilu he vatà wey menge valu he vahi. Iyan heini egkesuatan te Amey tew he Megbevayà he paag̵i te ked-ezapa tew kandin.