Nengeulaula 3:23 - Manobo Western Bukidnon

²³ Ne sikan is kenà ebpemineg kandin te ebpeneuven te Megbevayà, kenè en sikandin idragkes te menge etew he ed-ulinan te Megbevayà,’ ke si Moises dengan.

Nengeulaula 3:23 Kruisverwysings

Marcos 16:16

Ne sikan is edtuu kayi wey ebpebewtismu, ebeg̵ayan te untung he wazà pidtemanan. Ne sikan is kenà edtuu ne edhukuman te silut.

Juan 12:48

Is etew he kenà edawat kedì ne kenà edtuman te menge penurù ku, edhukuman sikandin te silut keuzemà dutun te ketepusan he andew, su iyan idsiluti kandin is menge penurù ku he wazè din dewata.

Juan 8:24

Umba migkag̵i ku keniyu he ebpematey kew he kenà egkepeseylu is menge salè niw su tutuu iyan haazà emun kenè kew edtuu he iyan a sikan is mibpilì te Megbevayà he ibpahadì.”

Nengeulaula 2:41

Ne zutun, mezakel is nemeketuu te impesavut kandan ni Pedro ne mibpebewtismu sikandan. Ne zutun he andew neumanan kes menge tumutuu te tetelu he libu.

Hibriyuhanen 10:39

Iyan, sikitew, menge suled, kenè kiw iring te menge etew he edsuwey ne edsilutan sikandan te Megbevayà su mezesen mulà is kedtuu tew ne pinaag̵i kayi nelibri kiw en te silut.

Hibriyuhanen 12:25

Umba, purung kew pemineg te Lalag te Megbevayà ne kenè kew sukul. Su is menge etew zengan he wazè dan pemineg̵a is Lalag te Megbevayà he insug̵ù kandan ni Moises dini te kelibutan, emun wazà sikandan mekelikey te silut te Megbevayà, iyan kew pe be mekelikey te silut emun kenè niw ebpemineg̵en is egkeg̵iyen din te ebpuun te langit.

Hibriyuhanen 2:3

Ne iring din ded daan, sikitew is menusiyà, kenè kiw zaan ebpekelikey te silut te Megbevayà emun ebey-anan tew, ne kenè tew edtumanen is impenurù kenitew mehitenged te mekeg̵eg̵ehem he kedlibriya zin kenitew te silut. Is nehuna he nekepenudtul kayi, ne iyan en is Nengazen tew he si Jesus. Ne is menge etew he nemekezineg kandin, edtistig̵usan dan dini te kenitew he tutuu heini.

Impezayag 13:8

Ed-ezapen haazà is langgam te langun he menge etew zini te kelibutan he wazà ikesurat is ngazan dan diyà te libru he zutun ilista is menge etew he ebeg̵ayan te untung. Iyan haazà kes libru zuen te nati he kerehidu he zengan dà imbanglis is kebpehimatey zin te wazè pa tukuza is kelibutan.

Impezayag 20:15

Is minsan hentei zutun he wazà ilista is ngazan din diyà te libru te untung, in-agbur zaan sikandin diyà te ranew he egkeregreg.